Policia në Mal të Zi ka arrestuar shtetasin e kërkuar M. D., 31-vjeç, pasi ky i fundit ishte shpallur në kërkim nga policia shqiptare për veprën penale kultivimi i bimëve narkotike.

Arrestimi i M.D. u krye si pjesë e operacionit ndërkombëtar “The Wanted”, për arrestimin me qëllim ekstradimin, të shtetasve të shpallur në kërkim ndërkombëtar.

Shtetasi shqiptar ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Lezhë, me vendimin e datës 23 prill 2025, i ka caktuar masën e sigurisë arrest me burg, për kultivim të bimëve narkotike, i kryer në bashkëpunim, raporton KosovaPress.

Dyshohet se M. D. ka bashkëpunuar me një shtetas të arrestuar më herët si pjesë e operacionit Vakumi, për kultivimin e 1640 bimëve narkotikëve, në Gocaj e Rraboshte të bashkisë Lezhë.

Gjatë operacionit policor janë sekuestruar rreth 34 kilogramë lëndë e dyshuar narkotike kanabis sativa, e paketuar për shitje.

Interpol Tirana, në bashkëpunim me autoritetet e Malit të Zi, vijon punën për finalizimin e procedurave të ekstradimit të shtetasit M. D. në Shqipëri./D.B/KP

Qeveria e Mbretërisë së Bashkuar ka bërë të ditur sot se do të miratojë një paketë të re të sanksioneve kundër 11 individëve dhe subjekteve ruse të përfshirë në dëbimin e detyruar të fëmijëve ukrainas.

“Drejtuesit e politikës së Rusisë për të dëbuar, indoktrinuar dhe militarizuar fëmijët ukrainas janë sanksionuar sot nga Mbretëria e Bashkuar. Këto përfshijnë tetë individë dhe tre organizata të lidhur me shtetin rus”, tha njoftimi për shtyp.

Sanksionet e fundit synojnë të godasin individët dhe subjektet që mbështesin dhe kryejnë këtë politikë të fshehtë të përpjekjes për të fshirë kulturën ukrainase.

Kjo përfshin organizata të tilla si Fondacioni Akhmat Kadyrov i cili drejton programe të riedukimit për fëmijë dhe adoleshentë ukrainas, duke iu nënshtruar atyre trajnimeve militariste.

Sanksionet u imponuan gjithashtu për organizatën rinore “Lëvizja e së Parë” dhe grupin “Volunteers of Victory”.

Për më tepër, Mbretëria e Bashkuar synon të godasë përmes sanksioneve edhe zyrtarë e figura ruse, duke përfshirë, Leyla Fazleeva, zëvendëskryeministrin e Tatarstanit, Rinat Sadykov, komandant i regjimentit të forcave speciale çeçene dhe Valery Maiorov, kreu i Qendrës Federale të Rinisë së Rusisë, transmeton RTSH.

Qeveria e Mbretërisë së Bashkuar theksoi se masat vijnë në mes të provave në rritje nga inteligjenca ushtarake se “Rusia po ndjek një politikë të gjatë të russifikimit në territoret e okupuara përkohësisht të Ukrainës, duke kërkuar të zhdukë kulturën, identitetin dhe shtetësinë e Ukrainës”.

Raportimi i Kombeve të Bashkuara tregon se Federata Ruse ka zbatuar kurrikulën ruse në shkolla në territoret e okupuara përkohësisht dhe ka zbatuar trajnime që përgatit fëmijë për shërbimin ushtarak rus.

Deri më tani, më shumë se 19 e 500 fëmijë ukrainas janë transferuar ose dëbuar me forcë nga autoritetet ruse në Rusi dhe territoret e okupuara përkohësisht të Ukrainës.

“Politika e Kremlinit për dëbime të detyruara, indoktrinim dhe militarizim të fëmijëve ukrainas është përçmuese, dhe demonstron thellësitë e depresionit që presidenti Putin do të arrijë të fshijë gjuhën, kulturën dhe identitetin e Ukrainës. Asnjë fëmijë nuk duhet të jetë kurrë një peng lufte dhe kjo është arsyeja pse politikën e Kremlinit e konsiderojmë përgjegjësit kryesorë” , tha Sekretari i Jashtëm i Mbretërisë së Bashkuar David Lammy.

Mbretëria e Bashkuar vendosi një paketë të ngjashme të sanksioneve vitin e kaluar, duke shënuar 1.000 ditë që nga pushtimi në shkallë të plotë të Rusisë në Ukrainë, duke synuar dhjetë individë dhe subjekte ruse të përfshirë në dëbimin e paligjshëm të fëmijëve ukrainas./D.B/KP

Brenda Manchester Cityt kishte filluar të lëkundej pushteti që sezonin e kaluar pas dy humbjeve në tri ndeshjet e para të këtij edicioni, por çarjet janë thelluar edhe më shumë.

Ajo që dikur ishte makina më dominuese e Premierligës, papritmas duket e cenueshme madje edhe pas lëvizjeve të fundit në tregun e transferimeve.

Ardhja në ditën e fundit të afatit e Gianluigi Donnarummës, i cili nënshkroi për të zëvendësuar Edersonin pas kalimit të tij te Fenerbahçe, konsideroht një shtresë e ndryshimeve. Donnarumma është portier i nivelit botëror, por jo i tipit që zakonisht lidhet me Guardiolën.

Përveç Edersonit, gjatë verës janë larguar edhe emra si Kevin De Bruyne, Kyle Walker, Jack Grealish, James McAtee, Ilkay Gundogan dhe Manuel Akanji. Pa shumë zhurmë, një nga skuadrat më të mëdha që ka parë ndonjëherë Premier League është shpërbërë.

Mesfushori dirigjent dhe fituesi i Topit të Artë 2024 ka edhe dy vite kontratë, por ende nuk e ka rinovuar. Interesimi i hershëm i Real Madridit mbetet i gjallë, dhe ndjesia është se, nëse City nuk arrin ta rivendosë veten në majë, spanjolli mund të joshet për t’u rikthyer në qytetin e tij.

Brenda Etihad-it pranojnë se ekziston shqetësim. Rodri është i pazëvendësueshëm, zemra e sistemit të Guardiolës dhe rrjeti i sigurisë që u lejon yjeve të sulmit të shkëlqejnë. Humbja e tij do të ishte më shumë se një largim tjetër i profilit të lartë.

City ka kaluar tranzicione edhe më parë, por Pep Guardiola tani gjendet përballë sfidës së tij më të vështirë në Angli.

Ai ka rindërtuar skuadra, por jo nga një pozitë kaq e brishtë. Ky grup duket më pak i sigurt, më pak i paprekshëm.

Dhe nëse Rodri fillon të dyshojë në drejtimin e klubit, përballja me një tjetër lamtumirë të dhimbshme bëhet e pashmangshme. Burimet thonë se ai me të vërtetë po e peshojnë të ardhmen e tij.

Për City-n, çështja nuk është vetëm ndjekja e një titulli tjetër, por dëshmia ndaj vetë lojtarëve se ende i përkasin majës absolute.

/S.K/EO/

Në epokën e globalizimit dhe digjitalizimit të tregjeve, ligji i biznesit është bërë një prej fushave më të rëndësishme dhe më të kërkuara në botën profesionale. Duke e njohur këtë nevojë, UBT ofron Programin Master (LLM) në të Drejtën Komerciale (Tregtare), i cili është dizajnuar për juristë, profesionistë dhe të diplomuar në drejtësi që synojnë të specializohen në sektorin e biznesit dhe tregtisë ndërkombëtare.

Ky program nuk është vetëm një rrugëtim akademik, por edhe një mundësi drejt karrierës ndërkombëtare, duke u ofruar studentëve njohuri të avancuara, përvojë praktike dhe një qasje kritike ndaj sfidave të së drejtës tregtare.

Çfarë përfiton një student i këtij programi?

• Njohuri të avancuara mbi kontratat tregtare – nga hartimi deri te ekzekutimi i tyre, duke përfshirë rastet e shkeljes dhe arbitrazhit.
• Të drejtën e shoqërive tregtare – themelimi, qeverisja, menaxhimi dhe shpërbërja e kompanive, sipas standardeve kombëtare dhe ndërkombëtare.
• Ekspertizë në të drejtën e konsumatorit dhe konkurrencës – ku studentët aftësohen të analizojnë dhe krahasojnë kuadrot ligjore të Kosovës me ato të BE-së dhe tregjeve globale.
• Pronësia intelektuale dhe inovacioni – trajnim i veçantë mbi menaxhimin e patentave, markave tregtare, të drejtave të autorit dhe sekreteve tregtare, thelbësore për bizneset moderne.
• Simulime të proceseve gjyqësore – studentët marrin pjesë në skenarë praktikë, duke menaxhuar ekipe, hartuar kontrata reale dhe përgatitur mbrojtje ligjore.
• Aftësi kërkimore dhe akademike – programi ofron mjete të avancuara për hulumtim shkencor, duke i përgatitur studentët për publikime dhe studime të thelluara.

Pse Master në të Drejtën Komerciale në UBT?

UBT është i vetmi institucion në Kosovë që kombinon teorinë e avancuar akademike me praktikën ligjore ndërkombëtare, përmes:

• Punëtorive me juristë dhe ekspertë të shquar vendas e të huaj.
• Pjesëmarrjes në raste reale të tregut global.
• Integrimit të studentëve në rrjetin profesional të UBT-së, i cili përfshin partneritete me kompani, institucione publike dhe organizata ndërkombëtare.

Objektivat kryesore të programit:

• Formimi i një baze solide mbi të drejtën tregtare kombëtare dhe ndërkombëtare.
• Zhvillimi i aftësive për të adresuar çështje komplekse të qeverisjes korporative dhe përgjegjësisë sociale të bizneseve.
• Nxitja e mendimit kritik dhe kreativ në menaxhimin e të drejtave të pronësisë intelektuale.
• Përgatitja e profesionistëve për një treg pune që kërkon ekspertë të gatshëm të ofrojnë zgjidhje për sfidat ligjore të epokës moderne.

Misioni i programit

Misioni i Masterit në të Drejtën Komerciale është të edukojë juristë me standarde të larta etike dhe profesionale, të pajisur me njohuri që tejkalojnë kufijtë e zakonshëm të teorisë dhe që lidhen drejtpërdrejt me praktikën. Në këtë mënyrë, UBT synon të kontribuojë në forcimin e sundimit të ligjit, stabilitetit ekonomik dhe zhvillimit të qëndrueshëm në Kosovë dhe rajon.

Ky program është një mundësi e artë për të gjithë ata që duan të bëhen pjesë e një fushe ku ligji dhe biznesi takohen, krijojnë inovacion dhe udhëheqin zhvillimin global.

APLIKO TANI ONLINE!