Aktualitet

Teoria që fshihet pas filmit të animuar “Në kërkim të Nemos”

Në rrjet po qarkullon një teori për “Në kërkim të Nemos” dhe duhet thënë që nuk është aspak, aspak e bukur.

Published

5 years ago

June 15, 2021

Betim Gashi

Në podkastin “Just the nobodies”, prezantuesit u shprehën se mendojnë që personazhi i Nemos në fakt nuk ka ekzistuar në të vërtetë. Sipas tyre, Marlin, babai i Nemos, thjesht e imagjinon ekzistencën e të birit si një mënyrë për të përballuar humbjen e gruas dhe fëmijëve të tyre.

Duket si qesharake, por ata mendojnë se teoria është e bazuar. Fjala “nemo” në latinisht do të thotë “askush”, shpjeguan ata. “Kështu që Disney po i tregon audiencës se kemi një film që titullohet ‘Në kërkim të Nemos’, por në fakt është ‘Në kërkim të askujt’, pasi Nemo nuk ekziston.”

Sipas tyre, tani ka kuptim pse Marlin shoqërohet me Dory-n, e cila vuan nga humbja e kujtesës. “Kjo është arsyeja pse Dory është një shoqe e mirë për Marlin: sepse ajo ka kujtesë afatshkurtër dhe nuk mund të kujtojë se Nemo nuk ekziston.”

Fill pas kësaj, disa njerëz në TikTok duket se e përqafuan teorinë. Sipas tyre, “peshqit-klloun vrasin njëri-tjetrin. Pra, sipas teorisë, Marlin vrau djalin dhe nënën dhe e shpreh hidhërimin duke imagjinuar.

Të tjerë njerëz thjesht nuk pajtohen me teorinë e errët. Fakti që Nemo ndërvepron me personazhe të tjerë, e bën teorinë të pakuptimtë.

Kronikë e zezë

Malishevë: Familjarët dërgojnë një burrë në QKMF, konfirmohet vdekja

Published

27 seconds ago

May 26, 2026

UBTNews

Një burrë pa shenja jete në Malishevë është dërguar nga familjarët në QKMF Malishevë.

Sipas mjekut kompetent, ai ka qenë tashmë pa shenja jete në momentin e mbërritjes.

Me vendim të prokurorit, trupi i pajetë është dërguar në Instituti i Mjekësisë Ligjore për obduksion, ndërsa rasti është hapur si “hetim i vdekjes” nga Policia e Kosovës.

Lajmet

Të enjten në UBT, promovohet libri “Rezistenca e Materialeve – 2” nga Prof. Ass. Dr. Naser R. Morina

Published

7 minutes ago

May 26, 2026

UBTNews

Profesori universitar, Prof. Ass. Dr. Naser R. Morina, do të promovojë librin e tij më të ri “Rezistenca e Materialeve – 2”, një botim akademik i dedikuar studentëve, inxhinierëve dhe profesionistëve të fushës së ndërtimtarisë.

Libri paraqet vazhdimësi të angazhimit akademik dhe profesional të autorit, me fokus në pasurimin e literaturës universitare dhe avancimin e dijes në fushën e Rezistencës së Materialeve, duke ofruar përmbajtje të rëndësishme teorike dhe praktike për studentët dhe profesionistët e inxhinierisë.

Në promovim do të marrë pjesë edhe Rektori i UBT, Prof. Dr. Edmond Hajrizi, së bashku me akademikë, studentë dhe dashamirë të librit.

Ngjarja do të mbahet të enjten, më 28 maj 2026, duke filluar nga ora 13:00, në Kampusin e UBT-së në Lipjan. Autori ka ftuar të gjithë kolegët, studentët dhe të interesuarit e fushës që të bëhen pjesë e këtij promovimi akademik dhe profesional.

Lajmet

Ndalohet në Kllokot një person për transport ilegal të deleve

Published

10 minutes ago

May 26, 2026

UBTNews

Në Policia e Kosovës është raportuar një rast i transportimit ilegal të kafshëve në Kllokot.

Sipas policisë, është ndaluar një i dyshuar i cili po transportonte me traktor dele, për të cilat nuk posedonte dokumentacionin përkatës.

Pas intervistimit, me vendim të prokurorit, i dyshuari është liruar në procedurë të rregullt, ndërsa janë liruar edhe traktori dhe kafshët.

Lajmet

Katër raste dhune në familje, disa të arrestuar në Kosovë

Published

14 minutes ago

May 26, 2026

UBTNews

Brenda një dite në Policia e Kosovës janë regjistruar katër raste të dhunës në familje. Rastet janë raportuar në Drenas, Obiliq, Lipjan dhe Gjakovë.

Në rastin e parë në Drenas është arrestuar një burrë pasi dyshohet se ka sulmuar bashkëshorten e tij, ndërsa gjatë kontrollit policia i ka gjetur dhe konfiskuar një pistoletë me 25 fishekë. Me vendim të prokurorit, pas intervistimit, i dyshuari është dërguar në mbajtje.

Një tjetër rast i dhunës në familje është raportuar në Obiliq, ku sipas policisë, pas një mosmarrëveshjeje një grua është sulmuar fizikisht nga një burrë. Palët janë intervistuar dhe me vendim të prokurorit janë liruar në procedurë të rregullt.

Ndërkaq, në Lipjan policia ka njoftuar se pas një mosmarrëveshjeje një grua dyshohet se ka sulmuar fizikisht viktimën, e cila ka pranuar tretman mjekësor. Pas intervistimit, me urdhër të prokurorit, palët janë liruar në procedurë të rregullt.

Rasti i katërt është regjistruar në Gjakovë, ku është arrestuar një burrë i dyshuar se ka sulmuar fizikisht një grua. Sipas policisë, nuk janë raportuar lëndime trupore, ndërsa pas intervistimit i dyshuari është liruar në procedurë të rregullt me vendim të prokurorit.