Lajmet

Totaj shpalos programin për Parkun e Qytetit të Prizrenit

Totaj: Me këto projekte po vjen ndryshimi në Prizren.

Published

on

Kandidati i Partisë Demokratike të Kosovës (PDK) për kryetar të komunës së Prizrenit, Shaqir Totaj, ka shpalosur projektin për siç tha transformimin e Parkut të Qytetit me infrastrukturë moderne dhe parking nëntokësor.

Në ditën e parë të fushatës zgjedhore për balotazhin e 14 nëntorit, Totaj tha se përmes këtyre projekteve po vjen ndryshimi në kryeqytetit historik të Kosovës.

“Është projekt që përbëhet nga një parking nëntokësor i cili do të ketë diku afër 700 vendparkinge, po ashtu e ka pjesën mbi tokësorë që do të jetë e përbërë nga terrene sportive. Ndërsa, brenda parkut kemi të bëjmë me rregullimin e hapësirës, rregullimin e Lumbardhit dhe në këtë mënyrë do të krijojmë një ambient të këndshëm[…]Me këto projekte tregojmë se ndryshimi po vjen, ndryshimi që kemi prezantuar po vjen konkretisht, ndërsa pas fitores do të kalojmë në fazën e implementimit”, tha ai.

Duke kritikuar qeverisjen e kryetarit aktual, anëtarja e Kryesisë së PDK-së, Eliza Hoxha tha se ndryshimi i vërtet në Prizren do të vjen me Totajn kryetar.

“Gjatë këtyre katër viteve të fundit kemi pa zhvillim jo të duhur, mos të them degradim të qytetit, i cili nuk i ka hije një qyteti të tillë me vlerë kulturore dhe historike. Andaj këtu jam sot për të mbështetur zotëri Totaj dhe premtuar se ndryshimi po vjen dhe Shaqa po vjen sepse për të ndodhur ndryshimi duhet ndodhur ndryshimi i vërtet”, tha ajo.

Totaj u rendit i dyti në zgjedhjet lokale të 17 tetorit. Në zgjedhjet e 14 nëntorit, Totaj do të garojë në balotazh me kandidatin e LVV-së për kryetar të Prizrenit, Mytaher Haskuka.

Lajmet

Komuna e Prishtinës njofton se nga nesër rikthehet funksionaliteti i plotë i “Prishtina Parking

Published

on

By

Komuna e Prishtinës ka njoftuar se nga nesër do të rikthehet funksionaliteti i plotë i “Prishtina Parking”.

Sipas njoftimit, në përputhje me vendim të Gjykatës Supreme nesër hyn në fuqi zbatimi i plotë i rregullores për rregullimin e parkingjeve në kryeqytet.

Njoftojmë qytetarët se shfrytëzimi i parkingjeve publike të menaxhuara nga “Prishtina Parking” bëhet vetëm me pagesë, sipas tarifave zyrtare. Çdo parkim pa pagesë do të sanksionohet me gjoba dhe masa ndëshkuese, në përputhje me legjislacionin në fuqi“, thuhet në njoftim./D.B/KP

Continue Reading

Bota

Humbin jetën të paktën 8 persona pasi Treni përplaset me autobusin në Meksikë

Published

on

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Continue Reading

Lajmet

Rama takohet me komandantin e Forcave Detare të SHBA-së

Published

on

Kryeministri Edi Rama ka zhvilluar një takim me komandantin e Forcave Detare të Shteteve të Bashkuara të Amerikës në Europë dhe Afrikë, Admirali Stuart B. Munsch.

Në këtë takim është diskutuar për hapat konkretë të Shqipërisë për ringjalljen e industrisë ushtarake, avancimin e projekteve të Korridorit VIII dhe zhvillimin e Portit të Ri të Durrësit, shkruan rtsh.al.

“Në takimin me Komandantin e Forcave Detare të Shteteve të Bashkuara në Europë dhe Afrikë, Admiralin Stuart B. Munsch, në kuadër të hapave që Shqipëria po ndërmerr për rilindjen e industrisë ushtarake, si edhe për ecurinë e projekteve të Korridorit VIII dhe Portit të Ri të Durrësit”, shkruan Edi Rama në rrjetin e tij social, në Facebook.

I pranishëm në këtë takim ishte edhe ministri i Mbrojtjes Pirro Vengu, i cili thekson se është diskutuar për modernizimin e ushtrisë shqiptare.

Një tjetër pikë e rëndësishme e diskutimit ishte përparimi i projektit të Korridorit VIII, një arterie e rëndësishme infrastrukturore që lidh Detin Adriatik me Detin e Zi, duke kaluar përmes Shqipërisë, Maqedonisë së Veriut dhe Bullgarisë.

Korridori VIII konsiderohet një projekt strategjik për zhvillimin ekonomik dhe sigurinë rajonale, duke lehtësuar tregtinë, transportin dhe bashkëpunimin ushtarak mes vendeve të NATO-s dhe partnerëve të tjerë.

Projekti synon të rrisë ndërveprimin ekonomik dhe ushtarak mes vendeve të rajonit, duke e bërë Shqipërinë një nyje të rëndësishme logjistike në Ballkan./S.K/KP/

Continue Reading

Bota

Spanja tërheq ambasadorin nga Tel Aviv

Published

on

Spanja thirri ambasadorin e saj në Tel Aviv, pasi qeveria izraelite akuzoi Madridin për antisemitizëm dhe ndaloi dy ministra spanjollë të hynin në Izrael.

Të hënën, kryeministri Pedro Sanchez njoftoi nëntë masa që synojnë ndalimin e asaj që ai e quajti gjenocid në Gaza.

Ato përfshijnë një embargo të përhershme armësh, një ndalim të importeve nga territoret e pushtuara dhe ndalimin e individëve të përfshirë në luftën e Gazës të hyjnë në Spanjë, shkruan Anadolu.

Ministri i Jashtëm izraelit, Gideon Sa’ar iu përgjigj, duke e quajtur qeverinë e Sanchez antisemite dhe duke njoftuar se zëvendëskryeministres Yolanda Diaz dhe ministres së Rinisë Sira Rego do t’u ndalohej hyrja në Izrael.

“Është një pikë krenarie që një shtet gjenocidal po më ndalon mua”, u përgjigj Diaz.

Sa’ar tha gjithashtu se Izraeli do të informojë aleatët e tij për sjelljen armiqësore të qeverisë spanjolle dhe natyrën antisemite dhe të dhunshme të deklaratave të bëra nga ministrat e saj.

Më vonë të hënën, Spanja dënoi një sulm terrorist në Jerusalem që vrau gjashtë persona, përfshirë një shtetas spanjoll.

Debati vazhdoi të përshkallëzohej, me Spanjën që thirri ambasadorin e saj dhe Sa’ar që shkroi më vonë: “Sanchez është ngatërruar me njerëzit e gabuar. Ditët e Inkuizicionit, persekutimit dhe dëbimit kanë mbaruar. Izraeli është një vend i fortë dhe sovran.”/S.K/KP/

Continue Reading

Të kërkuara