Lajmet

Tragjedia me 59 viktima në RMV, jepet masa e sigurisë për ish-ministrin e Ekonomisë Kreshnik Bekteshi

Published

2 years ago

on

Ish-ministri i Ekonomisë, Kreshnik Bekteshi do të përfundojë në paraburgim për 48 orët e ardhshme, njëjtë sikurse ish-drejtori i Inspektoratit të Tregut, pasi gjykata ka pranuar kërkesën e prokurorisë.

Gjykata e Koçanit e ka pranuar kërkesën e prokurorisë që Bekteshi të dërgohet në “paraburgim të shkurtër”, bashkë me shtatë të dyshuar tjerë, ndërsa po pritet të caktohet se në cilin burg do të dërgohet i njëjti.

48 orë paraburgim i është dhënë edhe Bekim Maksutit, ish-drejtorit të Drejtorisë për Mbrojtje dhe Shpëtim.

Kujtojmë se klubi i natës ku ndodhi tragjedia në Maqedoninë e Veriut, kishte përdorur një licencë e falsifikuar. Sipas kryeministrit maqedonas Hristijan Mickoski licenca ishte lëshuar vitin e kaluar nga zyrtarë të ministrisë së Ekonomisë.

“Shumë pyetje duhen të marrin përgjigje,” tha Mickoski, i cili premtoi llogaridhënie në të gjitha nivelet.

Kryeministri i Maqedonisë së Veriut tha: “Për momentin kemi informacion se në momentin e fatkeqësisë tragjike ka pasur një licencë të falsifikuar, të lëshuar në mars 2024 në këmbim të ryshfetit. Bëhet fjalë për një dokument pune për një kabare, i lëshuar në mënyrë të paligjshme, me vulën origjinale të Ministrisë së Ekonomisë dhe nënshkrimin e zyrtarëve të atëhershëm të kësaj ministrie. Ka shumë pyetje, të cilave hetimi do t’iu japë përgjigje”, tha Hristijan Mickoski.

Related Topics:
Continue Reading

Lajmet

Arrestohet një person në Podujevë, dyshohet se shtyu zyrtaren policore

Published

19 minutes ago

on

September 22, 2026

By

Një person është arrestuar në Podujevë pasi dyshohet se ka përdorur fjalë fyese dhe ka shtyrë një zyrtare policore.

Rasti ka ndodhur më 21 shtator, rreth orës 15:08.

I dyshuari është intervistuar dhe, me vendim të prokurorit, është liruar në procedurë të rregullt./A.K/

Continue Reading

Lajmet

Dyshohet për kontrabandim me migrantë në Vërmicë, ndalohet një person

Published

21 minutes ago

on

September 22, 2026

By

Policia ka ndaluar një automjet me targa vendore në Vërmicë, ku janë gjetur katër migrantë, shtetas të huaj.

Rasti ka ndodhur më 21 shtator, rreth orës 04:00. Automjeti drejtohej nga një i dyshuar mashkull kosovar.

I dyshuari është intervistuar dhe, me vendim të prokurorit, është liruar në procedurë të rregullt.

Ndërkohë, migrantët janë trajtuar nga institucionet përkatëse dhe më pas janë dërguar në qendrën strehimore./A.K/

Continue Reading

Lajmet

Dy persona sulmojnë me kaçavidë një burrë në Ferizaj

Published

24 minutes ago

on

September 22, 2026

By

Një burrë në Ferizaj ka kërkuar ndihmë mjekësore pasi dyshohet se është therur me një mjet të mprehtë, konkretisht kaçavidë, nga dy persona të panjohur.

Rasti është raportuar më 21 shtator, rreth orës 22:30.

Viktima ka marrë tretman mjekësor dhe më pas është liruar.

Policia ka bërë të ditur se rasti po hetohet./A.K/

Continue Reading

Lajmet

Tre të dyshuar për materiale të shfrytëzimit seksual të fëmijëve në Prizren dhe Drenas

Published

26 minutes ago

on

September 22, 2026

By

Policia e Kosovës ka identifikuar tre persona të dyshuar për veprën penale “Materiale me përmbajtje të shfrytëzimit dhe keqpërdorimit seksual të fëmijëve”.

Rasti është raportuar më 21 shtator në Prizren dhe Drenas. Si prova materiale janë sekuestruar tre telefona celularë.

Njëri nga të dyshuarit është arrestuar dhe, pas intervistimit, është liruar në procedurë të rregullt, ndërsa dy të dyshuarit e tjerë janë ftuar për intervistim.

Rasti mbetet në procedurë hetimore, njofton Policia e Kosovës./A.K/

Continue Reading

Të kërkuara