Transferimi i Szoboszlait te Liverpooli i prish punë Cityt

Më tej thuhej se Gvardiol veçse ka përfunduar pjesën e parë të testeve mjekësore te City.

Published

3 years ago

July 21, 2023

UBT news

Ditë më parë gazetari i njohur, Fabrizio Romano bëri të ditur se Manchester City ka arritur akord personal me Josko Gvardiol, ndërsa edhe marrëveshja me RB Leipzigun ishte afër për tu arritur.

Më tej thuhej se Gvardiol veçse ka përfunduar pjesën e parë të testeve mjekësore te City, por që si duket ky lajm i Romanos nuk është i vërtetë.

Gvardiol së fundmi është parë të jetë ende në stërvitje me RB Leipzigun, dhe tani drejtori sportiv i klubit gjerman ka folur për të ardhmen e mbrojtësit kroat.

“Transferimi i Szoboszlait (nga Liverpooli) na ka siguruar neve financiarisht. Neve nuk na duhen paratë. Ne preferojmë që Josko të qëndrojë”, tha drejtori sportiv i RB Leipzigut.

Dominik Szoboszlai la RB Leipzigun për Liverpoolin këtë verë, ku transferimi i tij kap koston e 70 milionë eurove.

Si duket, me kalimin e tij te Liverpooli, Szoboszlai i ka prishur punë Manchester Cityt në garën për të nënshkruar me Gvardiol.

Related Topics:Josko Gvardiol Dominik Szoboszlai

Up Next

Payet largohet me efekt të menjëhershëm nga Marseille

Don't Miss

Ekipi kosovar i xhudos merr pjesë në Kampin Olimpik në Holandë

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/