Lajmet

Trajtimi i krimeve speciale po zvarritet, IKD: Dënimet më të ashpra te krimet e luftës

Ndonëse janë ngritur shumë aktakuza prej rasteve të monitoruara, 6% janë shpallur fajtorë nga gjykatat.

Published

3 years ago

on

Instituti i Kosovës për Drejtësi (IKD) ka prezantuar raportin “Performanca e sistemit të drejtësisë në trajtimin e krimeve speciale”.

Aurela Mërlaku nga IKD-ja paraqiti të dhënat e monitorimit të Departamentit Special të Gjykatës Themelore në Prishtinë. Sipas saj, ndonëse janë ngritur shumë aktakuza prej rasteve të monitoruara, 6% janë shpallur fajtorë nga gjykatat. Ajo ka sqaruar se dënimet më të ashpra janë të krimet e luftës, përderisa për terrorizëm dënimi më i lartë ka qenë tri vjet burgim.

Te rastet e korrupsionit janë zgjidhur 7 nga 17 raste, duke sqaruar se pagat e prokurorëve duhet të jenë të njëjta e jo të kenë dallime.

“Gjatë vitit 2021 kemi analizuar 32 raste që kanë përfunduar me aktgjykim ku përfshihen 91 persona. Dënime me gjobë kanë përfunduar 27. PSRK ka pasur sukses në aktakuza që ka ngritur 80%. 6% janë shpallur fajtor nga gjykata. Dënimet më të ashpra janë shpallur për krimet penale të luftës. Mesatarja për krimet të luftës është 12 vjet e gjysmë. Dënimi më i ashpër për terrorizëm është me 3 vjet burgim. Sa i përket korrupsionit departamenti ka qenë i ngarkuar me 17 raste të korrupsionit ku ka arritur t’i zgjidhë 7 raste. Një prokuror special paguhet mbi 2 mijë e 800 euro që i bie mbi 700 euro më pak se një prokuror. Legjislacioni përcakton se paga e prokurorëve dhe gjyqtarëve special duhet të jetë e njëjtë”, deklaroi ai.

Kurse Ramiz Durmishi nga kjo organizatë tha se PSRK ndaj 121 personave ka ngritur aktakuzë në vitin 2021 dhe janë zgjidhur vetëm pesë raste.

“Kur jemi tek performaca në ndjekjen penale gjatë monitorimit që ka bërë IKD në prokurori ka rezultuar se PSRK ka zgjidhur më pak lëndë. Ne vitin 2021 ka zgjidhur 26%. Edhe përkundër faktit se gjatë vitit 2021 numri i prokurorëve ka qenë më pak dhe nuk ka pasur ndryshim në punën e PSRK. Në vitin 2020 PSRK ka trajtuar numër më të vogël të personave të dyshuar. PSRK ndaj 121 personave ka ngritur aktakuzë në vitin 2021. Gjatë vitit 2021, PSRK ka zgjidhur vetëm pesë raste. Ndaj 16 personave PSRK ka zgjidhur sa i përket rasteve për luftë. Gjykata e Apelit ka gjetur shkelje procedurale dhe ka pamundësuar kryesin e rastit për drogë”, deklaroi ai.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

11 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

11 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

13 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

13 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara