

Aktualitet
“The Travel”: Shqipëria mes 10 destinacioneve fantastike edhe për pushimet në çift
Shqipëria ofron “arratisje” të përballueshme, por magjepsëse me fshatra piktoreske dhe peizazhe surreale.
Published
2 years agoon
By
UBT newsNdërsa udhëtimet po bëhen gjithnjë e më të shtrenjta në shumë vende të botës, adhuruesit e udhëtimeve janë gjithmonë në kërkim të opsioneve më fantastike por të përballueshme.
Për fat të mirë, ekziston një botë e madhe mundësish për çiftet që kërkojnë të përjetojnë një aventurë të paharrueshme së bashku, pa sforcuar llogaritë e tyre bankare, sipas një artikulli të gazetarit Brian Oseko, të botuar në “The Travel”.
Shqipëria ofron një “arratisje” të përballueshme, por magjepsëse me fshatra piktoreske dhe peizazhe surreale.
Riviera Shqiptare shtrihet në një vijë bregdetare të mrekullueshme, e cila ofron diellin, detin dhe relaksin, si dhe një zhytje në historinë dhe kulturën e vendit.
Gjithashtu, eksplorimi i parqeve kombëtare ofron aventura të paharrueshme mes bukurisë natyrore që të lë pa frymë!
Shqipëria është renditur mes 10 destinacioneve më fantastike për pushime në çift me një buxhet të ulët, përcjell atsh.
Ksamil, Shqipëri
Ksamili, një perlë e fshehur përgjatë rivierës shqiptare, është një destinacion i shkëlqyer për pushime me një buxhet të ulët për çiftet që kërkojnë diellin, detin dhe relaksin, transmeton KosovaPress.
Kjo parajsë bregdetare mburret me plazhet e saj të paeksploruara, ujërat e pastër kristal dhe atmosferën e qetë që tërheq adhuruesit e udhëtimeve që duan detin.
Atraksionet kryesore këtu janë Ishujt mahnitës të Ksamilit, një koleksion ishujsh të vegjël pranë bregut, Parku Kombëtar i Butrintit, Kalaja e Lëkurësit dhe Syri i Kaltër.
Ksamili është i njohur edhe për restorantet e tij, që ofrojnë pjata të shijshme të ushqimeve të detit.
Çiftet mund të shijojnë ushqimet e freskëta të ditës me çmime të përballueshme.
Me ambientin e tij të rehatshëm, plazhet e bukura dhe çmimet e përballueshme, Ksamili u ofron çifteve një mjedis idilik për një arratisje romantike të lirë.
Hotelet më të lira kushtojnë 22 dollarë nata.
Bota
Trump takon udhëheqësin e ri të Sirisë pas premtimit për heqjen e sanksioneve
Published
1 minute agoon
May 14, 2025By
UBTnews
Presidenti i Shteteve të Bashkuara të Amerikës, Donald Trump, është takuar të mërkurën me presidentin e ri të përkohshëm të Sirisë, Ahmad al-Sharaa, një ish-udhëheqës i kryengritësve, që kaloi vite i burgosur nga forcat amerikane pasi u kap në Irak.
Takimi ndodhi para se Trump të përfundojë qëndrimin e tij në Arabinë Saudite dhe të udhëtojë për në Katar, në kuadër të një turneu në Lindjen e Mesme, që do të përfshijë, gjithashtu, një ndalesë në Emiratet e Bashkuara Arabe.
Trump dhe al-Sharaa u takuan prapa dyerve të mbyllura, ndërsa gazetarët nuk u lejuan të merrnin pjesë, raportoi Associated Press.
Al-Sharaa u shpall president i Sirisë në janar, një muaj pas një ofensive të befasishme të grupeve kryengritëse të udhëhequra nga Hayat Tahrir al-Sham (HTS), të cilën ai e drejtonte. Kjo organizatë është e shpallur terroriste nga SHBA-ja. Ato forca pushtuan Damaskun dhe i dhanë fund sundimit 54-vjeçar të familjes Assad.
Trump tha, para takimit, se vendimin për ta takuar al-Sharaan e mori pas inkurajimit nga princi saudit, Mohammed bin Salman, dhe presidenti turk, Recep Tayyip Erdogan. Ai premtoi, gjithashtu, se do të heqë sanksionet shumëvjeçare ndaj Sirisë.
“Në Siri ka një qeveri të re që, shpresojmë, do të arrijë të stabilizojë vendin dhe të ruajë paqen”, tha Trump në një fjalim të gjerë për politikën e jashtme të mbajtur të martën, ku njoftoi heqjen e sanksioneve që kanë qenë në fuqi që nga viti 2011.
“Kjo është ajo që duam të shohim në Siri”.
I njohur më parë me nofkën Abu Mohammed al-Golani, al-Sharaa ishte rreshtuar me radhët e al-Kaidës kundër forcave amerikane në Irak pas pushtimit të udhëhequr nga SHBA-ja.
Ai ende përballet me një fletarrestim për akuza për terrorizëm në Irak. Dikur, SHBA-ja kishte ofruar një shpërblim prej 10 milionë dollarësh për informacione mbi vendndodhjen e tij, për shkak të lidhjeve të tij me al-Kaidën.
Al-Sharaa u rikthye në Siri pas shpërthimit të konfliktit në vitin 2011, dhe mori drejtimin e degës së al-Kaidës, e njohur si Fronti Nusra. Më pas, ai e riemërtoi grupin në Hayat Tahrir al-Sham, dhe shkëputi lidhjet formale me al-Kaidën.
Sanksionet ndaj Sirisë datojnë nga koha e Bashar al-Assadit, i cili u rrëzua nga pushteti në dhjetor. Ato synonin të dëmtonin rëndë ekonominë e regjimit të tij.
Të dy administratat amerikane – administrata e kaluar e presidentit Joe Biden dhe administrata aktuale e presidentit Trump – i kishin lënë në fuqi këto sanksione edhe pas rrëzimit të Assadit, ndërsa vlerësonin qëndrimin e al-Sharaas, i cili ka mohuar lidhjet e mëtejshme me al-Kaidën./REL/
Bota
Misioni i OKB-së në Libi “thellësisht i alarmuar” nga përshkallëzimi i dhunës në Tripoli
Published
59 minutes agoon
May 14, 2025By
UBTnews
Misioni Mbështetës i OKB-së në Libi (UNSMIL) ka shprehur shqetësim për përleshjet në vazhdim në kryeqytetin e vendit, Tripoli.
“UNSMIL-i është thellësisht i alarmuar nga përshkallëzimi i dhunës në lagjet me popullsi të dendur të Tripolit për natën e dytë radhazi, duke vënë civilë të panumërt në rrezik të madh“, tha ai në X.
Misioni gjithashtu bëri thirrje urgjente për armëpushim “të menjëhershëm dhe pa kushte” në të gjitha zonat e populluara, duke paralajmëruar se armiqësitë e vazhdueshme vetëm sa e thellojnë paqëndrueshmërinë në Tripoli dhe në gjithë Libinë.
Duke u kërkuar të gjitha palëve t’i japin përparësi mbrojtjes së civilëve dhe të angazhohen “pa vonesë në një dialog serioz dhe me mirëbesim” për të zgjidhur mosmarrëveshjet në mënyrë paqësore, misioni tha se mbështet të gjitha përpjekjet e ndërmjetësimit dhe deeskalimit.
UNSMIL-i gjithashtu ofroi “zyrën e tij të mirë” për të ndihmuar në përfundimin e luftimeve dhe për të lehtësuar dialogun për të ruajtur stabilitetin.
Dhuna shpërtheu në kryeqytet të hënën, veçanërisht në lagjet Salah al-Din dhe Abu Salim, pas vdekjes së Abdel Ghani al-Kiklit, i cili kryesonte Aparatin e Mbështetjes së Stabilitetit të lidhur me Këshillin Presidencial, thanë mediat libiane.
Libia ka mbetur në trazira që nga viti 2011, kur udhëheqësi i saj Muamar Gadafi u rrëzua nga pushteti pas katër dekadash në pushtet.
Bota
Erdogan & Meloni: Të mos mbyllet dritarja e mundësisë për paqe midis Rusisë dhe Ukrainës
Published
1 hour agoon
May 14, 2025By
UBTnews
Në një telefonatë, presidenti turk Recep Tayyip Erdogan dhe kryeministrja italiane, Giorgia Meloni diskutuan lidhjet midis dy vendeve, si dhe zhvillimet rajonale dhe globale.
Sipas një deklarate nga Drejtoria e Komunikimeve e Presidencës turke, Erdogan ka shprehur gatishmërinë e Turqisë për të kontribuuar ”në çdo mënyrë të mundshme” duke përfshirë edhe organizimin e bisedimeve të paqes, për të siguruar që lufta midis Ukrainës dhe Rusisë të përfundojë ”me një paqe të drejtë dhe të qëndrueshme”.
Duke nënvizuar dritaren e mundësisë për arritjen e paqes Rusi-Ukrainë, Erdogan ka kërkuar që kjo ”dritare të mos mbyllet”.
Erdogan ka theksuar gjithashtu rëndësinë e intensifikimit të përpjekjeve për të arritur paqen./atsh/
Bota
Trump arrin në Arabinë Saudite, nis turneun në Lindjen e Mesme
Published
19 hours agoon
May 13, 2025By
UBTnews
Presidenti i Shteteve të Bashkuara të Amerikës, Donald Trump, mbërriti në kryeqytetin saudit, Riad, më 13 maj, duke shënuar fillimin e një udhëtimi katër ditor në rajonin e Gjirit Persik, që do ta çojë atë në Katar dhe Emiratet e Bashkuara Arabe.
Kjo është hera e dytë që Trump e ka zgjedhur mbretërinë si destinacionin e tij të parë të huaj gjatë presidencës, pasi bëri të njëjtën zgjedhje në fillim të mandatit të tij të parë në vitin 2017.
Pasi mbërriti, Trump u prit nga Princi i Kurorës Muhammad bin Salman në aeroport, ku u zhvillua një ceremoni zyrtare mirëseardhjeje, duke përfshirë një tapet mbretëror ngjyrë vjollcë dhe një ceremoni kafeje.
Rrugët e Riadit ishin zbukuruar me flamuj sauditë dhe amerikanë, dhe Aeroplani i Forcave Ajrore u përcoll nga një eskortë ushtarake nga avionët luftarakë sauditë F-15 teksa zbarkoi.
Agjenda e Trump në Arabinë Saudite përqendrohet në sigurimin e marrëveshjeve të mëdha biznesi, me fokus në investimet në inteligjencën artificiale, energjinë dhe marrëveshje të konsiderueshme armësh.
Ai synon të finalizojë marrëveshje që kalojnë një trilion dollarë gjatë këtij udhëtimi, megjithëse ekspertët theksojnë se një shifër e tillë do të ishte e paprecedent.
Vizita përfshin gjithashtu pjesëmarrjen në një forum investimesh, biseda dypalëshe dhe një darkë me princin e kurorës.
Një nga marrëveshjet kyçe që është në tryezë gjatë vizitës së Trump është një marrëveshje bërthamore civile SHBA-Arabi Saudite, e cila do të mbështeste ambiciet e mbretërisë për të zhvilluar sektorin e saj të energjisë bërthamore.
Është e rëndësishme të theksohet se administrata Trump nuk po kërkon më nga Arabia Saudite që të normalizojë marrëdhëniet me Izraelin si një parakusht për avancimin e këtyre bisedimeve bërthamore – një ndryshim i rëndësishëm nga politika e mëparshme amerikane nën presidentin Joe Biden, kur bashkëpunimi bërthamor ishte lidhur me përparimin e normalizimit me Izraelin.
Kjo ndarje e marrëveshjes bërthamore nga normalizimi me Izraelin reflekton si procesin e bisedimeve pa rezultat për paqen për shkak të konfliktit në Gaza, ashtu edhe një lëshim të madh nga Uashingtoni për Riadin.
Zyrtarët e Shtëpisë së Bardhë dhe vetë Trump kanë konfirmuar se një vizitë në Izrael nuk do të ndodhi gjatë këtij udhëtimi, megjithëse ka pasur spekulime dhe disa shpresa izraelite se ai mund të shtonte një ndalesë në Jerusalem ose Tel Aviv.
“Ne do ta bëjmë atë në një moment tjetër. Por jo për këtë udhëtim“, tha Trump javën e kaluar.
Ky vendim ka shkaktuar shqetësim tek zyrtarët izraelitë, të cilët e shohin atë si një sinjal të ndryshimit të prioriteteve të SHBA-së në rajon dhe rritjes së tensioneve mes Trump dhe Kryeministrit izraelit Benjamin Netanyahu, sidomos për shkak të luftës në Gazë, politikës së presidentit ndaj Iranit dhe strategjisë së tij të përgjithshme rajonale.

Trump takon udhëheqësin e ri të Sirisë pas premtimit për heqjen e sanksioneve

Zyrtare: Shqipëria kualifikohet në finalen e madhe të ‘Eurovision 2025’

Misioni i OKB-së në Libi “thellësisht i alarmuar” nga përshkallëzimi i dhunës në Tripoli

Stafi i UBT-së prezanton një model të ri për monitorimin bujqësor përmes dronëve dhe AI në FH Salzburg të Austrisë

Rama reagon për herë të parë për fitoren: Ju falenderoj përgjunjësisht

Erdogan & Meloni: Të mos mbyllet dritarja e mundësisë për paqe midis Rusisë dhe Ukrainës

“Zjerm”, Shkodra Elektronike kualifikohet për finalen e madhe të Eurovision

Presidenti i Këshillit Evropian viziton Kosovën

Në UBT do të mbahet një koncert nga studentët e Muzikës Moderne
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim