Lajmet

Trazirat në Iran: Këngëtari u hesht, por kënga e tij shndërrohet në himn proteste

Ajo përbëhet nga tweeta në lidhje me dëshirat e njerëzve për gjërat që u mungojnë në vend.

Published

4 years ago

on

Edhe pse ai është heshtur pas arrestimit, kënga e këngëtarit iranian Shirvin Hajipour – në mbështetje të protestave për vdekjen e Mahsa Amini në paraburgim – ka mbetur një himn jozyrtar i lëvizjes.

Kënga “Baraye” arriti 40 milionë shikime në Instagram përpara se të fshihej kur Hajipour u arrestua, por që atëherë ai është liruar me kusht dhe është distancuar nga politika, me gjasë si kusht për lirimin e tij.

Baraye, fjala persiane “Për” ose “Sepse”, përbëhet nga tweet-at në lidhje me protestat dhe dëshirat kryesore që njerëzit kanë për gjërat që mungojnë në Iranin e goditur nga sanksionet, ku shumë ankohen për vështirësitë e shkaktuara nga keqmenaxhimi ekonomik.

Ajo bazohet gjithashtu në aktivitetet e përditshme që i kanë vënë njerëzit në telashe me autoritetet në republikën islamike.

Baraye është dëgjuar të luhet me zë të lartë gjatë natës nga blloqet e banesave në Iran për të treguar mbështetje për protestat e shkaktuara nga vdekja e Aminit më 16 shtator, pasi policia famëkeqe e moralit e arrestoi atë për dyshime se kishte shkelur rregullat, sipas të cilave gratë duhet mbajtur hixhab dhe rroba modeste.

Ajo u këndua gjithashtu me ëndje nga diaspora iraniane në mitingje në më shumë se 150 qytete anembanë botës në fundjavë.

Kënga u hoq nga llogaria e Hajipour në Instagram menjëherë pas arrestimit të tij, por është ende gjerësisht e disponueshme në platformat e tjera të mediave sociale, duke përfshirë Twitter dhe YouTube.

Menjëherë pas lirimit, Hajipour është rikthyer në Instagram, por këtë herë për të kërkuar falje dhe distancuar nga politika./UBTNews/

Related Topics:
Continue Reading

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

5 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

5 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

6 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

6 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara