Aktualitet

Trazirat në Kazakistan: Rreth 10 mijë arrestime

Kasim-Giomart Tokagef: Trupat e huaja do të largohen brenda 10 ditësh.

Published

5 years ago

January 11, 2022

Betim Gashi

Forcat e sigurisë të Kazakistanit kanë arrestuar 9,900 persona si pjesë e hetimeve për trazirat e javës së kaluar në vendin e Azisë Qendrore, njoftoi sot ministria e brendshme.

Presidenti, Kasim-Giomart Tokagef i ka cilësuar protestat tentativë për grusht shteti për vendin e pasur me naftë, gaz natyror dhe burime të tjera.

Tokayev tha të hënën se xhihadistët nga vendet fqinje dhe Afganistani, si dhe nga Lindja e Mesme, ishin të përfshirë në trazira.

Kreu i shtetit rrëzoi qeverinë e tij, ndërsa disa zyrtarë të lartë të sigurisë u arrestuan dhe u akuzuan për tradhti.

Më i njohuri prej tyre është Karim Massimov, ish-kreu i Komitetit të Sigurisë Kombëtare.

Z. Tokayev gjithashtu njoftoi sot se forcat e dërguara nga vendet anëtare të Organizatës së Traktatit të Sigurisë Kolektive (CSTO) do të fillojnë të tërhiqen brenda dy ditësh dhe procesi do të përfundojë pas dhjetë ditësh.

Nur-Sulltani kërkoi ndihmën e CSTO, një aleancë nga ish-republikat sovjetike të drejtuar nga Rusia.

Veç kësaj, presidenti Tokajev njoftoi në parlament se kishte emëruar Alikhan Smailov si kryeministër të ri. Z. Smailov, 49 vjeç , ishte zëvendëskryeministër në kabinetin e kaluar.

Lajmet

Tërmet në Greqi, lëkundjet u ndjenë edhe në Maqedoninë e Veriut

Published

7 minutes ago

September 25, 2026

UBTNews

Një tërmet me intensitet prej III gradësh sipas Shkallës Evropiane të Makroseizmikës është ndier mbrëmë rreth orës 22:18 në Manastir, Resnjë dhe zonat përreth.

Sipas Observatorit Sizmologjik në Shkup, epiqendra e lëkundjeve ishte në Greqi, rreth 120 kilometra në jugperëndim të Shkupit.

Deri më tani nuk raportohet për dëme materiale apo të lënduar nga ky tërmet.

Lajmet

Asambleja e Përgjithshme e OKB-së, kryeministri Rama mban sot fjalimin

Published

23 minutes ago

September 25, 2026

UBTNews

Asambleja e Përgjithshme e OKB-së, kryeministri Rama mban sot fjalimin e tij në hapje të debatit

Kryeministri Edi Rama ndodhet në Shtetet e Bashkuara të Amerikës për të marrë pjesë në Asamblenë e Partishme të OKB.

Sot, në rreth 17:00, sipas orës lokale, ai pritet të mbajë fjalimin në Asamblenë e Përgjithshme të Kombeve të Bashkuara.

Rama pritet të flasë në hapje të debatit të Asamblesë së Përgjithshme. Gjatë qëndrimit në SHBA, kryeministri ka zhvilluar një takim me komunitetin shqiptar në Michigan.

Në axhendën e tij janë parashikuar gjithashtu takime me përfaqësues të politikës, ekonomisë dhe organizatave ndërkombtare.

Punimet e Asamblesë së Përgjithshme të OKB-së zhvillohen nga 22 deri më 28 shtator. Në këtë vizitë, kryeministri Rama shoqërohet nga bashkëshortja e tij, Linda Rama, si dhe nga delegacioni zyrtar.

Gjatë qëndrimit në SHBA një grup shqiptarët kanë protestuar në momentin që kalonte delegacioni shqiptar. Autoritetet amerikane qe garantonin sigurinë e kryeministrit dhe të pranishmeve te tjerë; kane ndaluar një prej protestuesve, i cili hodhi veze në drejtim të delegacionit.

Lajmet

Kanosje me thikë në Prishtinë

Published

1 hour ago

September 25, 2026

UBTNews

Policia e Kosovës ka intervistuar dy persona të dyshuar në lidhje me një rast të kanosjes, ndërsa në vendin e ngjarjes ka konfiskuar një thikë.

Pas intervistimit, me vendim të prokurorit, njëri nga të dyshuarit është dërguar në mbajtje, ndërsa i dyshuari tjetër është liruar dhe rasti ndaj tij do të vazhdojë në procedurë të rregullt. /E.A/