Lajmet

“Toka është lagur me gjakun e civilëve të pafajshëm”, Izraeli më në fund akuzon Rusinë për krime lufte

Komentet e Lapid ishin në kontrast të dukshëm me ato të kryeministrit, Naftali Bennett.

Published

4 years ago

April 6, 2022

UBT news

Në denoncimin më të fortë të vendit për pushtimin rus të Ukrainës, ministri i Jashtëm izraelit, Yair Lapid i përshkroi vrasjet në Bucha, në periferi të Kievit, si “krime lufte”.

“Edhe një herë, një vend i madh dhe i fuqishëm ka pushtuar një fqinj më të vogël pa asnjë justifikim”, shkroi ai në Twitter. “Edhe një herë, toka është lagur me gjakun e civilëve të pafajshëm. Imazhet dhe dëshmitë nga Ukraina janë të tmerrshme. Forcat ruse kryen krime lufte kundër një popullsie civile të pambrojtur. Unë i dënoj fuqishëm këto krime lufte”.

Siç ka ndodhur që kur Rusia pushtoi Ukrainën më 24 shkurt, komentet e Lapid ishin në kontrast të dukshëm me ato të kryeministrit, Naftali Bennett. Ndërsa Bennett dënoi gjithashtu vrasjet në Bucha, ai nuk fajësoi Rusinë.

“Jemi të tronditur nga fotot e tmerrshme që dalin nga Bucha, skena të tmerrshme dhe i dënojmë”, tha Bennett pasi iu drejtua ushtarëve izraelitë në Bregun Perëndimor. “Vuajtja me të cilën po përballet populli ukrainas është e madhe dhe ne po bëjmë gjithçka që mundemi për të ndihmuar”.

Disa kontekste: Izraeli është një nga vendet e pakta që mban marrëdhënie të mira me Moskën dhe Kievin. Vendi është veçanërisht i kujdesshëm për ‘të mos mërzitur Rusinë’, bekimi i së cilës i duhet për të kryer sulme ndaj objektivave të lidhura me Iranin në Siri.

Megjithatë, qëndrimi i vendit – duke ofruar vetëm ndihmë humanitare për Ukrainën – po vihet nën presion në rritje. Duke iu drejtuar Parlamentit të Izraelit muajin e kaluar, Zelensky kritikoi Izraelin se nuk bëri më shumë për të ndihmuar vendin e tij, duke paralajmëruar se do të i’u “duhet të jetojë” me vendimet e tij./UBTNews/

Lajmet

Ekstradohen nga Gjermania dhe Franca dy persona të kërkuar nga Kosova

Published

1 hour ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

1 hour ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

2 hours ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/