Tringëllima e vëshëve është nje problem shëndetësor i cili po prek gjithnjë e më shumë individë.

Në përgjithësi, mjeku do t’ju diagnostifikojë bazuar vetëm në simptomat tuaja, ndaj është shumë e rëndësishme që të konsultoheni me të. Gjithashtu mjeku juaj do të përpiqet të identifikojë nëse kjo tringëllimë mund të ketë një shkaktar të fshehtë. Problemi kryesor qëndron në faktin se në shumicën e rasteve shkaktari i tringëllimës së veshëve është i paidentifikueshëm.

DIAGNOZA

Për të ndihmuar në identifikimin e shkakut të tringëllimë në veshët, mjeku juaj ka të ngjarë t’ju pyesë për historinë tuaj mjekësore dhe të ekzaminojë veshët, kokën dhe qafën tuaj. Testet e zakonshme përfshijnë:

• Provimi i dëgjimit (audiologjik)
• Lëvizjen
• Teste imazherike
• Teste laboratorike

Si gjithmonë, është shumë e rëndësishme që të komunikoni me mjekun gjithçka që ndjeni e dëgjoni, në mënyrë që diagnostifikimi të jetë sa më i saktë.

Simptomat ose zhurmat më të shpeshta:

Kërcitje – Ky lloj tingulli tregon se shkaku i tringëllimë në veshët tuaj mund të jenë kontraktimet e muskujve brenda dhe rreth veshit.

Pulsim ose gumëzhimë – Këto tinguj zakonisht janë pasojë e enëve të gjakut (vaskulare), si presioni i lartë i gjakut dhe mund t’i vëreni kur bëni ushtrime ose ndryshoni pozicione, si p.sh. kur shtriheni ose ngriheni në këmbë.

Tringëllimë me volum të ulët – Ky lloj tingulli mund të tregojë për bllokime të kanalit të veshit, sëmundjen e Meniere ose ngurtësimin e kockave të veshit të brendshëm (otosklerozë).

Tringëllimë e zhurmshme – Ky është tingulli më i zakonshëm i tringëllimë në veshët. Shkaqet e mundshme përfshijnë ekspozimin ndaj zhurmës së lartë, humbjen e dëgjimit ose medikamentet. Neuroma akustike mund të shkaktojë zhurmë të vazhdueshme dhe me zë të lartë në njërin vesh.

TRAJTIMI

Kura e tringëllimës së veshëve varion nëse shkaktar bëhet një problem shëndetësor i fshehur. Në këtë rast trajtimi nis me problemin thelbësor, i cili do reduktojë tringëllimën e veshëve më kalimin e kohës.

Disa trajtime janë:

• Pastrimi profesional i dylli të veshëve
• Trajtimi i enëve të gjakut
• Aparatet e dëgjimit
• Një ndryshim në mjekimin tuaj

Medikamente

Kura natyrale që mund t’i bëni vetë në shtëpi

Ilaçet nuk mund të kurojnë tringëllimën e veshëve, por në disa raste ato mund të ndihmojnë në uljen e ashpërsisë së simptomave ose komplikimeve. Për të ndihmuar në lehtësimin e simptomave tuaja, mjeku juaj mund të përshkruajë ilaçe për të trajtuar një gjendje themelore ose për të ndihmuar në trajtimin e ankthit dhe depresionit që shpesh e stimulojnë atë.

Në disa raste ky problem mund të kurohet, në disa të tjera tringëllima bëhet pjesë e jetës së njerëzve pa i shqetësuar shumë ata, por gjithsesi AgroWeb ju tregon disa mënyra se si ta bëni atë më pak të besdisshme në përditshmërinë tuaj.

Përdorimi i tapave mbrojtëse të veshëve (kundër zhurmave) – Me kalimin e kohës, ekspozimi ndaj tingujve të lartë mund të dëmtojë nervat e veshëve, duke shkaktuar humbje të dëgjimit dhe tringëllimën e veshëve.

Mbani volumin e ulët – Dëgjimi i muzikës me volum shumë të lartë përmes kufjeve mund të kontribuojë në humbjen e dëgjimit dhe tringëllimën e veshëve.

Dëgjoni “zhurmën e bardhë” – Nëse tringëllima në veshët tuaj është veçanërisht e dukshme në mjedise të qeta, provoni të dëgjoni zhurmë të bardhë për të maskuar zhurmën nga tringëllimë në veshët. një freskuese, muzikë e butë, televizori ose radio statike me volum të ulët gjithashtu mund të ndihmojnë. (Zhurma e bardhë i referohet zhurmës që bën televizori ose radio kur antena nuk ka sinjal “shhh…”)

Limitoni konsumin e alkoolit, kafeinës dhe nikotinës – Këto substance, veçanërisht kur konsumohen me tepri mund të ndikojnë në qarkullimin e gjakut dhe të nxisin tringëllimën e veshëve.

Disa medikamente alternative

• Akupunkturë
• Melatonina
• Suplementet e Zinkut