Lajmet

Thaçi thotë se në marrëveshjen që ka pasur ta nënshkruajë ai me Serbinë ka qenë pika për njohje

Published

6 years ago

on

Presindeti Hashim Thaçi, thotë se edhe marrëveshja që ai ka pasur ta nënshkruajë por që nuk u bë e mundur për shkak të publikimit të propozimit për aktakuzë ndaj tij nga Gjykata Speciale, ka qenë thuajse e njëjtë me atë që nënshkroi kreyministri Avdullah Hoti, në Washintgon. Sikur t’i jepej rasti edhe Thaçi thotë se do të vepronte njëjtë si Hoti.

“Po, marrëveshja që unë kam pasur më herët ka qenë e njëjtë. Ka qenë e njëjtë 95%. Në atë marrëveshje kishte pikë për njohjen e Kosovës”, ka deklaruar Thaçi në emisionin “Open” në Top Channel.

Ndërkohë kur është pyetur se a do e pranonte heqjen e pikës 10, për të cilën edhe ai pajtohet se është hequr për shkak të Serbisë, Thaçi thotë se “Është çështje e diskutueshme. Mbetet për të punuar. Kjo marrëveshje mund të mbyllej para dy vitesh. Kjo është shtyrë për kaq kohë. E dini se çfarë akuzash kanë ndodhur. Këta njerëz, për lajmet e rrejshme duhet të kërkojnë falje”.

Ndërkohë Thaçi akuzon tërthorazi partinë Lëvizja Vetëvendosje, ndonëse pa ia përmendur emrin, por e cila sipas tij është fajtore që kjo marrëveshje nuk u nënshkrua dy vjet më herët se tash. Në këtë vonim sipas presidentit ka ndikuar hedhja e gazit lotsjellës në Kuvendin e Kosovës.

“Në qoftë se në Kosovë nuk do të kishte parti që hedhin gaz lotsjellës, ne sot do t’i kishim liberalizuar vizat. Në qoftë se nuk do të kishim disa politikanë me mendësi tribale. E kjo marrëveshje do të ishte nënshkruar para dy viteve po në Washington nën udhëheqjen e administratës Trump”, ka deklaruar ai.

Tutje Thaçi ka mohuar se dikush i ka ofruar ish-këshilltarit për Sigurinë Kombëtare në administratën e Trumpit, John Bolton, një projekt të ndarjes së Kosovës, siç e pohon ai në librin e tij.

Pjesë e këtij debati ishte edhe analisti Andi Bushati i cili thotë se vazhdon të jetë skeptik ndaj marrëveshjes Kosovë-Serbi, duke thënë se nuk kemi të bëjmë me një marrëveshje por me një shfaqje komike.

“Ndaj termit marrëveshje unë kam rezerva. Këtu ne nuk kemi të bëjmë me një marrëveshje. Nuk kemi marrëveshje kur të gjitha palët nënshkruajnë gjëra të ndryshme dhe jo të përbashkëta. Kjo nuk është marrëveshje. Është një shfaqje komike si ato të Edi Ramës kundër fitores së Donald Trump. Me këtë po tallen të gjitha vendet duke filluar nga Rusia dhe duke përfunduar në BE. Kjo u shpall si fitore e administratës së Trump. Për sa i përket idesë së ndarjes së Kosovës, plani ka egzituar. Falë një qëndrese nga shqiptarët dhe një kundërshtimi nga aktorët e huaj nuk u realizua nga plani i ndarjes. A ka pasur një rrezik të ndarjes të Kosovës? Patjetër po. A është eliminuar ky rrezik. Besoj se po, se përndryshe në atë tryezë do të ishte marrë parasysh propozimi që dhe Presheva dhe Bujanovci ti bashkohen Kosovës. Plani i parë ka rënë edhe si pasojë e planit eVropian. Kumbari i planit, John Bolti e ka pranuar. Ishte një ide që më erdhi nga Thaçiç dhe Vuçiç. Unë mendoj që sot të gjithë ata që kanë ngritur zërin kundër ndarjes territoriale duhet të jenë të gëzuar sepse nuk ishte nja nga pikat që u diskutuan në atë tryezë”, ka përfunduar ai. /Zëri

Related Topics:
Continue Reading

Lajmet

Bebe Rexha shënon sukses global me albumin “Dirty Blonde”

Published

26 minutes ago

on

June 17, 2026

By

Artistja shqiptare me famë botërore, Bebe Rexha, po korr sukses të madh me albumin e saj më të ri “Dirty Blonde”, i cili ka debutuar si një nga më të dëgjuarit në Spotify në nivel global.

Sipas të dhënave të publikuara nga Spotify, albumi është renditur në vendin e tretë në listën e albumeve debutuese më të dëgjuara në botë për periudhën 12–14 qershor, duke konfirmuar rikthimin e fuqishëm të artistes në skenën ndërkombëtare.

Albumi ka pasur performancë të mirë edhe në SHBA, ku është renditur në top 10, duke treguar interes të madh të publikut për projektin e saj të ri muzikor.

“Dirty Blonde” është albumi i katërt në karrierën e Bebe Rexhës dhe i pari si artiste e pavarur, pas ndarjes nga labeli i mëparshëm në vitin 2025.

Albumi përmban 13 këngë, mes tyre edhe bashkëpunime me emra të njohur si Faithless në këngën “New Religion” dhe David Guetta në “Sad Girls”, të cilat po marrin vëmendje të madhe në platformat muzikore.

Me këtë sukses, Bebe Rexha vazhdon të forcojë pozicionin e saj si një nga emrat më të rëndësishëm të muzikës pop ndërkombëtare.

/A.K/

Continue Reading

Lajmet

KQZ drejt përfundimit të numërimit të votave me postë, nis numërimi i votave me kusht dhe i personave me nevoja të veçanta

Published

47 minutes ago

on

June 17, 2026

By

Komisioni Qendror i Zgjedhjeve (KQZ) ka njoftuar se në Qendrën e Numërimit dhe Rezultateve po vazhdon procesi i numërimit të fletëvotimeve nga votimi jashtë Kosovës, përkatësisht votimi përmes postës, për zgjedhjet e parakohshme për Kuvendin e Kosovës.

Sipas KQZ-së, nga fillimi i procesit më 12 qershor në orën 21:00 deri më 17 qershor në orën 09:00, janë numëruar 215 nga gjithsej 223 kuti votimi, që përbëjnë 96.41 për qind të totalit. Në proces kanë mbetur edhe tetë kuti votimi, me numërimin e të cilave do të përmbyllet i gjithë procesi i votimit përmes postës.

Ndërkohë, të mërkurën në mëngjes ka nisur edhe numërimi i votave me kusht. Ky lloj votimi është realizuar në 52 vendvotime me kusht, ku janë evidentuar gjithsej 8.751 votues.

Po ashtu, ka filluar edhe numërimi i fletëvotimeve të personave me nevoja të veçanta, të cilët kanë votuar jashtë vendvotimeve përmes ekipeve lëvizëse. Për këtë kategori kanë qenë të regjistruar 3.144 votues.

KQZ rikujton se votimi përmes postës është zhvilluar nga 21 maji deri më 6 qershor 2026. Për këtë formë votimi ishin regjistruar rreth 105 mijë shtetas të Kosovës.

Procesi i vlerësimit të pakove me fletëvotime është përmbyllur më 14 qershor. Nga 85.790 pako të pranuara, janë aprovuar 82.809, ndërsa 2.981 janë refuzuar pas verifikimit.

Votimi me kusht dhe votimi i personave me nevoja të veçanta janë zhvilluar më 7 qershor. Votimi me kusht është organizuar në 38 qendra votimi, me gjithsej 52 vendvotime, ndërsa personat me nevoja të veçanta kanë votuar në adresat e tyre përmes ekipeve lëvizëse të angazhuara nga KQZ-ja.

Me përfundimin e këtyre proceseve, pritet të kompletohet numërimi i të gjitha kategorive të votave për zgjedhjet e parakohshme parlamentare.

A.K

Continue Reading

Lajmet

Dy shpërthime në Prizren, dëmtohen veturë dhe shtëpi – policia nis hetimet

Published

1 hour ago

on

June 17, 2026

By

Policia e Kosovës ka dhënë detaje lidhur me dy shpërthime që kanë ndodhur në Prizren. Rasti ka ndodhur në rrugën “Brigada 128” në Prizren, më 16.06.2026 rreth orës 03:15.

Sipas raportit policor, si pasojë e dy shpërthimeve janë dëmtuar një veturë dhe fasada e një shtëpie, pronë e dy viktimave meshkuj kosovarë.

Në vendin e ngjarjes kanë dalë njësitet përkatëse policore.

Policia nuk ka raportuar për persona të lënduar, ndërsa rasti është duke u hetuar.

/A.K/

Continue Reading

Lajmet

Tri raste të dhunës në familje në Gjakovë dhe Mitrovicë, një person në mbajtje

Published

1 hour ago

on

June 17, 2026

By

Policia e Kosovës ka raportuar tri raste të dhunës në familje gjatë ditëve të fundit në Gjakovë dhe Mitrovicë.

Rasti i parë është raportuar të martën  në Gjakovë, ku një grua ka deklaruar se ka qenë viktimë e dhunës në familje. Lidhur me rastin janë arrestuar dy persona të dyshuar, të cilët pas intervistimit dhe me vendim të prokurorit janë liruar në procedurë të rregullt.

Po në Gjakovë, një grua është sulmuar fizikisht nga bashkëjetuesi i saj pas një mosmarrëveshjeje. Viktima ka pranuar trajtim mjekësor, ndërsa i dyshuari nuk është arrestuar deri më tani. Për rastin është njoftuar prokurori dhe hetimet janë duke vazhduar.

Ndërkohë, në Mitrovicën e Jugut, policia ka arrestuar një burrë të dyshuar se ka ushtruar dhunë fizike dhe psikike ndaj bashkëshortes së tij. Ngjarja kishte ndodhur më 14 qershor, ndërsa pas ndërhyrjes së autoriteteve, i dyshuari është dërguar në mbajtje me vendim të prokurorit.

Policia ka bërë të ditur se rastet po trajtohen sipas procedurave ligjore dhe se hetimet për zbardhjen e plotë të rrethanave janë në vazhdim.

D.L

Continue Reading

Të kërkuara