Lajmet

Të paktën 11 të vdekur, 27 të zhdukur nga stuhitë e shiut në Pekin

Kjo sipas medias shtetërore kineze.

Published

3 years ago

on

Të paktën 11 persona kanë vdekur dhe 27 llogariten të zhdukur pas shirave të dendur që kanë goditur Pekinin, thanë të martën media shtetërore kineze.

Helikopterët ushtarakë janë vendosur për të ofruar furnizime për pasagjerët e trenit të bllokuar pasi stuhitë vdekjeprurëse shkaktuan kërdi në kryeqytet. Shirat e dendur filluan të godasin qytetin dhe zonat përreth të shtunën.

Të martën, transmetuesi shtetëror CCTV përditësoi numrin e përgjithshëm të vdekjeve për kryeqytetin, duke raportuar se “reshjet e dendura vranë të paktën 11 njerëz, 27 janë të zhdukur”.

Një njësi ushtarake prej 26 ushtarësh dhe katër helikopterësh nisi një “mision shpëtimi nga ajri” në orët e hershme të së martës për të shpërndarë qindra pako ushqimore te njerëzit e bllokuar brenda dhe rreth një stacioni treni në distriktin Mentougou të goditur rëndë të Pekinit./UBTNews/

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

12 minutes ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

22 minutes ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

23 minutes ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

25 minutes ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara