Lifestyle

Tre arsye pse nuk duhet të bëni dush në mëngjes

Dushi në mëngjes mund të rezultojë në çarçafë të ndotur gjatë natës.

Published

2 years ago

February 20, 2023

UBT news

Njerëzit që e kanë zakon të bëjnë dush në mëngjes shpesh nxjerrin në pah përfitimet e rutinës së tyre të zgjimit. Për shembull, dushi menjëherë pas zgjimit mund t’ju japë një nxitje efektive të energjisë, ta bëjë më të lehtë zgjimin, t’ju ndihmojë të keni flokë më cilësorë dhe të reduktojë djersitjen gjatë ditës. Megjithatë, ekspertët paralajmërojnë se dushi në mëngjes ka disa disavantazhe.

Çarçafë të pistë

Dushi në mëngjes mund të rezultojë në çarçafë të ndotur gjatë natës. Domethënë, nëse përsëri flini pa bërë dush, do t’i lini në çarçafë të gjitha papastërtitë që janë grumbulluar në trupin tuaj gjatë ditës, shpjegon mjeku Adil Maqbool.

Neglizhimi i dushit gjatë natës mund të lërë më shumë pluhur, baktere, lëkurë të vdekur dhe djersë në shtratin tuaj. Prandaj, nëse shkoni në shtrat pa bërë dush, gjithë atë papastërti dhe djersë do t’i transferoni në çarçafët tuaj, dhe ky është një mjedis që mund të jetë shumë i përshtatshëm për rritjen e baktereve dhe acarimin e lëkurës”, shton ai.

Shkaktar i alergjisë

Për ata që janë alergjikë ndaj marimangave të pluhurit, dushi në mëngjes në vend të natës mund të shkaktojë reaksione alergjike dhe simptoma të tjera shoqëruese. Sa më shumë lëkurë të bie në shtrat, aq më shpejt shumohen marimangat.

“Marimangat janë insekte të vogla që jetojnë në pluhur dhe lulëzojnë në mjedise të ngrohta dhe me lagështi. Ata ushqehen me qelizat e vdekura të lëkurës sonë dhe kur një person shkon në shtrat pa dush, marimangat kanë një burim ushqimi. Ndërsa shumohen, marimangat mund të shkaktojnë alergji dhe simptoma të astmës tek njerëzit e ndjeshëm”, shpjegon Maqbool, i cili shton se një opsion shumë më i mirë është të bëni dush para se të shkoni në shtrat, shkruan Index.h, transmeton Klankosova.tv.

Problemet e lëkurës

Shumica e njerëzve djersiten shumë më tepër gjatë ditës sesa natën, që do të thotë se është e rëndësishme të pastroni lëkurën para se të shkoni në shtrat, thekson mjeku, veçanërisht nëse keni probleme me aknet.

“Puçrrat shkaktohen nga një kombinim i disa faktorëve të ndryshëm, duke përfshirë sekretimin e tepërt të vajit, poret e bllokuara dhe praninë e baktereve. Kur shkoni në shtrat pa dush, papastërtia, djersa dhe bakteret në lëkurën tuaj mund të kontribuojnë në bllokimin e poreve dhe prodhimin e tepërt të vajit që mund të çojë në zhvillimin e akneve. Përveç kësaj, kur flini në çarçafë të ndyrë, bakteret dhe papastërtitë mund të transferohen përsëri në lëkurë, duke përkeqësuar më tej një problem tashmë ekzistues”, paralajmëron Maqbool.

Lifestyle

Ditë me rreze dielli, ja parashikimi i motit për sot

Published

19 hours ago

May 22, 2025

Albina Zeneli

Sot mbi vendin tonë po mban mot pjesërisht i vranët.

Por, nuk do të mungojnë as rrezet e diellit.

Temperatura minimale do të jetë 11°C kurse maksimalja e ditës arrin deri në 22°C.

Edhe nesër, e premtja e datës 23 maj do të jetë mot i ngjashëm me temperatura nga 12 deri në 23°C. /UBT News/

Lifestyle

Kopenhageni shpallet qyteti ‘më i lumtur’ në botë

Published

1 week ago

May 12, 2025

Albina Zeneli

Lifestyle

2 deri në 10 minuta për të larguar stresin

Published

2 weeks ago

May 7, 2025

Albina Zeneli

“Ju nuk duhet ta lini stresin të vazhdojë gjatë. Ai mund të ketë efekte që të çojnë deri në humbje kujtese”, kështu shprehet profesori Alberto Oliverio.

Ai sugjeron disa ushtrime që secili mund t’i bëjë me veten, për t’u larguar nga situatat që na zhysin në errësirë.

Kohëzgjatja 2 minuta

Të shtrirë ose të ulur në kolltuk, merrni frymë ngadalë, përmes hundës, në mënyrë të rregullt e të thellë. Përqendrohuni në gjoks, duke e shtypur sa të mundni e duke çliruar sa më shumë ajër që keni thithur. Duhet përdorur diafragma dhe të ndjeni barku që shtrihet dhe ngrihet kur ju merrni frymë.

Kohëzgjatja 5 minuta

Mbyllni sytë përfytyroni sikur jeni në një mjedis të qetë: jeni vetëm në plaz ose në një lëndinë me lule. Merrni frymë ngadalë e përpiquni të mënjanoni çdo lloj mendimi për të mbetur vetëm me ndjesitë që vijnë nga mjedisi ku ju jeni zhytur: një erë e lehtë, oshëtima e dallgëve, jehona e zërit të pulëbardhave, cicërimat e zogjve, apo aroma e luleve. Mbani gjatë këto ndjesi, ndërsa përqendroheni tek frymëmarrja, muskujt do të qetësohen.

Kohëzgjatja 10 minuta

Të shtrirë ose ulur në kolltuk, mbyllni sytë e merrni frymë thellë. Tani përqendrohuni në ballin tuaj e përfytyroni se do shkarkoni tensionin e muskujve. Përqendrohuni te muskujt e fytyrës, duke shkarkuar tensionin e tyre. Duke vazhduar me frymëmarrjen e ngadalshme e të rregullt, përpiquni të çlironi tensionin muskulor të qafës, të shpatullave, të krahëve dhe të duarve. Pastaj çlironi muskujt e barkut, shpinës, kofshët dhe këmbët, derisa të arrini tek gishtat e këmbëve.

Këto janë disa ushtrime, por metodat dhe teknikat e qetësimit janë të shumta: Joga, p.sh të bën të përgjegjshëm për trupin e të shtyn në një kontroll të fizikut dhe të mendjes përmes ushtrimeve në një kompleksitet në rritje. Disa prej tyre janë të lehta për t’u kryer dhe mund të kuptohen dhe të kryhen edhe pa ndihmën e një eksperti.

Lifestyle

Sot shënohet Dita Botërore e Ngjyrave

Published

2 weeks ago

May 6, 2025

Albina Zeneli

Çdo vit në 6 maj festohet dita botërore e ngjyrave.

Një ditë kushtuar posaçërisht fëmijëve, të cilët gjithmonë shprehin imagjinatën e tyre përmes lapsave dhe ngjyrave.

Në këtë festë, ju bëhet thirrje fëmijëve dhe adoleshentëve në planet të marrin lapsa, ngjyra etj. dhe të hedhin të gjitha idetë që kanë në kokë për të ngjyrosur vizatimet e tyre më të bukura.

Një iniciativë që kërkon të mbushë brezat e rinj me vetëdije më të madhe për bukurinë, të veçantën dhe diversitetin që e bëjnë botën unike dhe të mrekullueshme.

Ditë të bukur e plot ngjyra!