Aktualitet

Temperaturat në Grenlandë 20 deri 30 gradë mbi mesataren

Në Arktik, ngrohja është tri herë më shpejt se kudo në botë.

Published

on

Në Grenlandë, në ditët e fundit janë regjistruar temperaturat prej 20 deri në 30 gradë mbi mesataren për këtë periudhë të vitit dhe kanë qenë pozitive në shumë pjesë të territorit të gjerë të Arktikut, njoftoi sot Instituti Meteorologjik Danez (DMI).

Në kryeqytetin Nuuk më 20 dhjetor, temperatura ishte 13 gradë Celsius dhe në këtë kohë të vitit temperatura mesatare është minus 5.3 gradë Celsius.

Për më tepër, në Qaanaaqu, në veri, merkuri është ngjitur në 8.3 gradë Celsius, ndërsa temperatura e zakonshme për këtë periudhë është minus 20.1 gradë Celsius.

“Një nga arsyet e temperaturave të ngritura është fenomeni meteorologjik ‘fen’, një erë e ngrohtë që fryn mjaft shpesh në Grenlandë”, shpjegon klimatologia e DMI, Caroline Drost Jensen.

Megjithatë, ky nuk është një precedent, sepse nuk janë thyer as rekordet absolute dhe as rekordet e tridhjetë vjetëve të fundit për muajin dhjetor. Në Arktik, ngrohja është tri herë më shpejt se kudo në botë.

“Ngrohja globale planetare nënkupton temperatura të ngritura siç shohim tani në Grenlandë, dhe ato janë përgjithësisht më të larta se në të kaluarën”, tha klimatologu Drost Jensen.

Gjatë verës, një valë e nxehtë me temperatura që ishin mbi dhjetë gradë më të larta se zakonisht për sezonin shkaktoi një episod të shkrirjes “masive” të akullit në Grenlandë.

Në atë kohë, çdo ditë regjistroheshin humbje prej tetë miliardë tonësh akull, që është dyfishi i ritmit mesatar për periudhën e verës.

Më 14 gusht ka rënë edhe shi në majën e pikës më të lartë në Grenlandë (3216 metra), e cila nuk kishte ndodhur kurrë më parë.

Continue Reading

Aktualitet

Aksident trafiku në Klinë të Ulët, një e vdekur dhe katër të lënduar

Published

on

Një aksident trafiku ndodhi sot në rrugën rajonale Mitrovicë – Skenderaj, pikërisht në fshatin Klinë e Ulët.

Policia e Kosovës njoftoi se në aksident u përfshinë dy vetura, ku si pasojë e lëndimeve të pësuara humbi jetën viktima një femër rreth 65 vjeçare, ndërsa u lënduan edhe katër persona të tjerë, të cilët u dërguan për mjekim në Spitalin Rajonal të Mitrovicës.

Continue Reading

Aktualitet

Punëtorët e KEK-ut protestojnë më 1 maj

Published

on

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Continue Reading

Aktualitet

Zhduket një person në Shtime

Published

on

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është  larguar nga shtëpia dhe nuk është kthyer më.

Rasti vazhdon të hetohet.

Continue Reading

Aktualitet

Parashikimi i motit për ditën e fundit të prillit

Published

on

Sipas parashikimit të motit për sot, ditë e mërkurë do të mbajë mot pjesërisht i kthjellët.

Nuk mungojnë rrezet e diellit, por në viset malore ka mundësi që të ketë shi.

Temperaturat do të lëvizin nga 9 deri në 19°C. /UBT News/

Continue Reading

Të kërkuara