Kulturë
Të famshmit që dikur ishin në maje të suksesit, por që tani bëjnë profesione të zakonshme
Ju mund të jeni në krye të botës një ditë me miliona në bankë, mirëpo nganjëherë jeta ndryshon dhe para se ta kuptoni, e gjeni veten përballë fatit tuaj të ardhshëm. E njëjta gjë vlen për disa të famshëm. Këtu janë disa fytyra të famshme që tani janë duke punuar punë të ndryshme nga ato për të cilat fillimisht ishin të njohur.
Ja se çfarë bëjnë “ish-yjet” në këto ditë.
1. Shirley Temple, aktorja e adhurueshme e fëmijëve, që ishte ikonë gjatë shekullit të 20-të.
Ajo luajti në filma si: The Little Princess, Bright Eyes dhe Heidi. Kur ishte 22-vjeçe, ajo zgjodhi të linte aktrimin dhe të vazhdonte në politikë. Ajo ishte ambasadore e ShBA-së në ish-Çekosllovaki dhe gjithashtu ne Ganë, gjatë viteve të 70-ta dhe 80-ta.
2. Jim Carrey, aktori i shkëlqyeshëm i humorit, ndriçoi ekranet tuaja dhe ju bëri të qeshni përmes filma vesi “Dumb and Dumber” dhe “The Mask” dhe shumë të tjerë. Ndonëse u bë i njohur përmes filmave, Carrey ka filluar t’i reduktojë ata. Aktori ka treguar se ai është gjithashtu një piktor i pasionuar, dhe thuajse gjithë kohën e lirë e kalon duke pikturuar.
3. Cameron Diaz ka pasur një karrierë mjaft të suksesshme në aktrim, duke u shfaqur në filma si: The Mask, Charlie’s Angels, Shrek, dhe shumë më tepër. Ajo gjithashtu ka shkruar libra shëndetësorë. Në vitin 2017, ajo njoftoi se po tërhiqet nga aktrimi dhe që prej asaj kohe ka filluar një kompani të verës organike të quajtur Avaline.
4. Angus T. Jones, i shumënjohur për rolin e tij në “Two and a Half Men”, të cilin ai e la papritmas pasi u pagëzua. Ai zgjodhi të shkojë në kolegj dhe të largohet nga qendra e vëmendjes. Kur u pyet nëse do të kthehej ndonjëherë në TV, ai tha: “Dera është padyshim akoma e hapur për ta bërë këtë, por unë po i marr gjërat ngadalë”. Pas aktrimit, ai u bashkua me ekipin menaxhues të Tonite, një kompani multimedia e cila prodhon ngjarje.
5. Mara Wilson ua rrëmbeu zemrat si fëmijë kur luajti rolin titullar në “Matilda” dhe gjithashtu kishte një rol të shquar në Mrs. Doubtfire së bashku me Robin Williams. Pas këtyre roleve të suksesshme, Wilson u tërhoq nga industria e aktrimit dhe zgjodhi të bëhej shkrimtare në vend të aktrimit.
6. Chuck Norris është një aktor i cili u bë sensacion në internet në ditët e para të rrjetit të gjerë botëror. Tani ai gjithashtu ka një fondacion të quajtur “Kickstart Kids”, i cili ka për qëllim të përdorë “karate për t’u mësuar studentëve vlera të ndërtimit të karakterit”.
7. Julia Stiles, u shfaq në filma të panumërt dhe role televizive, hite si “10 Things I Hate About You”, “The Prince & Me”, dhe seritë e filmave “Bourne”. Megjithëse kishte një karrierë tejet të zënë në aktrim, ajo ka arritur të gjejë kohën për të bërë punë filantropike. Stiles po punon me Amnesty International si dhe Habitat For Humanity.
8. Frankie Muniz ishte një adoleshent “zemërthyes” që dukej se ishte në çdo film të njohur në fillim të viteve 2000. Pas pak, ai pushoi së shfaquri në filma dhe filloi të mirrej me muzikë. Tani ai garon me makina në mënyrë profesionale për Jensen Motorsport.
9. Karyn Parsons njihet më së miri për rolin e saj si Hillary Banks, kushërira e Will Smith në “The Prince of Bel Air”. Pasi u shfaq në serial, ajo zgjodhi vetëm disa role të vogla, duke u distancuar nga aktrimi. Ajo tani e kalon shumicën e kohës duke drejtuar një kompani që prodhon përmbajtje edukative për fëmijë.
10. J.K. Rowling do të njihet përgjithmonë si autorja e serisë së njohur “Harry Potter”. Që kur u bë një nga njerëzit më të pasur në botë, ajo është përfshirë në mënyrë aktive në kauza bamirësie. Ajo është themeluese e Gingerbread, një organizatë që ndihmon prindërit beqar në nevojë. Ndërsa ajo është akoma duke shkruar, shumica e kohës së saj i kushtohet punës së bamirësisë.
11. Jeff Cohen njihet për rolin e tij në “The Goonies” kur ishte fëmijë, por ai nuk vazhdoi të ndiqte karrierën në Hollywood. Në vend të kësaj, ai studioi juridik dhe tani është një avokat i suksesshëm.
12. Lucy Liu, ishte një aktore e suksesshme, por e cila është gjithashtu një artiste vizuale shumë e talentuar, për të cilën shumë pak njerëz e dinë. Edhe pse ajo ende shfaqet në TV në mënyrë sporadike, shumicën e kohës së saj i kushton krijimit të pjesëve mahnitëse të artit pamor.
12. Chris Owen njihet për rolin e tij si “Sherinator” në serinë e filmave “American Pie”. Sidoqoftë, megjithëse ai dëshironte të vazhdonte karrierën e tij si aktor, ai nuk po merrte ndonjë rol të shkëlqyeshëm. Për të mbajtur veten, ai ka filluar te punojë kamarier.
13. Ariana Richards është e njohur më së shumti për rolin e saj në “Jurassic Park” si dhe vazhdimin e tij. Më pas, ajo nuk u shfaq në shumë role të tjera. Ajo zgjodhi të shkojë në kolegjin Skidmore dhe u diplomua në Artet e Bukura. Nga atëherë ajo ka bërë valë në komunitetin e artit dhe e ka kaluar gjithë kohën e saj duke krijuar art dhe pikturë.
14. Susan Boyle u bë menjëherë yll ndërkombëtar pasi u shfaq në “Britain’s Got Talent”. Ajo publikoi disa albume, por asnjëherë nuk kishte qenë e kënaqur me faktin se ishte në qendër të vëmendjes, kështu që prej asaj kohe ajo vendosi të tërhiqej nga sytë e publikut. Tani është raportuar se ajo është parë duke aplikuar për një vend pune si arkëtare.
15. Vanilla Ice ishte reper jashtëzakonisht i famshëm në vitet ’90 i cili është i njohur për këngën e tij të hitit “Ice Ice Baby”. Kur karriera e tij muzikore filloi të zbehej, ai filloi të punonte në pasuri të paluajtshme.
16. Danny Lloyd luajti në rolin e Danny Torrance të filmit shumë të njohur horror, “The Shining”, së bashku me aktorin e famshëm, Jack Nicholson. Mirëpo, që atëherë ai është larguar nga industria e aktrimit dhe punon si profesor i biologjisë në Kolegjin Teknik të Elizabethtown.
17. Danielle Fishel luajti rolin e Topanga Lawrence në serialin e dashur televiziv “Boy Meets World”, si dhe serialin e saj “Girl Meets World”. Mirëpo, ajo tani është duke punuar si reportere dhe gazetare për PopSugar.
18. Tara Reid, ishte në kulmin e karrierës së saj në vitet 2000 pasi luajti në filma hit si “American Pie” dhe “The Big Lebowski”. Mirëpo tani, Reid po punon si pronare restorantesh dhe ka një linjë veshjesh si dhe parfum.
19. Jack Gleeson njihet për rolin e tij si Joffrey Baratheon në “Game of Thrones”. Pasi karakteri i tij u vra, ai vendosi të largohej nga qendra e vëmendjes në moshën 21-vjeçare në mënyrë që të mund të vazhdonte shkollimin e tij.
Gleeson kreu studimet në teologji dhe filozofi. Tani punon me një kompani të vogël teatri./UBTNews
(Arjeta Ibishi, studente në Media dhe Komunikim në UBT)
Shkolla e Muzikës “Amadeus” ka mbajtur koncert të jashtëzakonshëm artistik me rastin e përfundimit të gjysmëvjetorit shkollor, përmbylljes së projektit “Nxitja e talentëve të rinj dhe diversitetit kulturor”, si dhe festave të fundvitit.
Koncerti me titull “Da Capo al Fine”, i organizuar nga Ambasada Gjermane dhe Ambasada Franceze, solli në skenë performanca të mrekullueshme nga nxënësit e shkollës, të cilët falë përkushtimit të vazhdueshëm kanë shënuar suksese edhe jashtë Kosovës.
Në këtë mbrëmje u prezantuan Ansambli i Kitaristëve, Orkestra Harkore, Orkestra Frymore, Orkestra Kamertale dhe Kori i shkollës, të cilët dhuruan emocione të veçanta për publikun. “Profesionalistët e vegjël” të skenës dëshmuan talentin duke interpretuar me sukses vepra nga repertori vendor dhe ai botëror.
Ansambli i Kitaristëve krijoi peizazh të ngrohtë tingujsh që rridhnin natyrshëm me ritmin e veprave, Orkestra Harkore solli ndjeshmëri të veçantë emocionale, e ndërtuar tingull pas tingulli. Orkestra u dallua për elegancën dhe lirshmërinë e tingujve që mbushnin sallën, ndërsa Orkestra ofroi interpretim të rafinuar, të karakterizuar nga precizion i lartë ritmik.
Kulmi i koncertit ishte performanca mbresëlënëse e Korit të shkollës, nën dirigjimin e Vehbi Shoshollit. Qershia mbi tortë ishte interpretimi i solistes Anna Krasniqi, e cila me zërin e saj të ngrohtë dhe njëkohësisht të fuqishëm i dha jetë veprave me kërkesa të larta vokale.
Gjatë koncertit u interpretuan veprat: “Ding! Dong! Merrily on High” (Traditional French Carol), “You Raise Me Up” – Rolf Løvland, “Die Loreley” – Friedrich Silcher, “Sous le ciel de Paris” – Hubert Giraud dhe “Feliz Navidad” – José Feliciano.
Pjesë e këtij koncerti ishin dirigjenti Gentian Aliu dhe korepetitorja Elsa Gashi. Drejtoresha e shkollës, Hana Petrovci-Fetahu, theksoi se përmbyllja e suksesshme e projektit përbën një arritje të madhe për mbi 100 fëmijë, të cilët kanë performuar në instrumente sfiduese.
“Përveç përfundimit të gjysmëvjetorit, ky koncert shënon mbylljen e një projekti që ka filluar në janar e po përfundon në dhjetor. Projekti kishte për qëllim nxitjen e talenteve të reja nga mosha 7 deri në 17 vjeç dhe u mbështet nga Ambasada Franceze, Ambasada Gjermane, Instituti Francez dhe Goethe-Institut. Ky bashkëpunim i mrekullueshëm na dha besimin për ta realizuar projektin, ku u përfshinë mbi 100 nxënës në mësimet e korit dhe instrumenteve”, u shpreh ajo.
Petrovci-Fetahu vlerësoi sukseset e nxënësve, duke theksuar se shumë prej tyre ishin fillestarë, por arritën të performojnë në skenë brenda një periudhe të shkurtër kohore, shtoi se sukseset në koncerte ndërkombëtare, si në Vjenë e Itali, janë motivim i fuqishëm për vazhdimësi.
Ndërkohë, dirigjenti Vehbi Shosholli e cilësoi këtë vit shkollor si dinamik dhe tejet të suksesshëm. Sipas tij, puna intensive me formacione të ndryshme muzikore dhe koncertet e shumta kanë sjellë një përvojë të jashtëzakonshme artistike.
Edhe solistja Anna Krasniqi e përshkroi koncertin dhe vitin mësimor si një përvojë të paharrueshme, duke theksuar suksesin e saj në një festival ndërkombëtar në Itali, ku arriti të triumfojë dhe të përfaqësojë Kosovën me dinjitet.
Drejtoresha paralajmëroi plane të reja për 2026, duke bërë të ditur se Orkestra e Fëmijëve dhe të Rinjve të Prishtinës është pranuar të marrë pjesë në dy festivale ndërkombëtare garuese – një në Spanjë në muajin mars dhe një tjetër në Pragë të Çekisë në muajin korrik të vitit 2026.
“Synimi është që këta talentë t’i prezantojmë më gjerë e ta përfaqësojmë Kosovën në arenën ndërkombëtare”, tha ajo. /A.Z/UBT News/
Dronët vranë mbi 100 civilë në Sudan gjatë dhjetorit
Ditë e natë në terren, forcat e NATO-s dërgojnë mesazh stabiliteti
Nesër samiti mes BE-së dhe Ballkanit Perëndimor, Rama niset drejt Brukselit
Spiropali në Greqi, rihapet dialogu për kufirin detar
Pajisjet shtëpiake që nuk duhen ndezur kurrë njëkohësisht
Dyshohet abuzim i të miturit në Ferizaj përmes rrjeteve sociale
Kur dieta dhe pesha nuk mjaftojnë, arsyeja e fshehur e kolesterolit të lartë
Shqiptarët në jug të Serbisë: Fshirje nga adresat e banimit, mosnjohje e diplomave dhe gjuhë urrejtjeje
Gjysma e makinave të Ford do të jenë elektrike ose hibride deri në 2030
-
Aktualitet2 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Lajmet3 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Rajoni3 months agoUBT shpall thirrjen për Konferencën Ndërkombëtare të Gjuhës dhe Kulturës 2025
-
Vendi3 months agoNë UBT diplomon ushtaraku i FSK-së, Major Vilson Musaj