Pas më shumë se 20 vitesh, këngëtarja Mariah Carey ka rikthyer rivalitetin e saj me Jennifer Lopez.

Gjatë një interviste live në Watch What Happens Live with Andy Cohen, 56-vjeçarja u pyet për komentet e famshme të vitit 2003 në një intervistë gjermane, kur Carey ishte pyetur për Lopezin dhe kishte thënë thjesht:  “I don’t know her” (Nuk e njoh).

Deklarata u bë menjëherë virale dhe ka ndjekur të dyja artistet deri sot. “E vërteta është se isha e sinqertë kur e thashë atë. Nuk e di si u bë kaq e madhe. Sinqeriteti zakonisht nuk bëhet kaq i madh,” tha Carey.

Kur Andy e pyeti nëse marrëdhënia me Lopez kishte ndryshuar, Carey iu përgjigj me ironi: “Si mund ta njoh papritur tani, e kuptoni?”

Publiku shpërtheu në të qeshura, ndërsa klipi u përhap shpejt në Instagram, ku fansat e quajtën Carey “mbretëreshë e thumbimeve”.

Lopez ka mohuar më herët këtë pretendim. Më 2016 në The Wendy Williams Show, ajo tha se Carey “harronte gjërat” dhe insistoi se ato “kanë takuar shumë herë”. Carey ka mbajtur të njëjtin qëndrim, duke thënë në të njëjtin vit se: “Me sa duket unë jam ajo harrestarja. Nuk e mbaj mend. Ndoshta ka qenë thjesht: ‘Tung, jam filanja’, dhe kaq. Nuk e njoh. Çfarë duhet të them tjetër?”

Gjatë intervistës, Carey foli edhe për një tjetër përplasje të famshme, konfliktin me Eminem. Kur u pyet nëse gjithçka kishte nisur kur reperi deshi ta angazhonte për të luajtur rolin e nënës së tij në filmin 8 Mile (2002), ajo tha se ishte pjesërisht e vërtetë: “Ka një të vërtetë aty. Por sinqerisht nuk më intereson. Çfarëdo që ai ka thënë, le të jetë. Në rregull. Jo vërtet, por kjo është thjesht një rresht repi.”

Eminem dhe Carey kanë shkëmbyer prej vitesh thumbime në këngë, ndërsa Carey i’u përgjigj me hitin e saj, Obsessed, që interpretohej gjerësisht si një parodi ndaj tij. Në fund, Carey iu përgjigj edhe një pyetje më të lehtë për ish-bashkëshortin e saj, Nick Cannon, i cili së fundmi ka siguruar organet e tij gjenitale për 10 milionë dollarë.

Duke rrotulluar sytë, Carey tha thjesht: “Zot, më ndihmo.”

Carey ka binjakët Moroccan dhe Monroe, 13 vjeç, me Cannon, me të cilin ishte e martuar nga viti 2008 deri në 2016. /A.Z/UBT News/

Vetëm pak ditë pasi u bë publike ndarja e saj nga regjisori i njohur Tim Burton, aktorja italiane Monica Bellucci ka reaguar për herë të parë duke folur me ndjenjë dhe respekt për marrëdhënien që ndanë.

Në një intervistë për revistën Vogue Italia, Bellucci u shpreh:

“Ka disa rrugë që kryqëzohen për të ndërtuar një udhëtim të përbashkët dhe më pas ndahen sërish. Rruga ime dhe ajo e Tim u takuan për të ecur së bashku për një kohë. Por pavarësisht ndarjes, ai do të ketë gjithmonë një vend të veçantë në zemrën time.”

Deklarata vjen pas njoftimit zyrtar të shpërndarë më 19 shtator nga agjencia AFP, ku u bë e ditur se Monica Bellucci dhe Tim Burton janë ndarë “me respekt të madh dhe kujdes të ndërsjellë”.

Ndarja e tyre, sipas Belluccit, nuk ka lënë vend për dramë apo konflikte.

Përkundrazi, ajo thekson se marrëdhënia e tyre mbetet një kapitull i rëndësishëm në jetën e saj, duke e përshkruar si lidhje me dashuri dhe vlerësim të ndërsjellë. /A.Z/UBT News/

Këngëtarja shqiptare me famë ndërkombëtare, Dua Lipa, 30 vjeçe, raportohet se ka pësuar një lëndim trupor gjatë turneut të saj në Shtetet e Bashkuara.

Ajo është kontrolluar nga një radiolog para se të merrte lejen për të vazhduar performancat.

Fansat u shqetësuan pasi e panë këngëtaren me shenja të dukshme në shpatull, duke ngritur dyshime për një dëmtim të mundshëm serioz.

Sipas gazetës The Sun, Dua ka marrë lejen për të vazhduar turneun pas kontrollit mjekësor, dëmtimi ka ndodhur gjatë momenteve të pushimit nga performancat. Një burim tha se po ndjek trajtime fizioterapie për rikuperim të plotë, por turneu do të vazhdojë pa ndërprerje.

“Lëndimi ndodhi gjatë një kohe pushimi nga turneu. Ka qenë i dhimbshëm, por pas kontrollit nga radiologu, i është dhënë drita jeshile. Turneu do të vazhdojë ashtu siç ishte planifikuar. Thjesht një nga këto situata,” tha burimi.

Përveç sfidave shëndetësore, u bë e ditur se  ka ndarë rrugët me agjentin, David Levy, pas përfshirjes në fushatë kundër grupit pro-palestinez “Kneecap”.  Ai kishte kërkuar që grupi të mos performonte në Glastonbury, duke pretenduar se ata po ushqenin antisemitizmin.

Letra që nënshkroi i kërkonte themeluesit të festivalit, Michael Eavis, dhe vajzës së tij, Emily, të hiqnin nga lista këngëtarët e Belfastit, të cilët akuzoheshin për mbështetje ndaj terroristëve të Hezbollah.

Megjithëse letra ishte private, ajo u bë publike më vonë, duke zbuluar qëndrimet e agjentëve ndaj artistëve që përfaqësonin.

Dua, e cila është mbështetëse e hapur e Palestinës, vendosi të ndërpresë bashkëpunimin me Levy-n dhe  Massive Attack, duke argumentuar se qëndrimet e tij nuk përputheshin me bindjet e saj. Ajo mbetet në të njëjtën kompani të talenteve, William Morris Endeavor, por tani përfaqësohet nga një agjent tjetër brenda saj.

Megjithëse Levy protestoi, Kneecap performoi në Glastonbury, dhe policia nuk ndërmori veprime të mëtejshme ndaj tyre.

Gjatë festivalit, një nga anëtarët e grupit, Liam Og O hAnnaidh, ishte n

ë liri me kusht, i akuzuar për shfaqjen e një flamuri Hezbollah gjatë një koncerti në nëntor të vitit të kaluar. Liam mohon akuzat, dhe çështja e tij është shtyrë deri në fund të këtij muaji.

Grupi gjithashtu akuzohej për mbështetje ndaj Hezbollah dhe Hamas gjatë festivalit amerikan Coachella në prill.

Lipa ka qenë prej kohësh mbështetëse e hapur e Palestinës e ka dënuar “gjenocidin izraelit” në Gaza në një postim të pasionuar në Instagram në maj të vitit të kaluar.

Ajo i’u bashkua artistëve të tjerë për të protestuar kundër “komplicitetit të Britanisë në Gaza”, duke shprehur ngushëllimet për jetët e humbura në Izrael më 7 tetor. /A.Z/UBT News/

Nicole Kidman është parë për herë të parë pas ndarjes nga bashkëshorti prej 19 vitesh, këngëtari country Keith Urban.

Aktorja australiane, 58 vjeç, është fotografuar gjatë një shëtitjeje në natyrë në Nashville, e shoqëruar nga motra e saj Antonia, e cila, sipas burimeve, është bërë mbështetja kryesore e saj në këtë periudhë të vështirë.

E veshur me rroba sportive dhe syze dielli, Kidman përpiqej të ruante një profil të ulët.

Në një moment u duk e relaksuar dhe duke qeshur me motrën, me të cilën zhvilloi një bisedë të gjatë gjatë një shëtitjeje rreth 4 kilometrash pranë vilës së saj 4 milionë dollarëshe, ku jetonte më parë me Urban dhe vajzat e tyre, Sunday Rose, 17 vjeç, dhe Faith Margaret, 14 vjeç.

Divorci i papritur dhe thashethemet për një tjetër grua

Vetëm pak ditë më parë, Urban u zhvendos nga shtëpia e përbashkët në një banesë në të njëjtin qytet, duke nxitur spekulime për probleme në martesë dhe mungesë intimiteti. Vetëm 24 orë më vonë, Kidman dorëzoi kërkesën për divorc në qarkun Davidson të Tennessee.

Burime nga industria muzikore për “Daily Mail” kanë deklaruar se Urban mund të jetë tashmë në një lidhje me një grua më të re, me emrin që përflitet më shumë të jetë kitaristja 25-vjeçare Maggie Baugh, e cila shoqëron Urban në turne.

Gjatë një koncerti të fundit, ai dyshohet se ndryshoi tekstin e një kënge të dedikuar më parë Kidman, duke përmendur emrin e Baugh, gjest që shumë fansa e konsideruan “poshtërues”.

Baugh postoi momentin në Instagram me përshkrimin: “A e tha me të vërtetë këtë?”, vetëm një ditë para se lajmi i ndarjes të bëhej publik.

Të afërmit e Kidman thonë se ajo është ndjerë thellësisht e poshtëruar nga zërat për një tjetër grua. “Ajo gjithmonë kujdesej për pamjen e saj, jo vetëm për rolet në film, por edhe për Keith,” tregon një mik i afërt. “Pyeste shpesh nëse ishte ende ‘tërheqëse’ për të, dhe ai gjithmonë i thoshte ‘po’. Por së fundmi dukej sikur ai ishte lodhur nga nevoja e saj për siguri.”

Edhe pse e tronditur, Kidman nuk ka ndërmend të dorëzohet. Pas divorcit me Cruise më 2001, ndërtoi jetë të re me Urban iu përkushtua martesës së tyre. Përkundër sfidave, përfshirë një qëndrim të Urban në rehabilitim disa muaj pas martesës, Kidman qëndroi pranë tij.

Burime pranë Urban thonë se ai përpiqet të qëndrojë i stabilizuar dhe fokusohet tek vajzat. “Ai nuk po qan për martesën që dështoi. Synimi është të jetë një prind i mirë,” thotë një mik i tij.

Urban nuk ka konfirmuar as mohuar thashethemet për lidhje të re, ndërsa rrjet janë mbushur me spekulime. /A.Z/UBT News/