Sport

Tifozët e Indonezisë të mërzitur pasi Messi ” u përdor vetëm si strategji marketingu”

Por pas ditësh spekulime, tifozët morën një lajm të keq të enjten se heroi i tyre nuk do të luante.

Published

on

Njerëzit kanë nxituar të blejnë më shumë se 60,000 bileta për ndeshjen e së hënës mes Indonezisë dhe fitueses së Kupës së Botës, Argjentinës, pasi fytyra e Messit ishte gjithandej në reklamat për ngjarjen.

Por pas ditësh spekulime, tifozët morën një lajm të keq të enjten se heroi i tyre nuk do të luante.

“Ndihem i trishtuar dhe i zhgënjyer, kam emocione të përziera”, tha për AFP pronarja 31-vjeçare e dyqanit Surya Wijaya Ang nga ishulli Banda Neira.

“Ky ishte shansi më i madh për mua që të shoh Messin të luajë drejtpërdrejtë”.

Pasi u bë një fans i madh i Messit gjatë kohës së yllit në Barcelonë, Ang ka grumbulluar një koleksion prej rreth 200 fanellash me emrin e tij.

Ai po planifikon të marrë një varkë në qytetin lindor të Indonezisë, Ambon, përpara se të arrijë një fluturim katër-orësh për në Xhakartë, vetëm për të ndjekur ndeshjen.

Ai shiti shtatë fanella nga koleksioni i tij për të paguar biletën e ndeshjes prej 1.2 milionë rupiah (80 dollarë), një çmim i lartë në vendin me të ardhura të ulëta të mesme.

‘Strategji e marketingut’
Fansi i Messit është i mërzitur dhe tha se organizatorët në dukje kishin premtuar një paraqitje të superyllit.

“Messi është një ikonë dhe mund të thuash se 90 për qind e biletave janë shitur për shkak të Messit”, tha ai.

“Kjo ishte një strategji marketingu për ta”.

Indonezianë të tjerë reaguan në mediat sociale për të përcjellur zhgënjimin, me një ofertë për të shitur dy bileta “sepse Messi nuk do të vijë”.

Futbolli indonezian ka duruar një vit krizash me një tronditje vdekjeprurëse në stadium, kështu duke humbur të drejtat për të pritur Kupën e Botës FIFA U-20./UBTNews/

Sport

Sara Rexhaj dhe Besim Bytyqi shpallen “Shpresa Olimpike 2026”

Published

on

By

Basketbollistët Sara Rexhaj dhe Besim Bytyqi janë përzgjedhur në programin “Shpresa Olimpike” për vitin 2026, një iniciativë e Komitetit Olimpik të Kosovës për mbështetjen e sportistëve të rinj premtues.

Nënshkrimi i kontratave është bërë në ambientet e Komitetit Olimpik të Kosovës, ku gjithsej 48 bursistë nga 19 sporte olimpike do të përfitojnë bursa mujore prej 150 euro gjatë gjithë vitit 2026.

Dy talentet e basketbollit kosovar vlerësohen si emra me perspektivë për të ardhmen dhe pritet të japin kontribut të rëndësishëm edhe për Përfaqësuesen e Kosovës në garat ndërkombëtare.

Presidenti i KOK-ut, Ismet Krasniqi, deklaroi se ky është numri më i madh ndonjëherë i bursistëve të rinj, ndërsa vlera totale e programit arrin në 84,600 euro në vit.

Continue Reading

Sport

Java e 31-të në Albi Mall Superligë sjell “Klasiken” dhe beteja vendimtare për titull e mbijetesë

Published

on

By

Superliga e Kosovës në futboll vazhdon me ritëm të lartë këtë mesjavë, ku xhiroja e 31-të sjell përballje tejet interesante të ndara në dy ditë.

E mërkura do të jetë dita e sfidave të mëdha, ku vëmendja kryesore është në Gjilan për “Klasiken” mes Dritës dhe Prishtinës, një duel që gjithmonë zgjon interesim të jashtëzakonshëm.

Po ashtu, një betejë e fortë për daljen në Evropë pritet të zhvillohet në Malishevë mes skuadrës vendase dhe Gjilanit, ndërkohë që në Podujevë, Llapi do të kërkojë pikë jetike për mbijetesë kundër Prishtinës së Re.

Gara vazhdon edhe të enjten me dy ndeshjet e fundit të kësaj xhiroje.

Kampionët në fuqi, Ballkani, do të kenë një udhëtim të vështirë në Skënderaj për t’u përballur me Drenicën, ndërsa sfida tjetër mes Ferizajt dhe Dukagjinit pritet të jetë mjaft e luftuar për shkak të objektivave të të dyja skuadrave.

Të gjitha takimet e kësaj mesjave fillojnë nga ora 15:00, duke premtuar emocione të mëdha në luftën për kreun e tabelës dhe ekzistencën në elitë.

Continue Reading

Sport

Prishtina 01 dhe Liqeni në finalen e Kupës së Kosovës në futsall

Published

on

By

Të mërkurën, më 29 prill, me fillim nga ora 20:00, në Pallatin e Rinisë dhe Sportit në Prishtinë do të luhet finalja e madhe e Kupës së Kosovës në futsall.

Për trofeun do të përballen FC Prishtina 01 dhe FC Liqeni, dy skuadra që kanë treguar paraqitje të mira gjatë gjithë këtij edicioni dhe me meritë kanë siguruar vendin në finale.

Interesimi i tifozëve pritet të jetë i madh, ndërsa atmosfera sportive premton spektakël në kryeqytet. Në kampionat, më mirë qëndron FC Prishtina 01, e cila renditet në pozitën e dytë në Superligë, ndërsa FC Liqeni mban vendin e gjashtë.

Megjithatë, finalet gjithmonë sjellin emocione dhe rezultate të paparashikueshme, ndaj edhe kësaj radhe pritet një duel i fortë, i luftuar dhe i baraspeshuar deri në fund.

Continue Reading

Sport

Spektakël në Paris: PSG dhe Bayern Munich ballafaqohen për një vend në finale

Published

on

By

Sonte në orën 21:00, stadiumi “Parc des Princes” do të shndërrohet në epiqendrën e futbollit evropian, ku Paris Saint-Germain pret Bayern Munich në ndeshjen e parë gjysmëfinale të Ligës së Kampionëve.

PSG hyn në këtë sfidë me vetëbesim të plotë pas eliminimit të Liverpool-it, duke shfaqur një pjekuri dhe efikasitet që i ka munguar në vitet e kaluara. Parisiensët e shohin këtë vit si mundësinë e artë për të prekur finalen e madhe, duke u mbështetur te ritmi i lartë dhe mbështetja e zjarrtë e tifozëve vendas.

Në krahun tjetër, Bayern Munich vjen si një “makinë” e konfirmuar pas triumfit ndaj Real Madridit. Gjermanët mbështeten te disiplina e tyre e hekurt taktike dhe përvoja e madhe në përballje të këtij niveli, duke synuar një rezultat që do t’u lehtësonte punën në ndeshjen e kthimit në Mynih.

Në një duel ku gabimet kushtojnë shtrenjtë, detajet e vogla pritet të vendosin fatin e këtij takimi gjigantësh, që premton emocione deri në sekondën e fundit.

Continue Reading

Të kërkuara