Lajmet

Totaj ankohet për mungesë përkrahje: Komunat po diskriminohen, investimet s’janë as 1 milion euro

Published

1 year ago

on

Kryetari i Prizrenit, Shaqir Totaj, është shprehur i pakënaqur sa i përket mbështetjes nga niveli qendror. Totaj ka thënë se shuma e investimeve që vijnë nga ministritë është më pak se 1 milion. Krahasuar me qytetin e Shtimes, Totaj ka thënë se komuna që ai e drejton ka marrë më pak se 1 milion euro.

I pari i Prizrenit e quan jo profesionale dhe diskriminim qasjen karshi komunave që nuk udhëhiqen nga Lëvizja Vetëvendosje, ndërsa apelon që të jetë më “profesionale dhe më gjithëpërfshirëse”.

“Ato që ne i paraqesim janë të dhëna nuk janë ankesa, janë një reflektim apo një paraqitje e gjendjes faktike. Ne e dimë që grandi kryesor vjen nga Qeveria dhe ajo është në bazë të numrit të banoreve dhe territorit. Mirëpo pjesa tjetër e investimeve që do të duhej të vinin nëpër komuna përmes ministrive, aty komunat diskriminohen. E keni parë para disa muajve ka qenë publike, ku një paradoks për shembull ku komuna e vogël e Shtimes merr më shumë mjete se sa Prishtina ose edhe se sa Prizreni bashkë. Prandaj është një qasje, kisha me thanë jo profesionale edhe një qasje e cila nuk i bënë nderë as vetë qeverisë, as komunave, sepse me pas një qasje me konstruktive, më profesionale, më gjithëpërfshirëse kishe me u pa ndikimi më i madh i qeverisë qendrore nëpër komuna sepse tek e fundit edhe qeveria qendrore votat i ka marr nëpër komuna se nuk ka pasur ka t’i shpikë ato. Është një vlerë shumë e vogël prej qeverisë që është ndarë diku as një milion euro nuk është. Kurse Shtimja ka marr më tepër se Prishtina. Gjilani për shembull që është komune sa gjysma e Prizrenit ka marr gjashtë milionë e kusur, kurse Prizreni as një milion. Unë nuk po them diskriminim se për më thënë diskriminim i qëllimshëm duhet me pasur argumente, por po them jo profesionalizëm edhe mungesë e sensit për realitet me ditë se cila komunë çfarë trajtimi duhet të këtë”, ka thënë Totaj.

Kreu i Prizrenit ka folur edhe për projektet që kanë nisur në këtë qytet. Krahas rregullimit të sheshit të Shatërvanit, po punojnë edhe për ndërtimin e teleferikut në Kala. Vonesat për këtë projekt, ia faturon kompanisë franceze të specializuar për projektimin e teleferikëve, “Swiss Contact”.

“Shikoni në Prizren janë disa projekte në vazhdimësi e sipër. Për momentin jemi duke u marr me rregullimin e sheshit të Shatërvanit edhe aty kemi vonese e kemi ngecje për shkak të një mungese të fleksibilitetit të Qendrës Rajonale për Trashëgimi Kulturore Historike si pjesë e qeverisë që është po na ngadalësojnë tempon. Mendoj se do të duhej të ishin më fleksibil edhe më konstruktiv edhe në bashkëpunim edhe me KEK-un edhe me Komunën që të adresojmë të rregullojmë atë punë. Në anën tjetër, jemi po ashtu në proces të implementimit të projektit për teleferikun për në Kalanë e Prizrenit, edhe aty kemi ngecje por këtu nuk po e fajësoj Qeverinë, më tepër Swis contaktin që me siguri i ka pengesat e veta sepse Komuna ka marrëveshje tri paleshe, me ‘Swis Contact’ dhe me Qeverinë, ku e para e bën studimin e fizibilitetit dhe e paraqet projektin në detaje, Qeveria i ndan mjetet kurse komuna e implementon projektin”, u shpreh Totaj.

Totaj ka kërkuar që përkatësia politike të mos jetë pengesë sa i përket ndihmesës nga niveli qendror. E sheh të rëndësishme bashkëpunimin ndërmjet Qeverisë dhe komunave.

“Ne kemi shumë kërkesa për Qeverinë që nëse nuk na aprovohen projektet, të paktën të marrim pjesë në bashkëfinancim për ato projekte të cilat janë në vijim e sipër. Një qasje të tillë e kemi kërkuar dhe e kemi has në bashkëpunim të pjesërishëm, mirëpo ngadalë po shkon ekzekutimi tek renovimi i Shtëpisë së Kulturës. Pra nuk ka një ekspeditivitet në kryerjen e obligimeve të cilat i kanë marrë përgjegjësitë edhe kjo nuk i kontribuon përformancës së mirë të Qeverisë. Unë mendoj që çështja e bashkëpunimit ndërmjet Qeverisë qendrore dhe lokale, nuk duhet të jetë e ndikuar nga begraundi politik apo partiak sepse është e rëndësishme për qytetarët që t’i shohin rezultatet e punës e bashkëpunimit të qeverive qendrore e lokale, e këtu ka hapësirë të madhe për përmirësim”, u shpreh Totaj.

Related Topics:
Continue Reading

Lajmet

Real Madridi ankohet në FIFA për referim

Published

2 hours ago

on

September 17, 2025

By

Real Madridi po përgatitet të ankimojë gjyqtarët spanjollë te FIFA, duke i akuzuar se me qëllim po i dëmtojnë në ndeshjet e La Ligës.

Madrilenët kanë hyrë në këtë sezon me 4 fitore në 4 ndeshje dhe së fundmi mposhtën Real Sociedadin në udhëtim me rezultatin 2-1.

Në minutën e 32-t, Dean Huijsen u ndëshkua me karton të kuq pas një rishikimi nga VAR.

Prej kohësh gjigandi spanjoll ka shprehur pakënaqësi ndaj gjyqtarëve të ligës dhe vendimet i ka transmetuar përmes Real Madrid TV, por tani është gati të ndërmarrë hapa konkretë.

Gazeta AS, e njohur për afërsinë me klubin, ka raportuar se Real Madridi do t’i ankohet FIFA-s për gjykimin e arbitrave spanjollë.

Në lajm thuhet se drejtuesit e Real Madridit po përgatisin një dosje të gjerë, ku do të përfshihen kartoni i kuq i Huijsen, goli i anuluar i Arda Güler, vendimet e diskutueshme të sezonit të kaluar, çështja “Negreira” ku është përfshirë Barcelona, regjistrimet video dhe statistikat.

Klubi do t’ia dorëzojë këto FIFA-s dhe do të zhvillojë një takim me zyrtarët përkatës./S.K/EO/

Continue Reading

Lajmet

Suharekë: Kapen 512 kg marihuanë dhe armë

Published

2 hours ago

on

September 17, 2025

By

Hetuesit policorë të Drejtorisë për Hetimin e Trafikimit me Narkotik – Njësia në Prizren, kanë realizuar një aksion të suksesshëm në fshatin e Suharekës, ku kanë zbuluar një vend të dyshuar për kultivim e përpunim të lëndëve narkotike.

Sipas njoftimit zyrtar, gjatë operacionit të datës 16 shtator 2025, në një objekt (stallë), policia ka gjetur sasi të konsiderueshme të substancës narkotike të dyshuar si marihuanë, në proces tharjeje. Pas matjes, sasia e konfiskuar ka rezultuar të jetë 512 kilogramë e 89 gramë, me vlerë tregu që arrin në rreth 750 mijë euro.

“Kështu, dje me 16.09.2025, në një fshat të Suharekës, në një objekt (stallë), janë gjetur lëndë që dyshohet të jetë narkotike të llojit marihuanë në proces të tharjes (terjes). Në vendin e ngjarjes është ftuar edhe prokurori, kurse pos lëndës narkotike është gjetur edhe një granata-hedhës (mortajë dore) dhe një pushkë gjuetie.” thuhet në njoftim.

Policia bën të ditur se një person i dyshuar, i njohur për organet e rendit, ndodhet ende në arrati, ndërsa kërkimet për kapjen e tij janë duke vazhduar./D.B/UBTNews

Continue Reading

Lajmet

Rutte në takim me Ramën: Shqipëria është një aleat i dedikuar

Published

3 hours ago

on

September 17, 2025

By

Sekretari i Përgjithshëm i NATO-s, Mark Rutte, ka nisur sot bashkëbisedimet me kryeministrin e Shqipërisë, Edi Rama, në selinë e NATO-s, në Bruksel.

Përpara mediave Rutte pohoi se Shqipëria vazhdimisht paraqet një partner të besusheshëm, në të cilin NATO mund të mbështetet. Ai theksoi përpjekjet e Shqipërisë për të rritur mbrojtjen e shtetit, por edhe mbrojtjen e saj përtej territorit shqiptar.

Rutte: “Shqipëria është një aleat i dedikuar. Shqipëria do të arrijë 2 për qindëshin e shpenzimeve të mbrojtjes këtë vit. Shqipëria po zhvillon bazën e industrisë së mbrojtjes, duke përfshirë ndërmarrjen e saj shtetërore. Je duke ndihmuar shumë me Ukrainën përmes delegacionit shqiptar, por, gjithashtu përmes trajnimit të gjuhës. Jashtë Shqipërisë, merrni pjesë në ushtritë e tokëve të huaja në Letoni dhe në Bullgari, jeni aktivë në Kosovë me KFOR. Pra, po shkoni përtej pritshmërive. NATO mund të mbështetet në Shqipëri dhe anasjelltas”.

Ndërkohë, Rama përmendi rilindjen e industrisë ushtarake të Shqipërisë, bashkëpunimin për portin ushtarak në Portin Romano dhe mundësinë për t’u anëtarësuar në programet e sigurisë së Bashkimit Evropian.

Rama: “Ne po në lançojmë rilindjen e industrisë ushtarake, jemi shumë entuziastë të bisedojmë me ty për punën që mund të bëjmë më tej për portën ushtarake ‘greenfield’ në Portin Romano. Gjithashtu, jemi këtu të flasim për se si mund të anëtarësohemi në programin e sigurt të Bashkimit Evropian. Siguria shkon përtej parametrave të shteteve të BE-së, shtetet e NATO-s në Evropë mund të përfitojnë gjithashtu nga ajo”./D.B/KP

Continue Reading

Lajmet

​FIFA ndan një shumë rekorde për klubet në Kupën e Botës 2026

Published

3 hours ago

on

September 17, 2025

By

FIFA ka njoftuar se do të shpërndajë një shumë rekord prej 355 milionë dollarësh për klubet në mbarë botën në kuadër të Programit të Përfitimeve për Klubet (CBP) të lidhur me Kupën e Botës 2026.

Për herë të parë, pagesat do të përfshijnë jo vetëm lirimin e lojtarëve për fazën finale të turneut, por edhe për ndeshjet kualifikuese.

Ky vendim është rezultat i një marrëveshjeje të arritur mes FIFA-s dhe Shoqatës Evropiane të Klubeve (ECA) në mars të vitit 2023, me synim që sistemi të jetë më i drejtë dhe gjithëpërfshirës, duke siguruar përfitime për klubet në të gjitha kontinentet.

Shuma e ndarë është rreth 70% më e lartë krahasuar me 209 milionë dollarët e shpërndarë pas Kupës së Botës 2022 në Katar.

“Një shumë rekord prej 355 milionë dollarësh do t’u shpërndahet klubeve për lirimin e lojtarëve të tyre. Kjo përforcon bashkëpunimin tonë me ECA-n dhe klubet në mbarë botën, teksa presim një edicion inovativ e globalisht gjithëpërfshirës të Kupës së Botës FIFA vitin e ardhshëm,” deklaroi presidenti i FIFA-s, Gianni Infantino.

Edhe presidenti i ECA-s, Nasser Al-Khelaifi, përshëndeti marrëveshjen, duke theksuar se kjo nismë vlerëson rolin e klubeve në zhvillimin e futbollit ndërkombëtar dhe garanton që gjithnjë e më shumë prej tyre të shpërblehen për kontributin e tyre.

Në edicionin e fundit, Katar 2022, 209 milionë dollarë u shpërndanë për 440 klube nga 51 shoqata anëtare të FIFA-s.

Ndërkohë, edicioni i ardhshëm i Kupës së Botës do të zhvillohet nga 11 qershori deri më 19 korrik 2026 në Shtetet e Bashkuara, Meksikë dhe Kanada./S.K/KP/

Continue Reading

Të kërkuara