Lajmet

Tiparet e një lideri që e bëjnë atë të preferuar tek punonjësit e tij!

Ata janë të përulur dhe mbi të gjitha pozitivë.

Published

5 years ago

on

Nëse doni të jeni një lider të cilin njerëzit e ndjekin me bindje të plotë, ju duhet të jeni një drejtues karizmatik. Liderët tiranikë me vizion brilant mund t’i drejtojnë punonjësit për njëfarë kohe, por kjo nuk do të zgjasë.

Më poshtë janë 10 sjellje thelbësore që drejtuesit emocionalisht inteligjentë i adaptojnë për t’i bërë edhe më të preferuar në mesin e punonjësve.

1. Ata formojnë lidhje personale

Edhe në një dhomë me shumë persona, drejtuesit karizmatikë i bëjnë ata të ndihen sikur të ishin duke shkëmbyer një bisedë vetëm me ta, sikur të ishte njeriu i vetëm në dhomë që ka rëndësi. Kjo është tejet e rëndësishme.

2. Janë të disponueshëm

A i keni parasysh ata njerëz që kanë kohë për ty vetëm në rastin se ju bëni diçka për ta? Drejtuesit karizmatikë besojnë verbërisht që çdokush ia vlen kohën dhe vëmendjen e tij. Ata i vlerësojnë të gjithë, sepse besojnë që të gjithë janë të çmueshëm.

3. Janë të përulur

Pak gjëra e vrasin simpatinë me një arrogancë të shpejtë. Drejtuesit e pëlqyeshëm nuk veprojnë sikur të ishin më të mirë se ju, pasi mendojnë se nuk janë më të mirë se ju. Ata e shohin rolin e tyre drejtues si një përgjegjësi për të qenë në shërbim të atyre që i ndjekin.

4. Janë pozitivë

Drejtuesit karizmatikë ruajnë gjithnjë një vizion pozitiv dhe kjo tregon se si i përshkruajnë gjërat. Edhe në situata pa diskutim negative, ata krijojnë shpresë entuziaste për të ardhmen, besim që mund të ndikojë ta bëjë të ardhmen më të mirë se të sotmen.

5. Janë të ekuilibruar

Kur bëhet fjalë për suksesin apo dështimin e tyre, drejtuesit karizmatikë i menaxhojnë këto situata me vështirësi. Ata e shijojnë suksesin pa e lënë atë që ta dekoncentrojë, dhe e pranojnë dështimin pa ngecur në të. Mësojnë nga të dyja dhe ecin përpara.

6. Janë bujarë

Drejtuesit karizmatikë janë bujarë më këdo që njohin, si për sa u përket gjërave që dinë dhe burimeve në të cilat kanë akses. Mbi të gjitha, ata dëshirojnë që ju të bëni mirë pasi e kuptojnë se kjo është puna e tyre si drejtues dhe sepse janë mjaft të sigurt që suksesi juaj nuk i bën ata të duken keq në sytë e të tjerëve. Në fakt mendojnë se suksesi juaj është suksesi i tyre.

7. Shfaqin integritet

Drejtuesit simpatikë frymëzojnë besim dhe admirim nëpërmjet veprimeve të tyre, jo vetëm fjalëve. Shumë drejtues thonë që integriteti është i rëndësishëm për ta, por liderët karizmatikë ecin në rrugën e tyre duke e shfaqur integritetin çdo ditë.

8. I lexojnë njerëzit si një libër

Liderët karizmatikë dinë t’i lexojnë njerëzit, pasi fjalët e pathëna shpesh janë më të rëndësishme se ato që thonë njerëzit. Ata u kushtojnë rëndësi shprehive të fytyrës, gjuhës së trupit, intonacionit të zërit për të kuptuar atë po ndodhë vërtet te punonjësit e tyre.

9. Vlerësojnë potencialin

Liderët karizmatikë jo vetëm që shohin më të mirën te njerëzit, por përpiqen që të gjithë të tjerët ta shohin atë.

10. Kanë përmbajtje

Daniel Quinn ka thënë: Karizma fiton vëmendjen e njerëzve. Pasi të keni tërhequr vëmendjen e tyre duhet të keni diçka për t’u treguar atyre. Drejtuesit simpatikë e dinë që njohuritë dhe aftësitë e tyre janë të rëndësishme për suksesin e të gjithë atyre që i ndjekin. Kjo është arsyeja që ata qëndrojnë me njerëz që kanë përmbajtje. Drejtuesit simpatikë kanë ‘brumë’ dhe e ndajnë atë me njerëzit e tjerë./EO

Related Topics:
Continue Reading

Lajmet

Dy të mitur arratisen nga Qendra Edukuese Korrektuese në Lipjan

Published

4 hours ago

on

October 29, 2026

By

Në raportin 24-orësh të Policisë së Kosovës është bërë e ditur se dy persona janë arratisur nga Qendra Edukuese Korrektuese (QEK) për të mitur në fshatin Grackë e Vjetër të Lipjanit.

Rasti është raportuar nga mbikëqyrësi i kësaj qendre, sipas të cilit të miturit, të cilët ishin duke vuajtur dënimin apo masën edukative, kanë arritur të largohen nga institucioni në drejtim të panjohur.

Policia e Kosovës ka nisur hetimet për rastin e cilësuar si “arratisje e personit të privuar nga liria” dhe po punon për lokalizimin e kapjen e tyre. /E.A/

Continue Reading

Lajmet

Ndalet një kombi me tri lopë në Leposaviq, dyshohet se u futën nga Serbia përmes rrugëve ilegale

Published

4 hours ago

on

October 29, 2026

By

Policia e Kosovës ka ndaluar një automjet transportues në Gnjezhdanë të Leposaviqit, pasi gjatë kontrollit janë gjetur tri lopë, të cilat dyshohet se janë futur nga Serbia në Kosovë përmes rrugëve ilegale.

Rasti ka ndodhur më 28 tetor, rreth orës 14:35. Sipas Policisë, automjeti drejtohej nga një burrë kosovar, i cili dyshohet se kishte hyrë në territorin e Kosovës duke shfrytëzuar rrugë ilegale.

I dyshuari është shoqëruar në stacion policor dhe, pas intervistimit dhe konsultimit me prokurorin, është liruar në procedurë të rregullt.

Ndërkaq, automjeti dhe tri kafshët janë dërguar në terminalin doganor për procedura të mëtejshme.

/A.K/

Continue Reading

Lajmet

Ekspertja ndërkombëtare Tímea Laboda ligjëron në UBT për inteligjencën artificiale në media

Published

4 hours ago

on

October 29, 2026

By

Fakulteti Media dhe Komunikim në UBT ka organizuar një ligjëratë tematike me eksperten ndërkombëtare nga Budapesti, Tímea Laboda, Senior Lecturer në Institutin e Marketingut dhe Komunikimit dhe udhëheqëse e Media Workshop në Budapest Metropolitan University (METU), e cila bashkë me studentët trajtoi mundësitë e përdorimit të inteligjencës artificiale në krijimin e përmbajtjes mediale.

Ligjërata me temën “Creative Media with AI: Tools and Ethics for Emerging Storytellers” u përqendrua në përdorimin e mjeteve të inteligjencës artificiale në prodhimin e përmbajtjes kreative, storytelling-un vizual dhe rëndësinë e etikës në një mjedis medial që po transformohet me shpejtësi nga teknologjitë e reja.

Gjatë ligjëratës, studentët patën mundësinë të njihen më nga afër me potencialin e AI-së në proceset kreative dhe në zhvillimin e formave të reja të komunikimit, duke diskutuar njëkohësisht edhe përgjegjësitë profesionale që shoqërojnë përdorimin e këtyre teknologjive. Vëmendje e veçantë iu kushtua raportit ndërmjet kreativitetit njerëzor, inovacionit teknologjik dhe parimeve etike në krijimin dhe shpërndarjen e përmbajtjeve mediale.

Aktivitete të tilla janë pjesë e angazhimit të Fakultetit Media dhe Komunikim në UBT për të ndërlidhur mësimdhënien me zhvillimet bashkëkohore në industrinë e medias dhe komunikimit, duke u ofruar studentëve mundësi për të zgjeruar njohuritë e tyre përtej ligjëratave të rregullta dhe për t’u përgatitur për sfidat e tregut modern të punës.

Përmes bashkëpunimeve ndërkombëtare dhe shkëmbimit akademik, UBT synon të krijojë një mjedis mësimor të hapur ndaj inovacionit, ku studentët përfitojnë nga përvojat dhe perspektivat e ekspertëve ndërkombëtarë, si dhe nga njohja me praktikat e reja profesionale.

 

Continue Reading

Lajmet

Arrestohet një person në Prishtinë pasi sulmoi dy zyrtarë policorë

Published

4 hours ago

on

October 29, 2026

By

Një person është arrestuar në Prishtinë, pasi dyshohet se ka sulmuar fizikisht dy zyrtarë policorë në rrugën “Lidhja e Pejës”.

Sipas Policisë së Kosovës, rasti ka ndodhur më 28 tetor, rreth orës 14:00, kur i dyshuari, duke drejtuar një veturë me targa vendore, ka hyrë në mes të kolonës së automjeteve që po shoqërohej nga policia.

Gjatë verifikimit nga zyrtarët policorë, i dyshuari i ka sulmuar dy prej tyre, ndërsa njëri ka pranuar trajtim mjekësor.

Me vendim të prokurorit, i dyshuari është dërguar në mbajtje për 48 orë.

/A.K/

Continue Reading

Të kërkuara