Aktualitet

Tirana, qyteti më koston më të lartë të jetesës, Kukësi e Dibra më të lirat në Shqipëri

Tirana kryeson edhe listën si qarku me nivelin më të lartë që një familje shpenzon për konsum.

Published

4 years ago

on

Shpenzimet e familjeve shqiptare u rritën me 1.3% vitin e kaluar krahasuar me vitin 2020. Sipas Institutit të Statistikave, vlera e shpenzimeve mesatare për konsum, llogaritet në 84.5 mijë lekë, nga 83.4 mijë lekë që ishte.

Pjesa më e madhe e tyre, gati 41.3% e buxheteve familjare shkojnë për t’u ushqyer, ndërsa rreth 10% e shpenzimeve për banesën për mbulim e faturave të energjisë, ujit apo pagesat e qirasë. Të dyja këto grupe së bashku përbëjnë peshën më të madhe të shpenzimeve të buxhetit të një familje shqiptare, me mbi gjysmën e tyre.

Produktet ushqimore që prej vitit të shkuar kanë parë një shtrenjtim të vazhdueshëm duke bërë që kostot për blerjen e tyre të rriten ndjeshëm, veçanërisht pas krizës së shkaktuar nga lufta në Ukrainë.

Referuar anketës së Instat, rritje të ndjeshëm kanë shënuar edhe shpenzimet për komunikimin kryesisht nga shërbimet e internetit si dhe shpenzimet për arsim si rrjedhojë e rritjes së atyre për kurse të gjuhëve apo trajnimeve që ndjekin fëmijët apo të rriturit. Të njëjtin trend kanë ndjekur edhe ato për mobilimin e shtëpive.

Tirana kryeson edhe listën si qarku me nivelin më të lartë që një familje shpenzon për konsum, mesatarisht 99.4 mijë lekë në muaj ndjeshëm më shumë se mesatarja në rang vendi, e pas saj vijnë Korça dhe Fieri përkatësisht me 83.5 dhe 80.7 mijë lekë në muaj. Sa i takon qarqeve me nivelin më të ulët të shpenzimeve mesatare mujore vrojtimi evidenton Dibrën dhe Kukësin që nuk kapërcejnë 72 mijë lekë në muaj./Top Channel/

Related Topics:
Continue Reading

Lajmet

Gjendet e vdekur një grua në Prishtinë

Published

6 minutes ago

on

July 21, 2026

By

Një grua është gjetur pa shenja jete mbrëmjen e së hënës në Prishtinë.

Sipas raportit 24-orësh të Policisë së Kosovës, ngjarja ka ndodhur rreth orës 23:15, me ç’rast njësitë policore dhe ekipi mjekësor kanë dalë menjëherë në vendin e ngjarjes, ku edhe është konstatuar vdekja e viktimës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti vazhdon të hetohet. /E.A/

Continue Reading

Lajmet

Arrestohet një grua në Lipjan, dyshohet për shantazh ndaj një burri

Published

10 minutes ago

on

July 21, 2026

By

Një grua është arrestuar në Lipjan nën dyshimin se ka shantazuar një burrë.

Sipas raportit 24-orësh të Policisë së Kosovës, e njëjta dyshohet se veprën penale “Shantazh” ndaj viktimës e ka ushtruar për disa muaj me radhë.

E dyshuara, pas intervistimit dhe me urdhër të prokurorit kujdestar, është liruar në procedurë të rregullt. /E. A/

Continue Reading

Lajmet

Paradite mot i ngrohtë, pasdite priten reshje lokale e rrufe

Published

16 minutes ago

on

July 21, 2026

By

Të martën mbi vendin tonë do të mbajë mot i ngrohtë, ku temperaturat minimale në orët e mëngjesit do të lëvizin nga 14°C deri në 17°C.

Ndërkohë, ato maksimale gjatë ditës pritet të ngrihen duke arritur nga 28°C deri në 32°C.

Gjatë ditës do të fryjë erë kryesisht nga jugperëndimi dhe perëndimi me intensitet të lehtë deri mesatar, me shpejtësi prej 2 deri në 8 m/s.

Ndryshim i lehtë i motit parashihet gjatë orëve të pasdites dhe mbrëmjes, ku në vende-vende priten reshje lokale shiu të shoqëruara edhe me shkarkime rrufesh. /E.A/

Continue Reading

Lajmet

Breshëri dëmton rreth 90% të të mbjellave në Istog

Published

23 minutes ago

on

July 21, 2026

By

Stuhia e fuqishme e breshërit që goditi komunën e Istogut ka shkaktuar dëme materiale në sektorin e bujqësisë.

Siç raporton RTK, vlerësimet fillestare të autoriteteve lokale tregojnë se rreth 90 për qind e sipërfaqeve të mbjella në këtë territor mund të jenë prekur nga moti i ligë.

Drejtori i Bujqësisë në Komunën e Istogut, Artan Gegaj, bëri me dije për RTKlive se, ndonëse ende nuk ka një bilanc përfundimtar, stuhia ka dëmtuar një pjesë të madhe të kulturave bujqësore.

Ai njoftoi se nga mëngjesi i së martës do të formohen komisionet përkatëse për të dalë në terren me qëllim evidentimin e saktë të dëmeve dhe identifikimin e fermerëve të prekur.

Sipas Gegës, Komuna e Istogut dhe kryetari Ilir Ferati do të angazhohen për t’u dalë në ndihmë fermerëve gjatë procesit të vlerësimit. Gjithashtu, ai i bëri thirrje Ministrisë së Bujqësisë për mbështetje emergjente, duke theksuar se “dëmet janë jashtëzakonisht të mëdha dhe kërkojnë ndërhyrje të menjëhershme”. /RTK/

Continue Reading

Të kërkuara