Lajmet

Thëniet më të bukura nga romancierja Jane Austen

Published

3 years ago

September 8, 2021

UBT news

Jane Austen ishte romanciere e shquar angleze. Në 6 romanet që ka shkruar, është fokusuar në botën e femrës, realitetin e vështirë social-ekonomik, sfidat e martesës dhe nevojën për ti dhënë një dimension më të madh lirie.

Në romanet e saj dallohet ironia e hidhur, humori dhe përshkrimi i detajuar i realitetit. Vepra më e njohur e saj është “Krenari dhe paragjykim”.

Për kënaqësinë e lexuesve tanë ne kemi përzgjedhur një koleksion të thënieve më të bukura të Austen:

Nuk është ajo që themi ose mendojmë që na përcakton, por ajo që bëjmë.

Ka njerëz, të cilët sa më shumë të bësh për ta, aq më pak do të bëjnë për veten e tyre.

Personi, qoftë zotëri apo zonjë, të cilit nuk i pëlqen një roman i mirë, duhet të jetë budalla në mënyrë të padurueshme.

Nuk ka asgjë që nuk do të bëja për ata që janë vërtet miqtë e mi. Nuk e kam atë nocionin t’i dua njerëz përgjysmë, nuk është natyra ime.

Imagjinata e një zonje është shumë e shpejtë; hidhet nga admirimi në dashuri, nga dashuria në martesë në një moment.

Unë nuk dua që njerëzit të jenë shumë të sjellshëm, pasi më kursen mundimin që t’i pëlqej shumë.

Sa më shumë që njoh botën, aq më shumë jam e bindur se nuk do të shoh kurrë një njeri që mund ta dua vërtet. Unë kërkoj kaq shumë!

Eshtë një e vërtetë e pranuar botërisht, që një burrë beqar që zotëron një pasuri të mirë, duhet të ketë nevojë për grua.

Njerëzit e zemëruar nuk janë gjithmonë të mençur. Unë lehtë mund ta falja krenarinë e tij, nëse ai nuk do ta kishte mbytur timen.

Ah! Nuk ka asgjë si të qëndrosh në shtëpi, për një rehati të vërtetë.

Unë duhet të mësoj të jem e kënaqur me të qenit më e lumtur se sa e meritoj.

Në momentin e parë që e pashë, zemra ime ishte zhdukur në mënyrë të pakthyeshme.

Gjërat pa kuptim pushojnë së qeni të kota nëse ato bëhen nga njerëz të mençur në një mënyrë të pacipë.

Miqësia është sigurisht balsami më i mirë për dhimbjet e zhgënjimit të dashurisë.

Nëse do të të doja më pak, do isha në gjendje të flisja më shumë për ty.

Unë nuk e kam kënaqësinë të të kuptoj.

Unë mund ta kem humbur zemrën, por jo vetëkontrollin tim.

Unë jam krijesa më e lumtur në botë. Ndoshta njerëz të tjerë kanë thënë kështu më parë, por jo me një drejtësi të tillë. Unë jam më e lumtur edhe se Xhein; ajo vetem buzeqesh, une qesh.

Kur të dashurohem, do të jetë përgjithmonë.

Për çfarë jetojmë, për të dhuruar shfaqje për fqinjët tanë, dhe për të qeshur me ta nga ana jonë?

Unë gjithmonë e meritoj trajtimin më të mirë, sepse nuk duroj kurrë ndonjë tjetër.

Deri në këtë moment nuk e njoha kurrë veten.

Jeta nuk është tjetër veçse një radhitje e shpejtë e gjërave boshe.

Ai është një zotëri, dhe unë jam vajza e një zotërie. Deri më tani jemi të barabartë.

Mendimi im i mirë po humbi njëherë, humbet përgjithmonë.

Nëse do të mund ta dija zemrën e tij, gjithçka do të bëhej më e lehtë.

Distanca nuk është asgjë kur dikush ka një motiv.

Asgjë nuk më lodh më shumë, sesa kur bëj atë që nuk më pëlqen.

Sa krijesa të çuditshme janë vëllezërit!

Deklaroj se në fund të fundit nuk ka kënaqësi si leximi! Sa shpejt që njeriu lodhet nga gjithçka tjetër përveçse nga një libër!

Oh, Lizzy! Bëj gjithçka në vend që të martohesh pa dashuri.

Mary dëshironte të thoshte diçka shumë të arsyeshme, por nuk dinte si.

Askush nuk mund të tregojë se çfarë vuaj! Por gjithnjë është kështu. Ata që nuk ankohen kurrë nuk janë të mëshirshëm.

Një grua, veçanërisht nëse ka fatin e keq të dijë ndonjë gjë, duhet ta fshehë atë sa më mirë që të mundet.

Njëra gjysmë e botës nuk mund të kuptojë kënaqësitë e tjetrës.

Cilën nga të gjitha gjërat e mia të rëndësishme do t’ju tregoj së pari?

Ajo ishte e ndjeshme dhe e zgjuar, por e etur në gjithçka; hidhërimet, gëzimet e saj nuk mund të kishin moderim.

Sa shpejt i gjejmë arsyet për të aprovuar atë që na pëlqen.

Do jem e qete. Unë do të jem zonja e vetvetes.

Nëse aventurat nuk do t’i ndodhin një zonje të re në fshatin e saj, ajo duhet t’i kërkojë ato jashtë vendit.

Related Topics:Jane Austen kryesore thenie

Up Next

I ndalohet hyrja në stadium për pesë vite djaloshit që hyri për t’u fotografuar me Depay

Don't Miss

Si ta ruani qetësinë kur diçka shkon keq në punë

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.