Lajmet
Tensione në Kuvend, LVV lëshoi sallën
Tensione më të mëdha pati mes deputetëve të LVV-së dhe atyre të LDK-së.
Published
2 years agoon
By
Betim GashiPartia në pushtet, Lëvizja Vetëvendosje dhe partitë opozitare janë përplasur sot në Kuvendin e Kosovës, gjatë seancës së jashtëzakonshme në lidhje me nënshkrimin e kontratave njëburimore të gjatë qeverisë Kurti. Tensione më të mëdha pati mes deputetëve të LVV-së dhe atyre të LDK-së, pas të cilave mazhoranca edhe lëshoi sallën plenare.
Duke iu kundërpërgjigjur kritikave të opozitës, ministri i Mjedisit, Planifikimit Hapësinor dhe Infrastrukturës, Liburn Aliu, tha se nuk e di pse është ftuar në këtë seancë, pasi asgjë nuk ka të bëjë me atë.
“Unë nuk jam duke e ditur pse më keni thirr mua, krejt çka u fol qetu nuk ka të bëjë me mua. Deputetja që e ka thirr seancën e filloi fjalimin e saj dhe përfundoi dhe në rastin kur duhej të fliste për Ministrin e Mjedisit, Planifikimit Hapësinor dhe Infrastrukturës për vitin 2021, tha 10 milionë, por që realisht është 1 milion. Për me arsyetua pse më kanë thirr mua, thanë që kur vjen puna te Ministria e Mjedisit, Planifikimit Hapësinor dhe Infrastrukturës tha 10 milionë…Kur bie fjala në Raportin për Kosovën thuhet 78 milionë euro për krejt qeverinë. Në këtë 78 milionë u përmend KEK-u me 69 milionë, kujt po i drejtoheni mua. Nuk di çka me të thënë për atë punë, për këtë është dashur të thirret dikush tjetër. Pse ju më drejtoni seancën mua kur për vitin 2023 unë i kam më pak se 1 milion. Tjetra po flasim për vitin 2021, sa kontrata njëburimore, një. Unë po e kuptoj nevojën për spektakël”, tha ai.
Por shefi i Grupit Parlamentar të LDK-së, Arben Gashi, tha se në ftesën e kësaj seance nuk ka qenë e specifikuar thirrja e ministrit Aliu, pasi kontratat njëburimore ka në të gjitha institucionet.
“I nderuar ministër, po më doket nuk e ke lexua materialin që është thirr kjo seancë ose ju kanë qitë totalisht në lajthitje. Ne nuk të kemi ftuar ty në raportim. Kjo është seancë e jashtëzakonshme në lidhje me kontratat njëburimore të dhëna nga të gjitha institucionet e Kosovës të karakterit nacional. S’ka të bëjë kjo veç me ministrin që udhëheq, por e para është KEK, pastaj edhe vjen Ministria e Punëve të Brendshme”, tha ai.
Atij i reagoi shefja e Grupit Parlamentar të LVV-së, Mimoza Kusari-Lila, duke e konsideruar këtë debat qesharak dhe pa asnjë kuptim. Ajo përmendi edhe rastin e Komunës së Prishtinës, që sipas mbi 10 për qind e buxhetit të vitit 2023 ka shkuar në kontratat njëburimore.
“Zyra Kombëtare e Auditimit i ka nxjerr gjetjet, gjatë të cilave deputetja Barajliu iu lexoj gjetjet për mangësitë në projekte të nënshkruara gjatë qeverisjes PAN. Ju në mungesë të forcës ose guximit me u ballafaqua me të bëmat e juaja filluat të bëni zhurmë. Kur ministri po iu lexon për qindjen e kontratave njëburimore në nivelin komunal na thoni jo se kemi ftuar seancën për nivelin qendror…Mos me mujt me durua që keni publiku tender për rrugë pa elaborat të shpronësimit, pa kosto të rrugës, pa projekt, pa ura të përfshira. A e dinë qytetarët këtë? A e dinë se rruga Dollc-Gjakovë dhe Prishtinë-Gjilan nuk e kanë përfshirë koston e urave. Çka bëjmë aty, fluturojmë. Ky debat është qesharak dhe në të vërtet nuk ka asnjë kuptim…Komuna e Prishtinës ka vazhduar me kontrata njëburimore edhe në vitin 2022 me 6.7 për qind, ndërsa në vitin 2023 nga totali i kapitaleve në buxhetin e saj Komuna e Prishtinës 10.5 për qind të buxhetit të saj e ka dhënë në kontrata njëburimore”, tha Kusari-Lila.
Ndërkaq në deklarimin e tij, deputeti, njëherësh kryetari i AAK-së, Ramush Haradinaj, tha se fenomeni i kontratave njëburimore e turpëron pushtetin.
“Mund të arsyetohet ndonjë kontratë njëburimore në ndonjë situatë të caktuar, por fenomeni i kontratave njëburimore ju turpëron dhe iu marron. Nuk mundeni me i ikë kësaj, ju vjen era”, tha ai.
Më e ashpër në deklarimin e saj u shpreh deputetja e LDK-së, Hykmete Bajrami, e cila i quajti edhe hajna kabinetin qeveritar dhe mazhorancën.
“Ai ministri që iku këtu dhe që mundohet të tregohet i pastër. A dini kur ia ka ndërruar vendin drejtorit të Prokurimit, kur Thesari Amerikan e ka shti në listën e zezë. Këta jeni ju, atë “babën e tenderëve” që e quanin në qeverisjen PAN. Ky është ministri i cili në Ministrin e tij nënshkruan dy veta tendera, është Liburn Aliu dhe Hysen Durmishi. Për shkak se kanë me nda tallin apo se jo për najsen tjetër”, theksoi ajo.
Mirëpo, deputeti i LVV-së, Halil Thaçi, i tha deputetes Bajrami se edhe ajo sa ka qenë ministre ka nënshkruar kontrata njëburimore.
“Këtyre po iu dhemb pak se kemi informacione ne. Ka ditë që zonja Bajrami ka ditë e ka filluar këtë propagandë mbi qeverinë Kurti. Madje ka pasur raste që zonja Bajrami ka pohuar se në kohën sa ishte ministre nuk ka lejuar dhe nuk nënshkruar asnjë kontratë njëburimore. Por unë po i përmendi vetëm katër. T’i shurdhues ulu nuk ki nevojë me bërë zhurmë. Kontratat janë: Mirëmbajta e regjistrimit të bizneseve në vitin 2014, riparimi i objektit të jashtëm të MINT, ofrimi i shërbimeve të laboratorit të termometrisë dhe lagështisë”, tha ajo.
Mirëpo këtë e mohoi deputetja Bajrami duke e quajtur gënjeshtar Thaçin.
“Zotëri Thaçi mos e shfrytëzo këtë kuvend për të gënjyer sepse të gjitha që i the janë gënjeshtra. Asnjë tender nuk është në shkruar më 2014, më 2015 është një tender 2100 euro unë nuk e kam nënshkruar, më 2016 është një tender nuk e kam nënshkruar, ke gënjyer nuk e kam nënshkruar. Po gënjen”, i ka thënë ajo ndërkohë ka lëshuar ulësen e saj në Kuvend për t’i shkuar afër Thaçit, që të nxiti tensionim në Kuvend.
Pas kësaj situate, shefja e Grupit Parlamentar të LVV-së, Mimoza Kusari-Lila, tha se kjo seancë nuk ka kuptim më dhe pas këtyre sharjeve dhe ofendimeve nuk mund të qëndrojnë më në sallë.
“Edhe sikur kjo seancë të kishte ndonjë kuptim, tashmë e humbi krejt për arsye se prej fillimit kur e kanë vendosur kërkesën dhe deri te debati për fyerje dhe ofendime. Prej foltores deputetja që e ka nënshkruar thirrjen për këtë seancë na shau hajna shpifës, të korruptuar. Nëse jemi të gjitha ato të mësipërm sipas deklarimit të saj, atëherë ky institucion nuk është vendi. Dihet ku është vendi ku duhet t’i dërgojnë…Nëse nuk dëshirojnë të ballafaqohen me fakte ne se cili po shahet edhe fyhet më shumë nuk jemi. Prandaj në emër të Grupit Parlamentar të LVV-së e lëshojmë këtë seancë dhe nuk kemi asnjë arsye me vazhdua”, tha ajo.
Mirëpo në sallën plenare qëndruan dy deputetë të LVV-së, Visar Korenica dhe Eman Rrahmani.
You may like
Lajmet
Arrestime në Fushë Kosovë dhe Ferizaj për posedim dhe shitje të narkotikëve
Published
6 minutes agoon
October 29, 2025By
UBT News
Policia e Kosovës ka bërë të ditur se ka arrestuar katër shtetas të Turiqsë në Fushë Kosovë.
Të njëjtit dyshohen për posedim dhe shitje të narkotikëve teksa gjatë bastisjes siç bën të ditur Policia ka sekuestuar 1,482 gramë substancë narkotike të llojit marihuanë.
“Janë arrestuar katër të dyshuar meshkuj shtetas të Turqisë, pasi që gjatë kontrollit të vendbanimeve të tyre janë gjetur dhe sekuestruar 1482 gram substancë narkotike e llojit marihuanë, 590€, 8 telefona mobil, një automjet (fugon), një laptop, si dhe disa gjësende të tjera që lidhen me rastin. Me vendim të prokurorit të dyshuarit janë dërguar në mbajtje”, thuhet në raportin 24-orësh të Policisë.
Ferizaj
Edhe në Ferizaj, dy persona janë arrestuar pasi që gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.
Policia gjeti edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin. Me vendim të prokurorit të dyshuarit janë dërguar në mbajtje./S.K/PK/
Lajmet
Gjenden eshtra në Veri, dyshohet se i përkasin luftës së fundit
Published
9 minutes agoon
October 29, 2025By
UBT News
Disa mbetje eshtrore janë gjetur në veri të Mitrovicës, të cilët dyshohet se i përkasin luftës së fundit në Kosovë kanë thënë njësitet policore të Departamentit për Hetimin e Krimeve të Luftës.
Rasti ka ndodhur derisa një familje e cila po gërmonte te një varr për një familjar të tyre, ka hasur në një batanije.
Njësitet policore të Departamentit për Hetimin e Krimeve të Luftës në koordinim me Institutin e Mjekësisë Ligjore dhe Komisionin Qeveritar për Persona të Zhdukur, kanë dalë në vendin e ngjarjes.
Mbetjet eshtërore janë tërhequr nga IML-ja për ekzaminime të mëtejshme, thuhet në njoftimin e policisë.
Lidhur me rastin është informuar edhe prokurori./S.K/EO/
Nxënësit e bankave shkollore në Kosovë për pak ditë do të shkëputen nga mësimi sepse nga sot ata janë në pushimin vjetor të paraparë me ligj.
Ndërkaq, sipas kalendarit zyrtarit, mësimi do të nisë sërish të hënën më datë 3 nëntor.
Njoftim
Sipas Kalendarit Zyrtar të Vitit Shkollor 2025/2026, pushimi vjeshtor për nxënësit e shkollave të Kosovës do të zgjasë nga data 29 tetor deri më 31 tetor 2025. Ky pushim tre-ditor u jep nxënësve një periudhë të shkurtër relaksi para se të vazhdojnë me pjesën e dytë të gjysmëvjetorit të parë. Pas përfundimit të pushimit, procesi mësimor do të rifillojë të hënën, më 3 nëntor 2025, në të gjitha institucionet arsimore të vendit.
/S.K/EO/
Lajmet
Kurti nga Franca: Kosova ka luftuar korrupsionin dhe ka shënuar rritje të qëndrueshme ekonomike
Published
2 hours agoon
October 29, 2025By
UBT News
E përditësuar:
10:45
Në kryeqytetin e Francës, në Paris, Kryeministri në detyrë i Republikës së Kosovës, Albin Kurti, mori pjesë në diskutimin e organizuar nga Instituti francez, Jacques Delors e ku u prit nga Drejtorja e Institutit, Sylvie Mattelly.
Nga zyra e kryeministrisë thonë se tema kryesore e diskutimit ishte situata gjeopolitike në Evropë dhe ndikimi i Ballkanit Perëndimor.
Tema tjera të diskutimit ishin mbrojtja, të drejtat e njeriut, përfshirë ato të pakicave, si dhe zhvillimet e fundit në vend.
I pranishëm në këtë tryezë ishte edhe i Dërguari i Posaçëm i Ministrisë së Punëve të Jashtme të Francës për Ballkanin Perëndimor, René Troccaz.
“Në fjalën hyrëse të tij, ai theksoi se po jetojmë në një kohë kur Evropa është e begatë, dhe në të njëjtën kohë thellësisht e sfiduar, duke shtuar se aftësia jonë për të planifikuar në terme afatgjate vazhdimisht po vihet në hije nga realitete të menjëhershme gjeopolitike. Për dekada, jemi udhëhequr nga dëshira për homeostazë, por ky më nuk është realiteti ynë, tha më tej. “Sistemet që lulëzojnë, qofshin ato institucione, organizata apo shoqëri, evoluojnë përmes cikleve të rendit, çrregullimit dhe rirregullimit, dhe për Evropën, ky ekuilibër i ri kërkon një qëndrim të qartë kundër autoritarizmit dhe përfshirje e qartë e atyre vendeve që mbështesin demokracinë”, citohet të ketë thënë Kurti.
Kurti është shprehur edhe se që prej shpalljes së pavarësisë në 2008-ën me mbështetje ndërkombëtare Kosova ka krijuar institucione të forta demokratike.
Ai është ndalur edhe te qeverisja e tij, e ku thekson se është luftuar korrupsionu dhe është shënuar rritje e qëndrueshme ekonomike./S.K/EO/
08:40
Sot fillon Forumi i Paqes të Parisit, ngjarja ndërkombëtare vjetore që mbahet në Paris, e krijuar për të promovuar bashkëpunimin global dhe qeverisjen shumëpalëshe përballë sfidave botërore.
Kryeministri në detyrë i Republikës së Kosovës, Albin Kurti, ka udhëtuar dje për në kryeqytetin e Francës, ku do të marrë pjesë në këtë forum me ftesë të Presidentit francez, Emmanuel Macron.
Gjatë qëndrimit në Paris, krahas pjesëmarrjes në Forumin e Paqes, kryeministri Kurti do të zhvillojë takime bilaterale në margjina të Forumit.
Ndërkaq, mbrëmë Kurti ishte i ftuar nderi në darkën e shtruar nga Qarku diplomatik i Parisit./S.K/EO/
Quentin Tarantino lë regjinë për t’u rikthyer si aktor
Arrestime në Fushë Kosovë dhe Ferizaj për posedim dhe shitje të narkotikëve
Gjenden eshtra në Veri, dyshohet se i përkasin luftës së fundit
Sekreti për geta që nuk grisen, dy truke që duhet t’i provoni
Nga sot nis pushimi vjeshtor 2025/26
Rrjedhja masive e të dhënave, 183 milionë llogari Gmail në rrezik
Meghan Markle e lënduar nga Victoria Beckham! Çfarë ndodhi mes tyre?
Kurti nga Franca: Kosova ka luftuar korrupsionin dhe ka shënuar rritje të qëndrueshme ekonomike
Tri duele të zjarrta sot në Superligë
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet6 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
