Lajmet

Tiranë: Digjet shtëpia, shpëton vetëm Kurani

Një zjarrfikës e gjeti mes bibliotekës së djegur vetëm librin e Kuranit që nuk ishte përfshirë nga flakët.

Published

on

Një rast si në filma ka ndodhur në një shtëpi të shkrumbuar nga zjarri në Tiranë. Zjarrfikësi Alban Barlika ka gjetur mes bibliotekës së djegur vetëm librin e Kuranit që nuk ishte përfshirë nga flakët.


Në një intervistë me Abc News, ai ka treguar momentin kur e gjeti Kuranin, i cili ndryshe nga çdo objekt i shtëpisë kishte shpëtuar pa u prekur nga zjarri.

Barlika theksoi se kjo është një mrekulli që ka ndodhur nga Zoti, dhe jo vetëm një herë, por edhe në disa raste të tjera në Tiranë.

“Shtëpia e gjitha e shkrumbuar, madje edhe biblioteka me të gjithë librat e tjerë, përveç Kuranit. Unë jam edhe besimtar vetë, edhe i disa gjëra, por diçka është e sigurt se Zoti thotë që ‘Atë që e kam zbritur unë, e mbroj unë dhe çdo gjë që them bëhet’. Kështu që nuk është e madhe për t’u habitur, por ne habitemi me këta që mundohen ta djegin”, tha ai.

“Është thjesht një letër si gjithë të tjerat, por thjesht është fjala e Zotit, nuk është se ka ndonjë ndryshim që është materiali kundra zjarrit, ose është metal, ose është diçka e tillë. Nuk ka fare lidhje kjo pjesë, është si gjithë librat e tjerë”.

“Ai ndodhej mes librash, të gjithë ishin djegur, ndërsa ky jo. Ishte ngjyra e kuqe që dukej i padjegur. Ka ndodhur në disa raste këtu në Tiranë, por që nuk janë bërë virale. Madje, kemi edhe një rast tjetër që nuk kam qene vetë prezent, por që është e sigurt që aty gjithë libraria dhe komplet shtëpia është djegur, vetëm Kurani jo”.

“Të bjeri në sy diçka si kjo është diçka shumë pozitive. Unë kam edhe një shok të një feje tjetër, një koleg dhe realisht ai ka para të njëjtën gjë diku tjetër dhe ma ka nisur me foto për ta kuptuar se çfarë ka ndodhur”, u shpreh Barlika.

Lajmet

Lipovica paraqitet në Prokurorinë Speciale për rastin e rezervave shtetërore

Published

on

By

Ish-sekretari i Ministrisë së Industrisë, Ndërmarrësisë dhe Tregtisë, Irfan Lipovica, është paraqitur për intervistim në Prokurorinë Speciale të Republikës së Kosovës.

Avokati i tij, Feim Alaj ka pranuar që ftesa e ish-sekretarit lidhet me rastin e rezervave shtetërore.

Është rasti i rezervave shtetërore“, ka thënë Alaj.

Kujtojmë se në vitin 2023 ishin arrestuar tre persona për rastin e rezervave shtetërore. Në mesin e të arrestuarve ishte Lipovica dhe zyrtari tjetër i MINT, Hafiz Gara.

Në Ministrinë e Industrisë Ndërrmarrësisë dhe Tregëtisë të udhëhequr nga Rozeta Hajdari në vitin 2023 u kryen bastisje për keqpërdorimet me rezervat shtetërore të vajit dhe grurit.

Continue Reading

Lajmet

United po shqyrton transferimin e Donnarumma-s

Published

on

Manchester United ka mundësinë të nënshkruajë me Gianluigi Donnarumma këtë verë, por sado tërheqëse të duket marrëveshja, realizimi i saj duket i ndërlikuar.

Portieri italian, tani në vitin e fundit të kontratës së tij me PSG-në, është diskutuar në lidhje me një transferim te United, ndërsa klubi francez ecën përpara me planet për ta zëvendësuar atë. Bisedimet për një marrëveshje të re kanë ngecur në Paris, dhe me Lucas Chevalier që është renditur si pasardhës, mundësia është reale.

Megjithatë, United është pak i bllokuar. Dështimi i tyre për të larguar Andre Onanën do të thotë se nuk ka një rrugë të qartë për të sjellë një tjetër portier të nivelit të lartë. Ideja e transferimit të dy portierëve të përhershëm me paga të larta u hodh poshtë nga brenda ekipit në fillim të kësaj vere dhe ndryshimi i këtij qëndrimi tani do të thoshte prishje e planit të tyre të transferimeve.

Kishte gjithashtu shpresë se Altay Bayindir do të largohej për të liruar një vend në skuadër, por interesi për lojtarin turk ka qenë i kufizuar.

United aktualisht është i plotë në departamentin e portierëve dhe po punon në mënyrë aktive se si t’i riformësojë gjërat përpara se të mund të angazhohet për ndonjë gjë.

Brenda ekipit, ende ekziston dëshira për të sjellë konkurrencë për Onanën, nëse ai nuk mund të zëvendësohet menjëherë, në një përpjekje për të rritur standardet. Shpresa është që çdo nënshkrim i ri ose ta shtyjë numrin aktual 1 të rigjejë formën e tij, ose të jetë mjaftueshëm i mirë për të zënë vendin e tij.

Ideja e Donnarummës me fanellën e United padyshim që tërheq vëmendjen, por për momentin nuk duket më shumë se një ide.

Continue Reading

Lajmet

​Xhaka zbarkon në Angli për t’u bashkuar me klubin e ri

Published

on

Granit Xhaka është parë duke zbritur në Wearside (Sunderland) për të kryer kontrollin mjekësor, pas nënshkrimit të një marrëveshjeje për një transfertë prej 20 milionë euro nga Bayer Leverkusen.

Xhaka ishte shumë i rëndësishëm për Bayer Leverkusen dhe trajneri i ri, Erik ten Hag, më parë kishte deklaruar se klubi nuk kishte ndërmend ta shiste, për shkak të rolit të tij udhëheqës.

Sunderland ka bërë një investim të madh këtë verë, me të paktën 100 milionë euro të shpenzuara për afrim të lojtarëve si Simon Adingra, Habib Diarra, Chemsdine Talbi, Noah Sadiki dhe Enzo Le Fée duke e bërë Xhakën një ndër nënshkrimet më spikature të fushatës për konsolidimin në Premier League.

 

Continue Reading

Lajmet

Maqedonci: Në bashkërendim me KFOR-in, ekipet e FSK-së kanë filluar operacionin e kërkimit në Ujman

Published

on

By

“Në bashkëpunim me Agjencinë e Menaxhimit të Emergjencave, Policinë e Kosovës dhe bashkërendim me KFOR, ekipet e specializuara të FSK kanë filluar operacionin e kërkimit në liqenin e Ujmanit me synimin që sa më shpejtë të nxirret trupi i mërgimtarit dhe t’i lehtësohet dhimbja familjes, tha ministri i Mbrojtjes, Ejup Maqedonci, përmes një statusi në Facebook.

Maqedonci reagoi pasi trupat e FSK-së zbarkuan në Liqenin e Ujmanit, në veri të vendit, duke iu bashkuar ekipeve për të kërkuar personin e zhdukur që nga e diela.

Ai theksoi se Forca e Sigurisë së Kosovës në kuadër të detyrave të saj thelbësore ka edhe mbështetjen e autoriteteve civile.

Njësitet e specializuar të zhytjes dhe kërkim shpëtimit të Forcës së Sigurisë së Kosovës sot në mëngjes janë angazhuar në mbështetje të autoriteteve civile për kërkimin e trupit të mërgimtarit në liqenin e Ujmanit në Komunën e Zubin Potokut”, shkroi Maqedonci.

Zbarkimi i trupave të FSK-së në veriun e banuar me shumicë serbe mund të bëhet vetëm me pëlqim paraprak të KFOR-it, në bazë të një zotimi që është bërë në vitin 2013 nga Qeveria e Kosovës dhe NATO.

Continue Reading

Të kërkuara