Teknologji

Të tjerë “mbështjellës” për serinë iPhone 17 rrjedhin përpara ngjarjes së 9 shtatorit

Published

on

Apple ka konfirmuar zyrtarisht një ngjarje lansimi për 9 shtator, ku kompania pritet të zbulojë iPhone 17, iPhone 17 Air, iPhone 17 Pro dhe iPhone 17 Pro Max.

Ndërsa presim njoftimin, një informator ka ndarë “mbështjellës” të rinj për linjën iPhone 17.

Evan Blass, ka përdorur X për të ndarë “mbështjellësit” për iPhone 17 nga marka e njohur Urban Armor Gear (UAG).

Ato tregojnë dizajnin e kamerës së pasme për modelet iPhone 17 Air dhe Pro.

Pritet që iPhone 17 të duket shumë i ngjashëm me iPhone 16 që po del në treg, ndërsa 17 Pro dhe 17 Pro Max do të kenë një modul të ridizajnuar të kamerës së pasme. Ato tregojnë edhe “prerjet për butonin e Veprimit, si dhe Kontrollin e Kamerës”.

 

Automobilizëm elektrikë

Fordi zhvendos selinë kryesore për herë të parë pas 70 vitesh

Published

on

Prodhuesi amerikan i automjeteve Ford do të zhvendosë për herë të parë pas shtatë dekadash selinë e tij kryesore në një objekt të ri, vetëm pesë kilometra larg selisë aktuale në Dearborn, Michigan.

Ndërtesa e re, me sipërfaqe prej 195,096 metrash katrorë, pritet të hapet në nëntor dhe do të mbajë emrin “Selia Botërore e Fordit”.

Selia aktuale në Dearborn, e hapur në vitin 1956, ka qenë vendi ku u zhvilluan disa nga modelet më ikonike të kompanisë, si Mustang, Thunderbird dhe F-Series.

Objekti i ri do të ofrojë gjashtë studio dizajni, një sallë ushqimi, hapësira të dedikuara për nënat si dhe mbi 300 dhoma takimi të pajisura me teknologji moderne. /A.Z/UBT News/

Continue Reading

Shëndet

Roli i ChatGPT në shëndetësi, ndihmë apo rrezik?

Published

on

Një artist në Gjermani përfundoi në spital pas një pickimi nga një insekt, duke shfaqur simptoma që mjekët nuk mund t’i lidhin mes tyre. Pas një muaji trajtimesh të pasuksesshme, ai futi historinë mjekësore në ChatGPT, i cili sugjeroi diagnozën tularemia (ose ethet e lepurit).

Diagnoza rezultoi e saktë dhe rasti u publikua më pas në një studim shkencor, sipas raportimit të VOX.

Nga ana tjetër, në SHBA, një pacient me shenja psikoze ndjeki këshillat e ChatGPT për alternativa të kripës së tryezës.

Chatboti i kishte sugjeruar natrium bromid, substancë që përdoret për pastrimin e pishinave. Pas tre muajsh, pacienti përfundoi në repart psikiatrik për tri javë. Ky kontrast tregon qartë se ChatGPT mund të ndihmojë në raste të ndërlikuara, por jep edhe këshilla të rrezikshme.

Përdorimi i inteligjencës artificiale  kërkon kujdes. Dr. Roxana Daneshjou, profesoreshë dhe hulumtuese në Shkollën e Mjekësisë të Stanfordit, paralajmëron: “Duhet të jemi shumë të kujdesshëm në përdorimin e tij për qëllime mjekësore, sidomos kur nuk kemi njohuritë çfarë është e saktë dhe çfarë jo. Kur është i saktë, funksionon shumë mirë, por kur është i gabuar, pasojat mund të jenë katastrofike.”

Një problem tjetër është se ata janë “servilë”, duke dhënë atë që përdoruesi do të dëgjojë, edhe nëse është e pasaktë. Daneshjou sugjeron përdorimin e “Dr. Google”, që ofron informacione të verifikuara nga institucione si Mayo Clinic dhe Harvard Medical School.

Megjithatë, ChatGPT mund të shërbejë si mjet ndihmës, ndihmon pacientët të kuptojnë shënimet e mjekut, të përgatisin pyetje për vizitën e radhës, ose të interpretojnë rezultatet e analizave. Më 2023, një studim tregoi se chatbotët japin përgjigje cilësore dhe empatike.

Një çështje tjetër është privatësia: ChatGPT nuk është i mbrojtur nga HIPAA, ligji amerikan për privatësinë e të dhënave shëndetësore.

Informacioni që futet mund të ruhet, të përdoret për trajnime dhe teorikisht mund të shfaqet në përgjigje për dikë tjetër.

Sipas një raporti të Elsevier, gjysma e mjekëve kanë përdorur një mjet AI dhe një në pesë e ka përdorur për të kërkuar një mendim të dytë.

Studimet tregojnë se ChatGPT mund të japë diagnoza më të sakta se mjekët, megjithëse kombinimi i të dyjave është më i fuqishëm.

Adam Rodman, mjek në Beth Israel Deaconess Medical Center dhe instruktor në Harvard Medical School, sugjeron:

“Pacientët duhet të flasin hapur me mjekët për përdorimin e modeleve të mëdha gjuhësore, dhe po ashtu edhe mjekët duhet të flasin me pacientët për këtë. Një bisedë transparente mund të bëjë komunikimin shumë më produktiv.” /A.Z/UBT News/

Continue Reading

Teknologji

iPhone-i i ri po gërvishtet lehtë, çfarë po ndodh?

Published

on

Vetëm pak ditë pasi doli në treg, përdoruesit e iPhone-it të ri kanë filluar të raportojnë problemet e para.

Në rrjetet sociale, sidomos në TikTok, janë shpërndarë shumë video ku shihet se pjesa e pasme e disa modeleve gërvishtet shumë shpejt.

Gazetari i Bloomberg, Mark Gurman, tha në një video se kjo dukuri është më e theksuar tek modelet me ngjyrë të zezë dhe blu të errët, të cilat duket se janë më të ndjeshme ndaj gërvishtjeve.

Në krahasim, modelet me ngjyrë të artë, të bardhë, apo ato me nuanca të tjera si portokalli, janë më rezistente.

Një tjetër problem i përmendur nga Gurman ka të bëjë me karikuesin pa tel MagSafe. Në disa raste ky karikues lë shenja në pjesën e pasme të iPhone-ve me ngjyra më të errëta, veçanërisht kur telefoni qëndron gjatë në karikim.

Problemi është bërë më i dukshëm këtë vit pasi Apple ka kaluar nga materiali titan tek alumini për modelet Pro dhe Pro Max.

A do të ndikojë në shitje?

Sipas analistëve të Wall Street, ky problem nuk pritet të ketë ndikim serioz në biznesin e Apple.

Gil Luria nga D.A. Davidson tha se çdo gjeneratë e re shoqërohet me shqetësime të tilla e ndryshimet e vogla në dizajn apo materiale marrin vëmendje të madhe. Shtoi se, edhe nëse rezulton problem i përhapur, Apple mund ta korrigjojë pa pasoja serioze afatgjata.

Dan Ives nga Wedbush Securities e quajti situatën me gërvishtjet të “mbivlerësuar” dhe theksoi se iPhone 17 është një produkt “fenomenal”, me përdorues të kënaqur. /A.Z/UBT News/

Continue Reading

Teknologji

Misteri i GTA 6, kush është Raul Bautista?

Published

on

Disa fansa, të cilët mezi presin mbërritjen e lojës Grand Theft Auto 6, janë të bindur se Rockstar Games ende po e “fsheh” protagonistin e tretë.

Disa besojnë se Raul Bautista është protagonisti i tretë sekret i lojës. Bautista është shfaqur vetëm në pamje të ekranit në fushatën promovuese për lojën “Grand Theft Auto 6” deri më tani, duke i bërë fansat të spekulojnë rreth rolit të tij në historinë e lojës.

Pritja e gjatë midis trailerit për “GTA 6” dhe publikimit përfundimtar të lojës i ka bërë fansat të kërkojnë materiale promovuese për çdo informacion që mund të zbulohet. Ndonjëherë kjo rezulton në teori të bazuara në shumë pak prova.

Teoritë e fansave të GTA janë argëtuese për t’u lexuar, pasi pasqyrojnë pasionin e madh që baza ka për lojën e ardhshme.

Teoria më e fundit e përdoruesit të Reddit, utshi9he, ka të bëjë me Raul Bautistan nga GTA 6, të cilin pretendon se është protagonisti i tretë i lojës. Tani, të gjitha indikacionet janë se Jason e Lucia janë protagonistët, por misteri që rrethon Bautistan ka intriguar disa fansa.

Një teori midis atyre që e besojnë këtë është se ose Jason ose Lucia, ose ndoshta të dy, do të zhduken në historinë që sjell GTA 6, gjë që përforcon fokusin e dukshëm të rrëfimit në historinë e Bonnie dhe Clyde.

Raul mund të “ndërhyjë” në një epilog të mundshëm.

Ndryshe, GTA 6 është pak më shumë se nëntë muaj larg nga lansimi për Xbox Series X dhe PlayStation 5.  /A.Z/UBT News/

Continue Reading

Të kërkuara