Aktualitet

Themelimi i Operës së Kosovës votohet në Komision, funksionalizohet vitin tjetër

Published

5 years ago

on

Komisioni për Arsim, Shkencë, Teknologji, Inovacion, Kulturë, Rini dhe Sport ka votuar me shumicë votash vendimin e Qeverisë për themelimin e institucionit të Operës së Kosovës si Institucion i shërbimit publik, raporton Ekonomia Online.

Ministri i Kulturës Rinisë dhe Sportit Hajrulla Çeku, tha se janë bërë  hapa konkret për themelimin e Operës së Kosovës, duke shtuar se ajo mund të jetë funksionale në vitin 2022.

“Me themelimin e operës do të arrijmë të krijojmë të gjitha kushtet ku në vitin 2022 të bëhet funksional. Ministria ka kryer analiza të kostos financiare dhe vlerësojmë se një pjesë e kostos janë të mundshme. Vitin 2021 nuk do të ketë ndikim financiar sepse do të themelohet institucioni me buxhetin e MKRS. Do të parashtrohen kërkesa për buxhet shtesë”.

Ai tha se një nga propozimet që ka ardhur është ka kemi një ligj ku rregullohet edhe skena e pavarur edhe infrastruktura kulturore, duke sqaruar se me kërkesë të komunës kanë hequ dorë nga lokacioni të Fakulteti Teknik.

“Në momentin që hyn në fuqi besoj kemi me pas mundësi mi zgjidh gjitha problemet. Pse të presim disa kur ku institucion mund të themelohet edhe tash. Edhe me kërkesë të komunës kemi vendosur të heqim dorë të Fakulteti Teknik, në mënyrë që t’i hapim hapësirë Fakultetin të Matematikës”.

“Do të kërkojmë hapësira të reja për ndërtime jo vetëm të operës, por edhe të tjera. Kemi planifikuar që në muajin tetor të kemi ngjarje operistike që do të shënoj fillimin operistik mbase do të jetë zona Ulpiana apo ndonjë tjetër”.

Deputeti i VV-së Fitim Uka, tha se themelimi i Operës është nismë e mirë.

“E kemi diskutuar rëndësinë që e ka themelimi i Operës dhe është nismë e mirë”.

Edhe deputetja tjetër e VV-së Ardiana Matoshi, tha se kjo është iniciativë që duhet të mbështet dhe është kërkesë e kamotshme e artistëve.

Është pritje e kamotshme e artistëve dhe po e shoh shpreh te ta. Mos u ndalni punoni.

Deputetja e PDK-së Eliza Hoxha, tha se pas shumë tentativash komuniteti muzikor do të ketë kushte për të ushtruar profesionin, raporton EO.

“Më vjen mirë që pas shumë tentativave komuniteti muzikor ka me pas mundësi me pas kushte optimale dhe me ushtruar profesionin e vet”.

“Të përgëzoj që po e jetëson iniciativën. Kam dëgjuar që doni të bëni një ligj dhe e kam të rëndësishme me dit si e keni menduar zhvillimin”.

Deputetja e AAK-së Albena Reshitaj ka përgëzuar ministrin për themelimin e Operës.

“Përgëzoj për themelimin e Operës së Kosovës. Nuk them që nuk është bërë punë edhe në të kaluarën dhe tani është momenti. Sfera e kulturës ka trashëguar probleme të mëdha dhe besoj që institucionet kulturore do të shkojnë përpara”.

Related Topics:
Continue Reading

Vendi

Nisin patrullimet e përbashkëta mes Policisë së Kosovës dhe asaj të Shqipërisë për sezonin veror

Published

40 minutes ago

on

July 1, 2026

By

Nga sot, 1 korrik 2026, kanë nisur zyrtarisht patrullimet e përbashkëta rrugore ndërmjet Policisë së Kosovës dhe Policisë së Shtetit Shqiptar në territorin e Shqipërisë. Ky angazhim vjen në kuadër të bashkëpunimit tradicional ndërinstitucional, me synim rritjen e sigurisë në komunikacion dhe ofrimin e një shërbimi më efikas për të gjithë qytetarët.

Këto patrullime vijnë në një moment kyç, pikërisht gjatë sezonit veror kur fluksi i qytetarëve që udhëtojnë ndërmjet Kosovës dhe Shqipërisë rritet ndjeshëm. Përmes këtij koordinimi të ngushtë, dy policitë synojnë të rrisin sigurinë publike, të parandalojnë aksidentet rrugore dhe të sigurojnë respektimin e plotë të rregullave të qarkullimit.

“Policia e Kosovës vlerëson lart bashkëpunimin me Policinë e Shtetit Shqiptar dhe mbetet e përkushtuar në zhvillimin e iniciativave të përbashkëta që kontribuojnë në sigurinë e qytetarëve të të dy vendeve”, thuhet në njoftimin zyrtar të Policisë së Kosovës.

Në fund të deklaratës, institucionet e rendit u kanë bërë thirrje të gjithë shoferëve dhe pjesëmarrësve në trafik që të tregojnë kujdes të shtuar gjatë udhëtimit, t’u përmbahen shenjave të komunikacionit dhe të kontribuojnë në krijimin e një ambienti sa më të sigurt në rrugë.

Continue Reading

Vendi

Skema me naftën Kosovë-Shqipëri: Bastisen dhjetëra biznese, 9 të arrestuar

Published

2 hours ago

on

July 1, 2026

By

Dhjetëra biznese të shitjes dhe disa importues të naftës janë vënë në shënjestër të një operacioni të gjerë bastisjesh, i cili ka filluar sot në mëngjes në disa zona të ndryshme të Kosovës.

Aksioni i koordinuar nga Prokuroria e Kosovës është duke u zhvilluar në bashkëpunim të ngushtë me Drejtorinë e Hetimeve në Administratën Tatimore të Kosovës (ATK), Doganën dhe njësi të ndryshme të Policisë së Kosovës.

Sipas burimeve të para të Ekonomia online nga prokuroria, deri më tani janë vënë në pranga nëntë persona të dyshuar si pjesë e këtij rrjeti.

Gjatë kontrolleve të ushtruara nëpër lokacione të ndryshme, hetuesit kanë arritur të sekuestrojnë një shumë të konsiderueshme të parave të gatshme, armë, kompjuterë, dokumente të ndryshme dhe fatura që dyshohet se janë fiktive, të cilat lidhen drejtpërdrejt me këtë veprimtari të paligjshme.

Dyshimet fillestare të organeve të rendit zbulojnë një skemë të mirëorganizuar të mashtrimit dhe shmangies tatimore. Nafta importohej fillimisht nga kompanitë kosovare dhe kalonte transit përmes territorit të Shqipërisë.

Duke shfrytëzuar dallimet e taksës së akcizës dhe tatimeve mbi karburantet mes dy vendeve, një pjesë e naftës dyshohet se shkarkohej ilegalisht në Shqipëri për t’u shitur më pas në tregun e zi.

Përmes kësaj metode, të dyshuarit i kanë shmangur detyrimet fiskale, duke i shkaktuar një dëm të madh buxhetit të shtetit, ndërsa operacioni i bastisjeve po vazhdon ende në terren.

/Ekonomia online/ /E.A/

Continue Reading

lajme

Dekania e Fakultetit të Shkencave Politike në UBT, Hajdi Xhixha, publikon punim shkencor në revistën e indeksuar në Web of Science

Published

2 hours ago

on

July 1, 2026

By

Dekania e Fakultetit të Shkencave Politike në UBT, Hajdi Xhixha, ka publikuar punimin shkencor me titull “The Use of Force Against Civil Aircraft Intrusions: Legal Challenges and Christian Ethical Perspectives in Grey Zone Conflicts”, në revistën Kosciol i Prawo, e indeksuar në Web of Science, në bashkautorësi me studiuesin Redion Luli.

Punimi trajton sfidat juridike, të sigurisë dhe aspektet etike që lidhen me përdorimin e forcës ndaj avionëve civilë në rastet e ndërhyrjeve dhe kërcënimeve në kuadër të konflikteve hibride, terrorizmit global dhe aktiviteteve ilegale.

Në këtë studim, autorët analizojnë rritjen e kërcënimeve nga keqpërdorimi i aviacionit civil, duke shqyrtuar njëkohësisht dilemat morale dhe fetare që lidhen me mbrojtjen e sigurisë kombëtare përballë rrezikimit të jetës së civilëve të pafajshëm.

Punimi ofron një qasje ndërdisiplinore mbi konfliktet e “grey zone”, duke kombinuar perspektivën juridike ndërkombëtare me dimensionin etik dhe humanitar, çka e bën këtë studim një kontribut të rëndësishëm në debatet bashkëkohore mbi sigurinë dhe të drejtën ndërkombëtare.

Continue Reading

Aktualitet

Gjykata Supreme e SHBA-së rrëzon vendimin e Trump-it për shtetësinë automatike me lindje

Published

2 hours ago

on

July 1, 2026

By

Gjykata Supreme e Shteteve të Bashkuara ka marrë një vendim kundër politikës së presidentit Donald Trump për heqjen e të drejtës së shtetësisë automatike me lindje . Përkundër stilit të tij të zakonshëm, reagimi i Trump-it ndaj këtij vendimi ishte mjaft i matur.

Të martën, presidenti Trump e quajti këtë vendim si diçka “shumë të keqe për vendin tonë”, teksa vazhdoi të kërkojë mbështetjen për një projektligj që do të rikthente kufizimet e propozuara prej tij mbi këtë parim ligjor të kamershëm, sipas të cilit çdo person i lindur në territorin e SHBA-së fiton automatikisht shtetësinë amerikane.

Megjithatë, gjasat që Kongresi të ndërmarrë hapa rreth kësaj çështjeje janë mjaft të vogla. Demokratët pritet pothuajse me siguri të bllokojnë çdo iniciativë në Senat, dhe madje edhe nëse një ligj i tillë do të miratohej, mbetet e paqartë se si ai do të mund t’i mbijetonte vlerësimit kushtetues.

Edhe pse ky vendim shënon një goditje për Trump-in, ai i jep fund një sesioni të Gjykatës Supreme i cili në përgjithësi ka vazhduar trendin e viteve të fundit në favor të tij.

Shumica konservatore në këtë gjykatë, e konsoliduar pikërisht gjatë mandatit të tij të parë, i ka sjellë presidentit një sërë fitoresh të mëdha. Kjo shumicë ka zgjeruar në mënyrë metodike pushtetin ekzekutiv dhe ka mbrojtur Trump-in, si dhe të gjithë presidentët e ardhshëm, nga ndjekja penale për veprimet zyrtare.

Sidoqoftë, një numër i vogël i gjyqtarëve konservatorë janë bashkuar me tre gjyqtarët liberalë të gjykatës për të vendosur kufij të qartë ndaj disa prej politikave më ambicioze të Trump-it në fushën e imigracionit, tregtisë dhe zbatimit të ligjit – çështje këto që kanë qenë në qendër të identitetit të tij politik për më shumë se një dekadë. /BBC/ /E.A/

Continue Reading

Të kërkuara