Sport

Triumfi i Martinez në Botëror, Emery diskuton fokusin e portierit argjentinas

“Tani fokusi i tij është 100% me Aston Villa”, tha Emery.

Published

4 years ago

January 4, 2023

UBT news

Trajneri i Aston Villas, Unai Emery, beson se portieri Emiliano Martinez është “100%” i fokusuar në klubin e Premier Ligës pas fitores së Argjentinës në Kupën e Botës kundër Francës.

Martinez pritet të startojë kundër Wolverhampton Wanderers të mërkurën, pasi ka qenë në bankën rezervë për fitoren e skuadrës së tij ndaj Tottenham Hotspur të dielën.

Argjentina mposhti Francën 4:2 me penallti në Katar, pasi një finale dramatike kishte përfunduar 3-3 më 18 dhjetor.

“Tani fokusi i tij është 100% me Aston Villa”, tha Emery.

“Për ne ai është shumë i rëndësishëm dhe ne mund të jemi krenarë për të që është fitues në Kupën e Botës. Ai kishte dy ditë stërvitje, të premten dhe të shtunën, dhe tani më shumë seanca, kështu që mendoj se do të jetë gati pas pushimit të tij dhe pas emocionit që pati me fitimin e këtij Botërori”, shtoi më tej trajneri i Aston Villas.

Muajin e kaluar, Emery tha se kishte në plan të fliste me portierin 30-vjeçar për festimet e tij pas fitores së Argjentinës në Kupën e Botës.

Martinez është kritikuar për disa nga veprimet e tij pas finales, ku përfshihej edhe një gjest i vrazhdë me çmimin e tij “Doreza e Artë”.

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/