Lajmet

Thellohet rënia e vlerës së investimeve në Trust, humbin mbi 170 milionë euro

Derisa në muajin gusht të këtij viti rëniet e këtyre investimeve kanë qenë 161.6 milionë euro.

Published

4 years ago

November 14, 2022

UBT news

Trendi i rënies së vlerës së kursimeve pensionale të qytetarëve në Trust nuk ka të ndalur. Fondi i Kursimeve Pensionale të Kosovës edhe më tej vazhdon të ketë rezultate negative në investimet e kursimeve pensionale në tregjet e huaja ndërkombëtare.

Në raportin e fundit të Bankës Qendrore të Kosovës, thuhet se deri në muajin shtator të këtij viti kthimi në investime në Trust ka rënë 170.5 milionë euro. Derisa në muajin gusht të këtij viti rëniet e këtyre investimeve kanë qenë 161.6 milionë euro.

Drejtues të këtij fondi, gjatë raportimit në Kuvend javë më parë, kishin deklaruar se ky vit do të jetë sfidues për aq kohë sa ka lëvizje të ndryshme të çmimit të njësisë në tregjet evropiane.

Si rrjedhojë krizës energjetike dhe rritjes së normës së inflacionit në vend, në qershor të këtij viti pati pasur tentime në Kuvendin e Kosovës për ndryshimin e ligjit të Fondit të Kursimeve Pensionale të Kosovës për tërheqjen e një përqindje të mjeteve të Trustit deri në 30 për qind. Megjithatë në seancën e kuvendit nuk pati kaluar Projektligji për tërheqjen e mjeteve nga Trusti.

Pas kësaj sërish ka pasur një iniciativë qytetare për mbledhjen e nënshkrimeve dhe është proceduar një peticion në Kuvendin e Kosovës për shqyrtimin e kërkesës së qytetarëve për tërheqjen e një përqindje të caktuar të këtyre mjeteve në Trust, por ditë më parë ministri i Financave, Hekuran Murati është deklaruar se Qeveria dhe Grupi Parlamentar i Vetëvendosjes do të jenë kundër kësaj iniciative.

Për tërheqjen e mjeteve të Trustit, dhjetë ditë më parë është protestuar nga një grup i vogël i qytetarëve në Prishtinë.

Vendi

Mbi 100 gramë kokainë dhe marihuanë kapen në Vërmicë

Published

6 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

7 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

9 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

10 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/