Kronikë e zezë

Të dyshuarit ende në arrati, gjuajtën me armë drejt policëve pasi vodhën ari në Dobërdol të Podujevës

Rasti ka ndodhur rreth orës 18:20.

Published

4 years ago

on

E PREMTE

14 JAN 2022

Të dyshuarit ende në arrati, gjuajtën me armë drejt policëve pasi vodhën ari në Dobërdol të Podujevës

PRISHTINË | 14 JAN 2022 | 09:06 | Nga Ekonomia Online

Dy persona mbrëmjen e së enjtes kishin shtënë me armë zjarri drejt zyrtarëve policor në fshatin Dobërdol të Podujevës.

Deri të kjo kishte ardhur pasi të dyshuarit ishin futur në një shtëpi për të vjedhur, derisa në shtëpi nuk gjendej askush.

Pronarët e shtëpisë i kishin parë përmes kamerave të sigurisë personat që kishin hyrë në shtëpi dhe kështu e lajmëruan policinë të cilët dolën në vendin e ngjarjes.

Në tentim për t’i arrestuar të dyshuarit zyrtarët policorë u përballën me plumba, pasi të dyshuarit ishin të armatosur dhe shtien drejt tyre.

Nuk raportohet për të lënduar gjatë ngjarjes, ndërkaq sipas informacioneve të dyshuarit kanë arritur të marrin nga shtëpia stoli ari dhe gjëra të tjera të vlefshme për familjen.

Zëdhënësja e Policisë së Kosovës, Flora Ahmeti ka konfirmuar se dy persona kanë shtënë me armë zjarri në drejtim të policëve në fshatin Dobërdol të Podujevës.

Rasti ka ndodhur rreth orës 18:20.

“Rreth orës 18:20, kemi pranuar informatën se në një shtëpi në fshatin Dobërdol të Podujevës, me forcë janë futur katër persona të dyshuar. Me të marrë informatën policia ka dalë në vendngjarje dhe janë vënë në ndjekje të personave të dyshuar. Në ikje e sipër njëri nga personat e dyshuar ka shtënë me armë zjarri, nuk raportohet për persona të lënduar”, deklaroi Ahmeti për Telegrafin.

Tutje, ajo shtoi se policia janë duke punuar në identifikimin dhe arrestimin e personave të dyshuar.

Në lidhje me rastin ka reaguar edhe kryetari i Komunës së Podujevës, Shpejtim Bulliqi.

Ai ka dënuar sulmin me armë zjarri ndaj policëve në fshatin Dobërdol.

Bulliqi ka thënë se sulmi me armë zjarri ndaj kujtdo qoftë është akt i papranueshëm, e veçmas kur ndodhë ndaj organeve të rendit.

“Kam pranuar informatën se gjatë mbrëmjes në fshatin Dobërdol janë sulmuar me armë zjarri pjesëtarë të Policisë së Kosovës. Sulmi me armë zjarri ndaj kujtdo qoftë është akt i papranueshëm, e veçmas kur ndodhë ndaj organeve të rendit. Me këtë rast e dënoj ashpër sulmin e sotëm ndaj zyrtarëve policorë në fshatin Dobërdol”, ka shkruar ai në Facebook.

Related Topics:
Continue Reading

Kronikë e zezë

Vdekje e dyshimt në Kamenicë, një punëtor humb jetën gjatë punës

Published

2 days ago

on

May 29, 2026

By

Në raportin 24-orësh të Policisë se Kosovës është raportuar një rast i vdekjes së dyshuar në Kamenicë, ku një person ka ndërruar jetë derisa ishte duke punuar.

Sipas njoftimit, viktima burrë ka humbur ndjenjat dhe ka rënë në tokë gjatë kryerjes së punës. Ai është dërguar menjëherë në Qendrën Kryesore të Mjekësisë Familjare (QKMF), ku mjeku kujdestar ka konstatuar vdekjen e tij.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkaqeve të vdekjes.

Hetimet lidhur me rastin janë duke vazhduar.

Continue Reading

Lajmet

Disa raste të dhunës në familje brenda një dite

Published

2 days ago

on

May 29, 2026

By

Në raportin 24-orësh të Policisë se Kosovës janë evidentuar katër raste të dhunës në familje në rajone të ndryshme të vendit, si dhe një rast i posedimit të substancave narkotike.

Në Fushë Kosovë, është raportuar se një burrë i dyshuar, pas një mosmarrëveshjeje verbale, dyshohet se ka ushtruar dhunë ndaj viktimës grua, shtetase e huaj, me të cilën kishte bashkëjetuar. Pas intervistimit, me vendim të prokurorit, i dyshuari është liruar në procedurë të rregullt.

Në Podujevë, një tjetër rast i dhunës në familje ka rezultuar me arrestimin e një të dyshuari, i cili dyshohet se ka ushtruar dhunë ndaj një viktime grua. I dyshuari ka marrë edhe tretman mjekësor për probleme shëndetësore të mëhershme, ndërsa pas intervistimit është dërguar në mbajtje me vendim të prokurorit.

Në Malishevë, policia ka arrestuar një të dyshuar për dhunë në familje, dhe pas intervistimit me vendim të prokurorit është dërguar në mbajtje.

Ndërkohë, në Rahovec, gjatë një kontrolli të realizuar nga njësitet policore me urdhër të prokurorit, lidhur me një rast të dhunës në familje, janë gjetur dhe konfiskuar 4.56 gramë substancë e dyshuar narkotike e llojit marihuanë. I dyshuari është arrestuar dhe për këtë rast, pas procedurave ligjore, është dërguar në mbajtje.

Continue Reading

Lajmet

Sulm me thikë në stacionin e trenit në Winterthur, tre të plagosur

Published

3 days ago

on

May 28, 2026

By

Tre persona kanë mbetur të plagosur pasi një burrë i ka sulmuar me thikë në një stacion treni në qytetin Winterthur, pranë Cyrihut, ka bërë të ditur policia lokale të enjten.

Sipas policisë, sulmi ka ndodhur rreth orës 06:30, ndërsa i dyshuari, një shtetas zviceran 31-vjeçar, është arrestuar në vendin e ngjarjes. Tre viktimat janë dërguar për trajtim mjekësor në spital dhe ndodhen nën kujdes mjekësor.

Mediat zvicerane raportojnë se një video e publikuar nga gazeta “Blick” tregon një burrë duke dalë me vrap nga stacioni, duke bërtitur një frazë arabe që do të thotë “Zoti është i madh”. Po ashtu, një dëshmitar okular ka thënë se autori mbante thikë dhe se njerëzit përreth janë larguar me panik.

Policia ka njoftuar se motivi i sulmit ende nuk është i qartë dhe po hetohet nga autoritetet kompetente.

Continue Reading

Lajmet

Aksident trafiku në Prizren, një person lëndohet rëndë

Published

3 days ago

on

May 28, 2026

By

Në Prizren është raportuar një aksident trafiku me lëndime, ku një këmbësor ka mbetur i lënduar rëndë.

Ngjarja ka ndodhur më 27.05.2026 rreth orës 15:20, kur një femër kosovare, drejtuese e automjetit, ka goditur një mashkull kosovar.

Si pasojë e aksidentit, viktima ka pësuar lëndime të rënda trupore dhe është dërguar për trajtim mjekësor në Qendrën Klinike Universitare të Kosovës (QKUK) në Prishtinë.

Rasti është duke u hetuar nga organet kompetente.

Continue Reading

Të kërkuara