OpenAI ka njoftuar për përditësimin më të ri. Prej 10 prillit, përdoruesit e këtij roboti virtual me inteligjencë artificiale kërkojnë përmbledhje të bisedave të mëparshme.

Mjafton t’i thoni “Ma kujto çka kemi folur gjatë kësaj jave”, dhe aplikacioni i OpenAI do t’i kthejë të renditura.

Kompania amerikane njoftoi se kjo do të mundësojë që roboti virtual të jetë më i personalizuar.

“Duke nisur nga dje, memoria në ChatGPT mund t’i referohet të gjitha bisedave tuaja të mëparshme, për të të ofruar përgjigje më të personalizuara. Kjo do ta bëjë më të dobishëm për ty në shkrim, marrje këshillash, mësim dhe të tjera duke u bazuar në preferencat dhe interesat e tua”, thuhet në njoftimin e OpenAI në X.

Nëse keni Windows 11, pas përditësimit të fundit të sistemit, ndoshta keni vënë re një dosje të re që është shfaqur papritur.

Pas instalimit të përditësimit të ri për Windows 11 24H2, përdoruesit kanë vënë re se në diskun ku është instaluar Windows 11 është krijuar një dosje bosh me emrin “inetpub”.

Kjo dosje është bosh e nuk kryen asnjë funksion, por shfaqja e saj mund të shkaktojë konfuzion te përdoruesit e Windows 11 që për ndonjë arsye hapin diskun dhe e vërejnë rastësisht.

Siç shpjegon faqja Windows Latest, duket se kjo ka lidhje me IIS, që është një softuer i Microsoft-it për serverë web-i, i destinuar për zhvillues. Dosja “inetpub” përdoret për të ruajtur faqet web që zhvilluesi mund t’i testojë lokalisht në kompjuterin e vet.

Nëse në këtë moment po shqetësoheni, duke menduar se përditësimi ka instaluar një paketë të plotë softuerike që nuk ju nevojitet në Windows 11 pa miratim, nuk ka nevojë për panik, se nuk është instaluar asgjë në të vërtetë, është krijuar thjesht gabimisht një dosje bosh.

Në përfundim, nuk është bërë asnjë dëm. Mund ta fshini lirshëm dosjen nëse ju pengon – nuk do të ndodhë asgjë e keqe.

Po ashtu, mund ta lini aty – sërish nuk ka asnjë pasojë.

Apple po përgatit një ridizajn të madh për iPhone për ditëlindjen e tij të 20-të, që festohet në vitin 2027.

iPhone i parë u shfaq në qershor 2007, kështu që për pak më shumë se dy vjet do të kemi një përvjetor që Apple, natyrisht, planifikon ta festojë në stilin e vet. Kjo do të thotë një dizajn i ri që mund të jetë një nga më radikalët deri më tani, transmeton Telegrafi.

Sipas informacioneve, kompania është duke punuar në një model novator, dhe risia më e dukshme është një iPhone i palosshëm. Ky model mund të debutojë në të njëjtën kohë me iPhone 19 Pro, dhe pritet të sjellë një drejtim të ri në filozofinë e dizajnit të kompanisë.

Me sa duket, pajisja do të ketë dukshëm më shumë sipërfaqe xhami, gjë që sugjeron ose një trup tërësisht prej xhami, ose ndoshta edhe një ekran që mbështillet rreth trupit të pajisjes, në stilin e konceptit Xiaomi Mix Alpha.

Ideja e një iPhone prej xhami nuk është e re – në vitin 2017, atëherë shefi i dizajnëve Jony Ive ëndërroi për një pajisje të bërë nga një copë xhami e vetme, pa asnjë thyerje në dizajn.

Ky koncept nuk u prodhuar kurrë, por duket se Apple më në fund ka teknologjinë dhe kushtet e tregut për të provuar ta realizojë atë.

Përveç planeve afatgjata për vitin 2027, Gurman sjell edhe informacione nga Apple për modelet e fundit. IPhone 17 Pro, i cili vjen më 2025, humbë mbrapa dyngjyrëshen që treguan renderet e hershme, Apple ruan përfundimin njëngjyrësh që kanë modelet aktuale të serisë 16 Pro.

Për më tepër, modulet e kamerës do të vendosen në një “ishull” dukshëm më të madh që përfshin të gjithë gjerësinë e pjesës së pasme, e cila jo vetëm që ndryshon pamjen, por gjithashtu lejon performancë më të mirë të kamerës.