Sport

“Topi i Artë” dhe të gjitha çmimet që u ndanë mbrëmë

Lionel Messi për të shtatën herë e fitoi “Topin e Artë”.

Published

5 years ago

on

Ylli i Paris Saint-Germain Lionel Messi e fitoi mbrëmë “Topin e Artë”, duke e zgjeruar rekordin e tij si lojtari i vetëm që e ka fituar çmimin në fjalë plot shtatë herë në histori të futbollit.

Sa i përket statistikave, 34-vjeçari kishte një sezon të frytshëm në nivel klubi, duke regjistruar 32 gola në 42 ndeshje në të gjitha garat për Paris Saint-Germain dhe Barcelona.

Por ishte suksesi me Kombëtaren e Argjentinës ajo që ia vlen të cekët, ku Messi e fitoi trofeun e parë të Copa America në karrierën e tij.

Sulmuesi i Bayern Munich Robert Lewandowski u rendit i dyti, menjëherë pas Messit, por u bë i pari që e fitoi çmimin e “Sulmuesit të Vitit”, pasi këtë vit ka më së shumti gola se çdo lojtarë tjetër në Top 5 ligat evropiane.

Respektivisht, Lewandowski në vitin 2021 ka regjistruar 53 gola në 42 paraqitje në të gjitha garat, duke pasur një mesatare prej një goli në çdo 67 minuta të ndeshjes.

Bashkëlojtari i Messit te PSG Gianluigi Donnarumma e fitoi trofeun e “Yashin”, çmim ky i cili dhurohet për portierin më të mirë. Po ashtu, Donnarumma u renditet në pozitën e 10 në votimet për Topin e Artë.

Tinejxheri i Barcelonës dhe Kombëtares së Spanjës Pedri e fitoi trofeun “Kopa”, pas paraqitjeve të shumta të tij në nivel klubi dhe kombëtareje, pavarësisht faktit se është vetëm 19 vjeçar.

Një tjetër çmim shkoi drejt klubit të Barcelonës, ku në kategorinë e femrave, mesfushorja Alexia Putellas fitoi Topin e Artë për femra, pasi ndihmoi gjigandin katalunas drejt titullit në ligë dhe atij të Ligës së Kampionëve.

Për fund, pasi kishte 11 lojtarë të nominuar në të gjitha kategoritë, Chelsea u inaugurua si Klubi më i mirë i Vitit.

Listën e të gjitha çmimeve të fituara mbrëmë në ceremoninë e “Topit të Artë” e gjeni më poshtë.

“Topi i Artë” – Lionel Messi (PSG dhe Argjentinë)

Trofeu Kopa – Pedri (Barcelona dhe Spanjë)

Trofeu Yashin – Gianluigi Donnarumma (PSG dhe Itali)

Klubi më i mirë i vitit – Chelsea (Angli)

Sulmuesi më i mirë i vitit – Robert Lewandowski (Bayern Munich dhe Poloni)

Topi i Artë për femra – Alexia Putellas (Barcelona dhe Spanjë)

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

8 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

12 hours ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

12 hours ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

12 hours ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara