Kulturë

Tom Brady flet për fëmijët, pas divorcit me Gisele Bündchen

Brady tha se ai u thotë fëmijëve të tij se ata thjesht duhet të bëjnë më të mirën që mund të bëjnë.

Published

on

Tom Brady u tha tre fëmijëve të tij se është e rëndësishme të dështojnë në jetë, sepse kjo do t’u tregojë atyre se sa të fortë mund të jenë.

“Unë nuk dua që fëmijëve të mi të i’u shkojë [jeta] ashtu siç duhet gjatë gjithë kohës”, tha Brady, 45 vjeç, në podkastin “Let’s Go!”.

“Unë u thashë atyre këtë mëngjes. Unë thashë: Unë dua që ju djema të dështoni sepse dua të shoh se nga çfarë keni krijuar nëse dështoni dhe kur dështoni”.

Ai shtoi, “jeta nuk do të jetë thjesht një udhëtim i qetë. Kështu që ne duhet të zhvillojmë durimin”.

“Në jetë, ju provoni shumë gjëra dhe dështoni. Është pjesë e jetës. Ne i provojmë gjërat, ne vërtet e shtyjmë veten të provojmë … diçka të re dhe nuk shkon ashtu siç duam”, tha ai.

“Pra çfarë bëni ju? A ju intereson më pak? Ju intereson më shumë? Apo e merrni atë përvojë si ajo që ishte dhe përpiqeni të mësoni prej saj dhe të rriteni prej saj dhe të gjeni qëndrueshmërinë që të gjithë duam t’u mësojmë fëmijëve tanë?”

Dhe kur u pyet nëse qendërmbrojtësi mendon se fëmijët e tij kanë frikë të dështojnë, ai tha se mendon se është e vështirë për këdo që të përballet me dështimin.

“Unë mendoj se natyrisht, është e vështirë për të gjithë në shoqërinë tonë të ndihen sikur mund të dështojnë ose mund të thon gjënë e gabuar”, tha ai. “Ka pasoja të rënda edhe nëse pranoni se keni dështuar”.

Ai shtoi se në fund të fundit, jeta nuk është të fitosh një lojë apo një Super Bowl: ka të bëjë me marrëdhëniet.

“Jeta ime është shumë e pasur për shkak të njerëzve të mrekullueshëm që kam pasur në jetën time, të cilët më kanë mbështetur për të më ndihmuar të arrij ëndrrat e mia në shumë mënyra pa pushim”.

“Tani i kam këta fëmijë të mrekullueshëm nga të cilët duhet të mësoj dhe të përpiqem të jem thjesht një prind i mirë dhe të jem i pranishëm për ta dhe të jem një shembull dhe model i mirë”.

Brady tha se ai u thotë fëmijëve të tij se ata thjesht duhet të bëjnë më të mirën që mund të bëjnë.

Brady dhe Bündchen, 42 vjeç, ndajnë kujdestarinë e përbashkët të dy fëmijëve të tyre pas finalizimit të divorcit në tetor 2022. Ata ishin të martuar për 13 vjet, pasi u martuan në vitin 2009.

Bündchen dyshohet se vendosi t’i jepte fund martesës me atletin kur ai vendosi të kthehej në karrierën e tij NFL — pasi fillimisht njoftoi se po tërhiqej nga sporti./UBTNews/

Lajmet

Vazhdojnë punimet për restaurimin e shtëpisë së Beqir Haxhibeqirit në Gjakovë

Published

on

Po vazhdojnë punimet për konservimin dhe restaurimin e shtëpisë së Beqir Haxhibeqirit në Gjakovë, monument i trashëgimisë kulturore që daton nga shekulli XIX.

Shtëpia, e njohur për çardakun e mbyllur dhe elementet origjinale prej druri e hekuri, pritet t’i rikthejë vlerat e saj autentike përmes këtij procesi restaurues.

Si një shembull i veçantë i arkitekturës tradicionale, monumenti synohet të ruhet dhe të mbrohet për brezat e ardhshëm, duke kontribuar në ruajtjen e trashëgimisë kulturore të Gjakovës./A.K/

Continue Reading

Lajmet

Filmi “Dua” i Blerta Bashollit fiton çmimin kryesor në Festivalin e Filmit në Selanik

Published

on

Filmi “Dua”, me regji të Blerta Bashollit, është nderuar me çmimin “Golden Alexander – Michel Demopoulos” për filmin më të mirë artistik në konkursin “Meet the Neighbors+”, në kuadër të edicionit të 67-të të Festivalit Ndërkombëtar të Filmit në Selanik.

Ky vlerësim shënon një tjetër sukses ndërkombëtar për filmin, i cili sjell në ekran një rrëfim intim për rritjen dhe përjetimin e fëmijërisë në Kosovën e pragluftës.

Juria e festivalit e ka vlerësuar filmin për vërtetësinë emocionale dhe vizionin personal mbi një periudhë përcaktuese të historisë së Kosovës.

Në komunikatën e publikuar nga krijuesit e filmit bëhet e ditur se juria veçoi mënyrën se si Basholli e ndjek personazhin kryesor, Duan 13-vjeçare, në Prishtinën e fundit të viteve 1990, kur ajo përballet me ndryshimet e adoleshencës, ndërsa lufta po afrohet.

Juria vlerësoi vendimin e regjisores për ta mbajtur kamerën pranë personazhit, duke theksuar ndershmërinë, humanizmin dhe përmbajtjen me të cilën rrëfehet historia e saj./A.K/

Continue Reading

Lajmet

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Rrëfimi për luftën e UÇK-së mbush sallat me filmin “Sakrifica”

Published

on

By

Filmi vendor “Sakrifica”, me regji të Halil dhe Merita Budakovës, po vazhdon të tërheqë vëmendje të madhe dhe fluks të lartë shikuesish në Cineplexx Prishtina, pas premierës së tij të mbajtur dy ditë më parë.

Duke trajtuar një temë të ndjeshme të historisë së Kosovës, realizimi kinematografik ka arritur të prekë publikun që nga nata e parë e shfaqjes, ku biletat u shitën me ritme të jashtëzakonshme.

“Sakrifica” sjell në ekranin e madh historinë e pesë vëllezërve, të cilët gjatë viteve 1997–1999 marrin vendimin t’i bashkohen Ushtrisë Çlirimtare të Kosovës, duke lënë pas familjen dhe gjithçka që kanë për të luftuar për lirinë e vendit.

Për shkak të kërkesave të vazhdueshme dhe interesimit të lartë për ta parë këtë histori të guximit dhe atdhedashurisë, adhuruesit e filmit ftohen t’i sigurojnë me kohë biletat përmes platformës zyrtare të Cineplexx-it ose në arkat e kinemasë në Albi Mall. /E.A/

Continue Reading

Të kërkuara