Kremlini e ka akuzuar presidentin e SHBA-së, Joe Biden, për hedhje të benzinës në zjarr dhe përpjekje për të përshkallëzuar konfliktin në Ukrainë pas heqjes së kufizimeve për armët me rreze të gjatë veprimi.

Deklaratat e zëdhënësit të Kremlinit, Dmitry Peskov, më 18 nëntor, pasojnë raportimet se Biden i ka dhënë Ukrainës leje për të përdorur armë amerikane për të goditur më thellë brenda territorit rus.

Ky zhvillim ndodhi pas muajsh të tërë lobimi nga zyrtarë ukrainas, përfshirë presidentin Volodymyr Zelensky, që shtetet perëndimore t’ia japin dritën e gjelbër Kievit për t’i përdorur armët e dhuruara me kapacitet të plotë për të goditur caqe jashtë rrezes aktuale.

Deri tani, Shtetet e Bashkuara, së bashku me shtetet e tjera të NATO-s, kanë vendosur një kufi mbi distancën që raketat amerikane mund të godasin brenda territorit rus.

Peskov tha se një hap drejt ndryshimit të këtij kufiri, i cili nuk është konfirmuar zyrtarisht nga Uashingtoni, do të hapte një raund të ri tensionesh dhe do të thellonte përfshirjen e Shteteve të Bashkuara në luftën e Rusisë në Ukrainë.

“Është e qartë se administrata në largim në Uashington synon të ndërmarrë hapa për të vazhduar ndezjen e zjarrit dhe provokimin e një përshkallëzimi të mëtejshëm të tensioneve”, tha Peskov.

Presidenti rus, Vladimir Putin, në shtator e paralajmëroi Perëndimin se Rusia mund të përgjigjet me armë bërthamore nëse sulmohet me raketa konvencionale dhe se Moska do ta konsideronte çdo sulm të mbështetur nga një fuqi bërthamore si një sulm të përbashkët.

Parlamentari rus, Leonid Slutsky, tha se një veprim i tillë do të çonte në përshkallëzim.

“Goditjet e raketave amerikane në thellësi të territorit rus do të çojnë në mënyrë të pashmangshme në një përshkallëzim të madh që rrezikon të ketë pasoja shumë më serioze“, tha Slutsky, kryetar i Komisionit të Punëve të Jashtme të Dumës Shtetërore, në një intervistë për agjencinë shtetërore të lajmeve TASS.

Armatimi ka të ngjarë të përdoret si përgjigje ndaj vendimit të Koresë së Veriut për të dërguar mijëra ushtarë për të mbështetur Rusinë në rajonin Kursk, ku Ukraina ndërmori një inkursion ushtarak gjatë verës. Raportimet kanë sugjeruar se Ukraina do të jetë ende e kufizuar në goditjen e atij rajoni jugperëndimor të Rusisë.

Ky hap, gjithashtu, hap rrugën për Mbretërinë e Bashkuar dhe Francën që të ndjekin shembullin, duke i mundësuar potencialisht Ukrainës që t’i japë Rusisë një goditje në një moment kritik të luftës. Ukraina po kërkon të ruajë fitimet territoriale në rajonin Kursk të Rusisë, të cilat mund të jenë vendimtare për çdo negociatë të ardhshme.

Megjithatë, reagimi i Zelenskyt ndaj lajmit ishte disi i rezervuar.

“Sot, shumë po flitet në media për marrjen e lejes për veprime të caktuara. Por, goditjet nuk bëhen me fjalë. Gjëra të tilla nuk shpallen. Raketat do të flasin vetë“, tha Zelenskiy në adresimin e tij të përnatshëm me video.

Ndërkohë, aleatët evropianë të Kievit kanë reaguar pozitivisht ndaj lajmit.
Presidenti polak, Andrzej Duda, tha se veprimi i Bidenit mund të jetë një moment vendimtar në luftë.

“Ky vendim ishte shumë i nevojshëm… Rusia po sheh se Ukraina gëzon mbështetje të fortë dhe se pozicioni i Perëndimit është i palëkundur dhe i vendosur. Është një moment shumë i rëndësishëm, potencialisht vendimtar në këtë luftë“, tha Duda për gazetarët.

Kryeministri i Kosovës, Albin Kurti ka deklaruar se me qeverisjen e tij dhe masat që kanë ndërmarrë si ekzekutiv korrupsioni nuk listohet si një ndër problemet më të mëdha të pushtetit siç ishte gjatë kohës së qeverisjeve paraprake.

Ai madje tha se deri në fund të këtij viti Kosova do ta ketë edhe Strategjinë Kundër Korrupsion.

Këto komente shefi i ekzekutivit kosovar i bëri në Konferencën Rajonale “Praktikat më të Mira për Parandalimin e Korrupsionit – nga Politika në Veprim Rajonal për Parandalimin e Korrupsionit”, të organizuar nga Programi i Kombeve të Bashkuara për Zhvillim-UNDP.

Kurti tha se korrupsioni endemik e sistematik që shtrihej në tërë institucione publike me qeverisjen e tij është ndaluar.

Ai tha se gjatë qeverisjeve të kaluara korrupsioni ishte i struktura duke filluar nga institucionet më të të larta vendore.

“Këto tashmë i kemi ndalur, këto më nuk do të kthehen dhe ajo epokë e zymtë për Kosovën ka përfunduar. Pas vetëm një qeverisje të suksesshme u patëm e rritur në 20 numra në indeksin e performancës….tani më korrupsioni nuk listohet si një ndër problemet më të mëdha të pushtetit siç ishte gjatë kohës së qeverisjeve paraprake….kemi liruar veriun e vendit tonë nga bandat kriminale të cilat mbështeteshin dhe financoheshin e dirigjoheshin nga pushteti serb dhe terrori mbi qytetarët ka marr fund. E kemi hapur veriun për zhvillim ekonomik përmes hapjes së bizneseve të reja”, tha ai.

Sipas shefi të ekzekutivit kosovar me hyrjen në fuqi t Byros për Konfiskimin dhe Verifikimin e Parusisë së Pajustifikueshme përgjegjësi do të japin ata që janë pasuruar në dëm të popullit.

Edhe nga kjo tryezë, kryeministri Kurti shprehu pakënaqësitë e tij për punon e sistemit prokurorial dhe gjyqësor në Kosovës.

“Për fat të keq e në dëm të shtetit të Kosovës, sistemi gjyqësor dhe prokurorial nuk mund të zhvillohet me hapat e zhvillimit me të cilët po ecë Qeveria e Kosovës dhe shteti ynë demokratikë. Ende ballafaqohemi me hetime jo efikase, aktakuza të dobëta, aktgjykime liruese kundrejt krimit e për më keq dënime të buta ndaj dhunuesve dhe kriminelëve…ne duam gjyqësor të pavarur e profesional dhe prokurori të ndershme e aktive, por pavarësia nuk nënkupton mungesë të llogaridhënies, gjyqësori nuk është i pavarur nga shteti , është i pavarur nga shtyllat tjera të pushtetit”, tha ai.

Deri tani Kosova nuk ka strategji kundër korrupsion, por kryeministri i Kosovës, Albin Kurti tha se deri në fund të vitit do ta kemi një dokument të tillë i cili parasheh edhe digjitalizimin.

“ Digjitalizimi siguron transparencën e proceseve, llogaridhënien e zyrtarëve, por gjithashtu edhe cilësinë e shërbimeve. Nëpërmjet digjitalizimit ne arrijmë objektivitet në sistem ashtu që për vepra përafërsisht të njëjta në kontekste përafërsisht të ngjashme nuk do të kemi gjykime të ndryshme e ndëshkime edhe më të ndryshme…Edhe Kosova do t’i digjitalizoj shërbimet për qëllim të transaprencës së plotë. Me miratimin e strategjisë shtetërore kundër korrupsion deri në fund të vitit do të nisim së bashku këtë mision reformë themelore në gjyqësor e prokurim publik përmes digjitalizimit dhe transparencës për efikasitet dhe llogaridhënie”, tha ai.

Ministrja e Shtetit për Administratën Publike dhe Antikorrupsion, Adea Pirdeni u shpreh se luftimi i korrupsionit për qeverinë shqiptare është prioritet.

Ministrja Pirden tha se reforma në sistemin e drejtësisë dhe posaçërisht krijimi i Prokurorisë së Posaçme ka dhënë rezultatet e saj në luftimin e korrupsionit.

“Pavarësisht se një vend i vogël ka dhënë një shembull të qenësishëm të nisur 9 vite më parë kur Shqipëria për herë të parë ndërmori një reformë radikale në sistemin e drejtësisë për të targetuar korrupsionin endemik në gjyqësor, dhe qëllimi ishte të rikthehej besimi I qytetarëve në sistemin e drejtësisë përmes një sistemi transparent dhe llogaridhënës dhe mbi të gjitha të pavarura nga politika….Jemi sot shumë entuziastë në saje të rezultateve të kësaj reforme sot kemi dëshmi të qarta jo vetëm të seriozitetit të mënyrën se si është zhvilluar kjo reformë por mbi të gjitha dhe për faktin se kjo reformë vendosi themelet për herë të parë në Shqipëri të një gjyqësori të pavarur. Dhe kur flasim për gjyqësorin nuk mund të lëmë jashtë këtu një nga iniciativat më të rëndësishme sikurse ishte krijimi për herë të parë e një prokurorie të posaçme për krimin e organizuar dhe korrupsionit.. Që nga krijimi I këtij institucioni në 2019 në kohë të shkurtër në më pak se 5 vite sot ky institucion ka mund të krijoj një trak rekord të qenësishëm të luftës kundër korrupsionit në Shqipëri, të krimit të organizuar. Sot koncepti i pandëshkueshmërisë është i shembur”, theksoi ai.

Ushtruesi i detyrës së Koordinatorit të Kombeve të Bashkuara për Zhvillim, Nuno Queiros theksoi se për Kombet e Bashkuara luftimi i korrupsionin është prioritet.

Sipas tij, ekzistenca e korrupsionit pengon në arritjen e qëllimeve të përbashkëta për paqe, siguri dhe zhvillim të qëndrueshëm.

“Për Kombet e Bashkuara luftimi kundër korrupsionit është prioritet, është ekzistenca e tij që është pengesë në arritjen e qëllimeve të përbashkëta të paqen dhe sigurisë dhe të drejtave të njeriut dhe zhvillimet të vazhdueshëm…Kombet e bashkuara e kanë bërë të qartë nëse nuk ia dalim ta luftojmë me sukses korrupsionin atëherë do të kemi problem t’ia arrijmë qëllimet tona. Vitin e kaluar në vitin 2023 një ditë shënuese është përdorur në Samitin që ka kërkuar që të përshpejtohen luftimet globale kundër korrupsionit duke përfshirë e dhe obligimet për të parandaluar dhe luftuar korrupsionin”, tha ai.

Kosova do ta zhvillojë sonte ndeshjen e fundit në Ligën e Kombeve dhe përballë do ta ketë Lituaninë në stadiumin “Fadil Vokrri” në Prishtinë me fillim nga ora 20:45.

Mbështetja nga tifozët në tribina për dardanët do të jetë e madhe pasi një numër i madh i biletave janë shitur për këtë ballafaqim.

Pak orë para ndeshjes, kreu u tifogrupit “Dardanët”, Lulzim Berisha ka lëshuar një paralajmërim në rrjetet sociale duke thënë se sonte do të kuptohet vlera që ata kanë.

“Sonte e kuptoni sa vlejmë, çka përfaqësojmë si Dardanë dhe çfarë vlerash ruajmë. Nuk ndalemi! Për Kosovën e me Kosovën, gjithmonë”, ka shkruar Berisha.