Aktualitet

Të rriturit që marrin AstraZeneca kanë më pak antitrupa se ata që marrin Pfizer

Published

5 years ago

on

Britanikët e moshuar që e kanë marrë vaksinën e kompanisë AstraZeneca kanë më pak gjasa që të kenë antitrupa kundër Covidit se ata që e kanë marrë vaksinën e kompanisë Pfizer, tregon një studim.

Hulumtuesit e Kolegjit Imperial të Londrës zbuluan se më pak se 85 për qind e personave mbi moshën 80-vjeçare kishin nivel të vërejtshëm të proteinave që e luftojnë virusin dy javë pas marrjes së dozës së dytë të vaksinës së AstraZeneca-s.

Në anën tjetër, gati 98 për qind e personave të kësaj grupmoshe që e kishin marrë vaksinën e Pfizer-it kishin antitrupa, shkruan Daily Mail.

Të gjeturat erdhën nga studimi më i madh vëzhgues në Britani, i njohur si REACT-2, përmes së cilit testohen në mënyrë të rastësishme mostrat e gjakut të qindra mijëra britanikëve.

Ndonëse antitrupat janë vetëm një pjesë e reagimit të përgjithshëm imunitar të organizmit kundër Covid-it, ekspertët thonë se rezultatet nuk ishin tërësisht të befaishme.

Profesori Ian Jones nga Universiteti i Reading-ut tha se vaksina e AstraZeneca-s kishte më pak gjasa që të nxisë imunitetin, sepse ajo varet në një virus të ftohtë e të dobësuar.

Në disa raste, trupi mund ta sulmojë këtë virus në vend të proteinave të Covid-it në sipërfaqen e tij, që rezulton në dështimin e vaksinës për ta nxitur imunitetin kundër Covid-it, tha ai. Vaksina e Pfizer-it nuk e ka këtë problem, sepse përdor një teknologji krejt tjetër.

Gjatë testimit, vaksina e AstraZeneca-s gjithashtu doli të jetë pak më e dobët në parandalimin e infeksionit me simptoma.

Related Topics:
Continue Reading

Live

SHBA pezullon “Projektin Liri” në Hormuz: Trump sinjalizon marrëveshje me Iranin

Published

12 minutes ago

on

May 6, 2026

By

Presidenti amerikan, Donald Trump, njoftoi ndërprerjen e përkohshme të “Projektit Liri”, operacionit ushtarak që synonte nxjerrjen e anijeve të bllokuara në Ngushticën strategjike të Hormuzit. Përmes një mesazhi në platformën Truth Social, Trump sqaroi se ky vendim vjen si pasojë e një progresi domethënës drejt një marrëveshjeje përfundimtare me Iranin, duke vënë në dukje edhe ndërhyrjen diplomatike të Pakistanit dhe vendeve të tjera.

Ndonëse bllokada mbetet ende në fuqi, kreu i Shtëpisë së Bardhë theksoi se pezullimi i lëvizjes së anijeve do të shërbejë si një dritare kohore për të parë nëse pakti me Teheranin mund të finalizohet me sukses.

Ky zhvillim pason deklaratat e Sekretarit të Shtetit, Marco Rubio, i cili pohoi se faza ofensive e konfliktit ka përfunduar pas arritjes së objektivave fillestare. Megjithatë, këndvështrimet mbi këtë tërheqje mbeten të ndara; ndërsa SHBA-ja e portretizon si një lëvizje strategjike drejt diplomacisë pas sukseseve ushtarake, media shtetërore iraniane e ka cilësuar vendimin si një dështim të Uashingtonit për të mbajtur hapur rrugën ujore jetësore.

Sipas analizave të BBC-së, Irani pritet ta përdorë këtë ndalesë të “Projektit Liri” për ta proklamuar si një fitore të tyren në arenën ndërkombëtare, në një kohë kur fati i rrjedhës globale të naftës varet nga stabiliteti në këtë rajon.

Continue Reading

Vendi

Kosova dhe Turqia nënshkruajnë marrëveshje për bashkëpunim financiar ushtarak

Published

12 hours ago

on

May 5, 2026

By

Ministri i Mbrojtjes, Ejup Maqedonci, ka njoftuar se është nënshkruar Marrëveshja e Bashkëpunimit Financiar Ushtarak ndërmjet Qeverisë së Kosovës dhe Qeverisë së Turqisë.

Marrëveshja është nënshkruar në bashkëpunim me Ministrin e Mbrojtjes Kombëtare të Turqisë, Yaşar Güler, dhe synon forcimin e kapaciteteve ushtarake dhe bashkëpunimit strategjik mes dy vendeve.

Sipas njoftimit, në kuadër të kësaj marrëveshjeje, Turqia do ta mbështesë Kosovën me 200 milionë lira turke, të destinuara për zhvillimin dhe avancimin e Forca e Sigurisë së Kosovës, si në aspektin institucional ashtu edhe profesional.

Ministri Maqedonci e ka cilësuar këtë marrëveshje si dëshmi të partneritetit të fortë ndërmjet dy shteteve.

“Marrëveshja përfaqëson një dëshmi të qartë të partneritetit tonë strategjik dhe të gatishmërisë së përbashkët për ta forcuar më tej bashkëpunimin në mënyrë konkrete dhe afatgjate”, ka deklaruar ai.

Ai shtoi se mbështetja financiare nga Turqia reflekton nivelin e lartë të marrëdhënieve dypalëshe dhe përkushtimin e përbashkët për paqe dhe stabilitet në rajon.

Continue Reading

Live

A mund ta ndalojë ligji amerikan Trumpin nga tërheqja e trupave nga Evropa?

Published

16 hours ago

on

May 5, 2026

By

Plani i administratës së presidentit Donald Trump për tërheqjen e një pjese të trupave amerikane nga Evropa ka rikthyer në qendër të vëmendjes debatet mbi kufizimet ligjore dhe pasojat në sigurinë rajonale. Sipas të dhënave të fundit nga Pentagoni, Shtetet e Bashkuara pritet të tërheqin rreth 5 mijë trupa nga Gjermania, vend ku aktualisht janë të dislokuar rreth 36 mijë ushtarë.

Kjo lëvizje përbën rreth 14 për qind të forcave në këtë vend dhe prek drejtpërdrejt një brigadë luftarake si dhe një njësi të artilerisë me rreze të gjatë, të cilat fillimisht ishin planifikuar të vendoseshin gjatë administratës së Joe Bidenit.

Zëdhënësi i Pentagonit, Sean Parnell, ka sqaruar se ky vendim është rezultat i një rishikimi të thellë strategjik që reflekton nevojat aktuale në terren, ndërkohë që prania totale amerikane në Evropë mbetet mes 80 mijë dhe 100 mijë trupave, duke shërbyer si shtylla kurrizore e strukturës së NATO-s.

Megjithatë, zbatimi i këtij plani ndeshet me barriera ligjore të rëndësishme të vendosura nga Ligji për Autorizimin e Mbrojtjes Kombëtare (NDAA) për vitin 2026.

Ky ligj specifikon se Pentagoni nuk mund ta ulë numrin e trupave në Evropë nën nivelin prej 76 mijë ushtarësh për më shumë se 45 ditë pa përmbushur një sërë kushtesh strikte. Këto kushte përfshijnë detyrimin për të vërtetuar se masa është në interes të sigurisë kombëtare, kryerjen e konsultimeve me aleatët e NATO-s dhe raportimin e detajuar përpara Kongresit.

Ndonëse këto dispozita nuk e ndalojnë dot përfundimisht vullnetin e presidentit, ato e shndërrojnë tërheqjen në një proces tejet kompleks, të kushtueshëm dhe të ngadaltë. Për më tepër, ekspertët vlerësojnë se një zhvendosje e tillë mund të dëmtojë gatishmërinë ushtarake, pasi forcat në Gjermani janë të integruara thellë në strukturat globale të komandës. Nga ana tjetër, reagimi nga Berlini ka qenë i matur; ministri i Mbrojtjes Boris Pistorius e quajti vendimin të pritshëm, ndërsa kancelari Friedrich Merz theksoi se riorganizime të tilla janë pjesë e zakonshme e strategjisë globale amerikane.

Continue Reading

Lajmet

Interesim rekord për regjistrimet e hershme në UBT – 10 programe me bursë 20 për qind për tri vite studimi

Published

16 hours ago

on

May 5, 2026

By

Interesim i jashtëzakonshëm i të rinjve në mbarë vendin dhe rajonin për regjistrimet e hershme në UBT, për programet më inovative, mundësitë unike akademike dhe orientimin profesional drejt profesioneve të së ardhmes.

Mijëra maturantë kanë shprehur interesimin për t’u bërë pjesë institucionit lider dhe inovativ në rajon, ndërsa kërkesa për regjistrime të hershme po vazhdon të rritet.

Në një angazhim të drejtpërdrejtë me të rinjtë, Qendra e Karrierës e UBT-së po vazhdon vizitat informuese në të gjitha shkollat e mesme të Kosovës dhe të rajonit, duke sjellë nga afër mundësitë e studimit, orientimin profesional dhe informacionin mbi tregun e punës.

Si një nga nismat më të fuqishme për mbështetjen e studentëve të rinj, UBT po ofron 20 për qind bursë për 10 programe studimi për tri vite, duke krijuar mundësi reale për zhvillim akademik dhe profesional:

  • Arti dhe Mediat Digjitale
  • Gjuhë Angleze
  • Inxhinieri e Energjisë
  • Inxhinieri e Ndërtimit dhe Infrastrukturë
  • Media dhe Komunikim
  • Menaxhimi i Patundshmërive dhe Infrastrukturës
  • Shkenca Politike
  • Shëndeti Publik dhe Shkencat Mjekësore
  • Shkencat e Ushqimit dhe Bioteknologji
  • Turizëm

Këto programe përfaqësojnë disa nga fushat më të kërkuara dhe më strategjike të kohës, duke i pajisur studentët me njohuri të avancuara dhe aftësi praktike që i përgjigjen drejtpërdrejt kërkesave të tregut global.

Programe të tjera studimi në UBT paraqesin zgjidhjen ideale për të gjithë të rinjtë që synojnë arsim cilësor, specializim profesional dhe mundësi të gjera zhvillimi në fusha të ndryshme të së ardhmes.

Vendet janë të limituara, andaj nxitoni të siguroni të ardhmen përmes regjistrimit të hershëm në UBT.

APLIKO TANI ONLINE!

 

Continue Reading

Të kërkuara