Aktualitet

Tregtia e Shqipërisë me Kosovën në rënie, me Serbinë rritet për 4,8%

Edhe me Maqedoninë e Veriut Shqipëria paraqet rënie të eksporteve me 4.9%.

Published

3 years ago

August 22, 2022

UBT.News

Nisur nga të dhënat e Institutit të Statistikave mbi tregtinë e jashtme për muajin korrik të këtij viti, televizioni Scan ka analizuar se si ka ndryshuar tregtia e jashtme me vendet e rajonit, krahasuar me korrikun e një viti më parë.

Nga të dhënat e përpunuara vihet re se eksportet me Kosovën kanë vlerën më të lartë, por kanë pësuar rënie me 12,1% krahasuar me të njëjtën periudhë të një viti më parë.

Ndër vendet e rajonit rënien më të madhe të eksporteve gjatë korrikut Shqipëria e ka pësuar me Serbinë deri në 41.1%.

Edhe me Maqedoninë e Veriut Shqipëria paraqet rënie të eksporteve me 4.9%.

Marrëdhëniet tregtare të Shqipërisë me Malin e Zi dhe Bosnjë e Hercegovinën, sa u përket eksporteve në vlerë, paraqiten me rritje. Eksportet me Bosnjë e Hercegovinën janë rritur me 33,4%, ndërsa me Malin e Zi janë rritur me 21,4%. Por si paraqiten eksportet në volum me vendet e rajonit, krahasuar me korrikun e vitit 2021? Nga shifrat e përpunuara bie në sy një rënie e eksporteve në volum pothuaj me të gjitha vendet e rajonin përveç Bosnjë e Hercegovinës, e cila ka pësuar rritje me 7,1%.

Scan gjithashtu ka analizuar edhe importet me vendet e rajonit sa i përket korrikut të këtij viti. Sipas shifrave të tregtisë së jashtme Shqipëria ka regjistruar rritje të importeve në vlerë vetëm me Serbinë. Gjatë korrikut eksportet me Serbinë kanë vlerën e 3.1 miliardë lekëve, ndërkohë që gjatë korrikut të një viti më parë vlera e eksporteve me Serbinë regjistrohej në 2.04 miliardë lekë. Nëse do të flisnim për vendet e tjera të rajonit, Shqipëria regjistron rënie të importeve, ku me Kosovën rënia regjistrohet në 3%, ndërsa rënien më të madhe e regjistron me Bosnjë e Hercegovinën.

Aktualitet

Tentimvrasja në Pejë, i dyshuari në arrati

Published

14 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

14 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

15 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.