Lajmet

Kina do të rrisë moshën e pensionimit

Published

2 years ago

on

Qindra miliona njerëz në Kinë do të hyjnë në pleqëri në dekadat e ardhshme, ndërkohë që niveli i lindshmërisë po ulet në mënyrë dramatike.

Popullsia kombëtare ra në vitin 2023, që është viti i dytë radhazi. Nëse nuk ndërmerren veprime, politikbërësit dhe ekspertët paralajmërojnë për ndikime të rënda në ekonomi, kujdes shëndetësor dhe sistemet e mirëqenies sociale. Mosha e daljes në pension në Kinë nuk ishte rritur për dekada dhe ishte ndër më të ulëtat në botë.

Agjencia shtetërore e lajmeve Xinhua tha se zyrtarët e lartë në Pekin kanë vendosur që “mosha ligjore e pensionit për punëtorët meshkuj do të zgjatet gradualisht nga 60 në 63 vjet”. Siç raporton ky medium, për gratë punonjëse, mosha e daljes në pension do të zgjatet “nga 50 ose 55 vjet në 55 dhe 58 vjet, respektivisht”, në varësi të llojit të punës.

Xinhua raporton se mosha e daljes në pension do të rritet gradualisht mbi 15 vjet nga viti 2025, duke shtuar se nga viti 2030, punëtorët do të duhet të bëjnë një minimum prej 20 vitesh kontribute pensionale në vend të 15 sa janë aktualisht.

Rregullat e reja do të hyjnë në fuqi nga 1 janari i vitit 2025./UBTNews/

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

10 minutes ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

20 minutes ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

21 minutes ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

22 minutes ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara