Lajmet

Tre opsionet e Perëndimit përballë urisë globale të shkaktuar nga lufta në Ukrainë

Sanksionet, duke përfshirë edhe ato më të ashprat, kërkojnë kohë për të qenë efektive.

Publikuar

“The Independent”

Më shumë shpesh sesa jo, gjëja e rëndësishme në një samit ndërkombëtar, është ajo që nuk adresohet. Për momentin, kjo është shumë e vërtetë për liderët e G7-ës. Ata po e injorojnë urinë globale, që po shfaqet si një pasojë tragjike e pushtimit rus të Ukrainës.

Për shkak të ndërprerjeve që ka shkaktuar lufta, minimit të ujërave ukrainase dhe bllokadës së portit të Odesës nga marina ruse, miliona ton drithë dhe vaj luledielli, që tani duhet të ushqenin njerëzit në Afrikë, Lindjen e Mesme dhe Azinë Jugore, ndodhen ende në magazinat ukrainase në pritje për t’u eksportuar ose u kalbur, vjedhur dhe transportuar drejt Rusisë.

Kur ka radhë buke në Ukrainë, kjo duhet të përbëjë një arsye për t’u shqetësuar. Perëndimi ka përpara tre opsione, që të gjitha të sikletshme dhe të rrezikshme. Opsioni i parë është të mos bëjmë asgjë. Dhe heshtja e dukshme pavarësisht nevojës për t’i dhënë fund krizës globale të ushqimit nga G7, sugjeron se kjo është qasja më e preferuar.

Në fakt, kjo qasje do të dënonte mijëra, në mos miliona njerëz nga më të varfrit, në vende nga Gana deri në Jemen. Si gjithnjë, ata që janë në fund të listës, do të jenë të parët që do të përjetojnë urinë. Por shumë të tjerë do t’i pasojnë, kur inflacioni i lartë t’i përjashtojë nga tregu.

Kjo është një perspektivë e tmerrshme, e përkeqësuar më tej nga informacionet se të korrat e ardhshme do të jenë rreth gjysma e sasisë aktuale, për shkak të luftës që vazhdon në Ukrainë. Moti i keq dhe të korrat e dobëta gjetkë në botë, mund ta përkeqësojnë më tej këtë krizë.

Në çdo rast, ajo duket e destinuar të përkeqësohet. Përveç krizës së menjëhershme humanitare, një destabilitet i tillë në zona të gjera, që përfshijnë vende me të ardhura të ulëta dhe në zhvillim, do të shkaktojë trazira, do të ndezë konflikte, dhe do të rrisë flukset migratore drejt Perëndimit. Me kalimin e kohës presioni global për të bërë diçka për të mbushur barkun me bukë, do ta detyrojë botën e pasur të veprojë. Por për disa do të jetëshumë vonë.

Një opsion i dytë sugjerohet nga vetë Kremlini. Rusët kanë ofruar të lejojnë kalimin e sigurt të grurit dhe vajrave nga Ukraina dhe përmes Detit të Zi drejt Afrikës së Veriut dhe më tej, në këmbim të lehtësimit të sanksioneve ndaj saj. Është një formë shantazhi, e cila do të përshpejtonte humbjen vendimtare të Ukrainës.

Sanksionet, duke përfshirë edhe ato më të ashprat, kërkojnë kohë për të qenë efektive, madje edhe tani vendet evropiane importojnë ende gazin rus. Por problemi është që nëse Rusia e kontrollon bujqësinë ukrainase, drejtpërdrejt apo tërthorazi, ajo do të jetë në të njëjtin pozicion që ishte në lidhje me lëndët djegëse fosile:të mbajë peng Perëndimin dhe pjesën tjetër të botës. Sigurisht që kjo nuk do t’i jepte fund ambicies së Vladimir Putinit, për të reformuar perandorinë e vjetër sovjetike dhe ruse.

Opsioni i tretë është të krijimi i një korridor të sigurt për të nxjerrë eksportet ushqimore nga Odesa, dhe për të thyer bllokadën ruse. Por kjo do të kërkonte një bashkëpunim ndërkombëtar të paprecedentë. Për të qenë efektiv, ky bashkëpunim duhet të mbështetet nga një “koalicion i vullnetarëve” globalë, jo i kufizuar tek NATO, dhe i mbështetur nga marina e shumë vendeve, edhe pse disa prej tyre mund të kenë vetëm një forcë simbolike.

Do të duhet një armatë e madhe mjetesh për të fituar kontrollin e ujërave të Ukrainës dhe atyre ndërkombëtare, për të pastruar minat që gjenden aty, dhe për ta penguar marinën ruse tëfundosë anijet tregtare. Turqia, ruajtësja e hyrjes në Detin e Zi, dhe garantuesja e zbatimitKonventës ndërkombëtare të Montrosë, duhet të bindet të lejojë hyrjen e anijeve ushtarakepërmes Detit të Zi.

Deri më tani, presidenti Erdogan është shfaqur si një aleat i paqartë, sado të sinqerta që mund të jenë përpjekjet e tij për të siguruar paqen në rajon. Përballë presionit të kombinuar dhe stimujve miqësorë të aleatëve të tij të NATO-s dhe fqinjëve të BE-së, Erdogan mund të nxitet ta zemërojë Kremlinin.

Megjithatë, nuk mund të jetë në interesin strategjik afatgjatë të Turqisë të ketë pranë një Rusi agresive, ekspansioniste, dhe që shkakton vazhdimisht telashe. Në fakt Ankarasë nuk i intereson as të ketë pranë një valë grushtesh shteti dhe akte dhune, si ato të Pranverës Arabe.

Tek e fundit, Rusia dhe Turqia janë tradicionalisht rivale të natyrshme me njëra-tjetrën.

Por deri më tani, 7 fuqitë e mëdha, nuk i kanë peshuar dhe analizuar këto zgjedhje të pakëndshme. Por pas çdo dite që kalon pa asnjë sinjal veprimi të vendosur, ka më shumë shanse që Rusia ta lërë botën të nënshtruar nga uria.

Askush nga ata që e shijoi peizazhin e bukur bavarez këtë javë, s’duhet të ketë asnjë dyshim mbi gatishmërinë e Vladimir Putinit për të sakrifikuar edhe më shumë jetë njerëzish, vetëmpër hir të projektit të tij megaloman./bota.al

Kulturë, Lifestyle

Mediat prestigjioze shkruajnë për titullin që presidentja Osmani i dha Dua Lipës gjatë vizitës në Kosovë

Ndër mediat që shkruan për Lipën ishin Rolling Stone, Vanity Fair dhe Deseret.

Publikuar

nga

Gjatë vizitës së yllit pop në Prishtinë, Presidentja e Kosovës Vjosa Osmani emëroi Dua Lipën ambasadore nderi.

Gjatë një ceremonie të premten e kaluar, Osmani lavdëroi punën e saj humanitare në Kosovë dhe gjetkë, duke e quajtur atë një “muzikante të klasit botëror”, si dhe një “aktiviste të drejtpërdrejtë dhe të ndërgjegjshme”.

Osmani e vlerësoi atë për sensibilizimin e Kosovës në mbarë botën.

Në Instagram, ku Lipa ka më shumë se 85 milionë ndjekës, ajo postoi se “është një nder dhe privilegj të jem në gjendje të përfaqësoj vendin tim në të gjithë botën dhe të vazhdoj punën dhe përpjekjet e mia globalisht për të lënë gjurmë dhe bëj një ndryshim”. Ajo shtoi se “rinia e Kosovës meriton të drejtën e liberalizimit të vizave, lirinë për të udhëtuar dhe për të ëndërruar”.

“Ndër kriteret e saj të para si ambasadore nderi: Lobimi për liberalizimin e vizave për qytetarët e Kosovës, një kauzë për të cilën këngëtarja mbrojti gjatë gjithë Festivalit Sunny Hill që ajo dhe babai i saj e themeluan në vitin 2018”, raportoi Rolling Stone.

Sipas Vanity Fair, “Lipa tani është pjesë e një trashëgimie të madhe të muzikantëve dhe diplomacisë. Në vitet 1950, Shtetet e Bashkuara shpallën një numër muzikantësh xhaz ambasadorë kulturorë dhe i dërguan nëpër botë në udhëtime të financuara nga Departamenti i Shtetit. Këta këngëtarë përfshinin yjet si Duke Ellington, Louis Armstrong, Dave Brubeck, Dizzy Gillespie, Benny Goodman dhe Quincy Jones”.

Billboard raportoi për nderimin e bërë nga Osmani: “Sot i dhashë Dua Lipës titullin Ambasadore Nderi e Republikës së Kosovës, sepse ajo vazhdon ta nderojë vendin tonë në çdo hap dhe çdo paraqitje”, ka shkruar presidentja krahas disa fotografive në llogarinë e saj në Instagram.“E falënderova në emër të të gjithë qytetarëve të Republikës së Kosovës për gjithçka që ka bërë dhe që po e bën zërin tonë të dëgjohet kudo në botë”./UBTNews/

Vazhdo të lexosh

Film & TV

“Prey” bën histori si premiera më e madhe e të gjitha kohërave në Hulu

“Prey” është gjithashtu më i shikuari në Star+ në Amerikën Latine dhe në Disney+.

Publikuar

nga

Filmi “Prey” është vazhdim i “Predator” dhe është i disponueshëm për transmetim në Hulu. Pas publikimit, filmi i drejtuar nga Dan Trachtenberg u bë premiera më e njohur e të gjitha kohërave në këtë platformë.

Për më tepër, “Prey” është gjithashtu më i shikuari në Star+ në Amerikën Latine dhe në Disney+ në vendet ku Hulu nuk është i disponueshëm.

Filmi u publikua direkt në OTT, duke iu shmangur teatrove. Sidoqoftë, The Hollywood Reporter informoi se projekti ishte planifikuar gjithmonë si një hyrje e drejtpërdrejtë në transmetim.

Filmi ka personazh Amber Midthunder si Naru, një anëtare e fisit Comanche që kërkon të provojë aftësitë e saj si gjahtare. Ndërsa personazhi është një gjurmuese e shkëlqyer, ajo nuk ka aq shumë respekt në mesin e gjuetarëve meshkuj, por vëllai i saj Kima është një gjuetar i nivelit të lartë i respektuar nga i gjithë fisi.

E vendosur në vitet 1700, Naru duhet të mbështetet në instinktet dhe zgjuarsinë e saj për të mposhtur Predatorin – një anëtar i një race alienësh – që zbarkon në tokë dhe fillon të vrasë njerëzit për sport./UBTNews/

Më poshtë shihni trailerin e filmit “Prey”:

Vazhdo të lexosh

Lajmet

Mijëra persona janë evakuuar pranë Bordeaux pasi zjarret kanë shkatërruar fshatrat franceze

Ministri i Brendshëm francez tha se kishte “dyshime të mëdha” se zjarri “është vepër e zjarrvënësve”.

Publikuar

nga

Mijëra njerëz u evakuuan nga shtëpitë e tyre në Francën jugperëndimore këtë javë, në një rajon të njohur për pyjet e tij, pishat e të cilit u shkatërruan nga flakët muajin e kaluar.

Zjarri pranë qytetit të Bordeaux detyroi evakuimin e rreth 6,000 njerëzve dhe shkatërroi të paktën gjashtëmbëdhjetë shtëpi. Një autostradë kryesore u mbyll pasditen e së mërkurës për shkak të afërsisë së zjarrit.

Ministri i Brendshëm francez, Gerald Darmanin, njoftoi se më shumë zjarrfikës janë dërguar në vend në përpjekje për të frenuar zjarrin. Në total, më shumë se 1000 zjarrfikës, nëntë avionë dhe dy helikopterë janë mobilizuar, tha ai.

Darmanin tha se kishte “dyshime të mëdha” se zjarri “është vepër e zjarrvënësve”.

Rajoni i Gironde u godit muajin e kaluar nga zjarre të mëdha që detyruan evakuimin e më shumë se 39,000 njerëzve, përfshirë banorët dhe turistët./UBTNews/

Vazhdo të lexosh

Lajmet

Snapchat do të pushojë disa nga punonjësit e tij për shkak të performancës së tyre

Aktualisht është e paqartë se sa nga më shumë se 6,000 punonjësit e firmës do të pushohen.

Publikuar

nga

Kompania kohët e fundit tha se “nuk ishte e kënaqur” me performancën e saj të biznesit.

Snapchat është në fazat e hershme të planifikimit të pushimeve nga puna, sipas dy personave të njohur me këto plane.

Shkurtimet e planifikuara vijnë pasi kompania kohët e fundit dha rezultate zhgënjyese të të ardhurave dhe nuk parashikoi të ardhura për tremujorin e tretë – lajm që çoi në një rënie të çmimit të aksioneve në nivelet më të ulëta të të gjitha kohërave.

Aktualisht është e paqartë se sa nga më shumë se 6,000 punonjësit e Snapchat do të pushohen nga puna.

Biznesi i Snapchat është dëmtuar kohët e fundit nga dy faktorë: i pari është prezantimi i kërkesës “Ask App Not to Track” nga Apple. Faktori i dytë është rënia më e gjerë ekonomike që ka ndëshkuar veçanërisht çmimet e aksioneve të Snapchat.

Hera e fundit që Snap bëri pushime nga puna ishte në vitin 2018. Që atëherë, baza e përdoruesve të saj është rritur në 347 milionë përdorues të përditshëm, duke tejkaluar edhe Twitter./UBTNews/

Vazhdo të lexosh

Të kërkuara