

Bota
Tarifat e Trump godasin rëndë tregjet në Azi, shënojnë rënien më të madhe në dekada
Published
4 days agoon
By
UBTnewsTregjet financiare aziatike kanë regjistruar rënien më të mëdha në dekada të hënën, ndërsa investitorët po reagojnë ndaj tarifave të reja të vendosura nga presidenti amerikan Donald Trump. Indekset kryesore në Shangai, Hong Kong dhe Japoni panë humbje dramatike, duke reflektuar pasojat e taksave të reja të Trump mbi importet.
Tarifat e reja kanë shkaktuar shqetësime për ekonomitë aziatike, të cilat varen shumë nga eksportet, sidomos me Shtetet e Bashkuara. Pjesa më e madhe e vendeve të Azisë, përfshirë Japoninë, Korenë e Jugut dhe Vietnam, do të përballen me tarifa të konsiderueshme, ndërkohë që disa ekonomitë në zhvillim, si Bangladeshi dhe Kamboxhia, mund të përballen me tarifa edhe më të larta.
Ekonomitë e vogla të Azisë Juglindore, janë më të ndjeshme ndaj këtyre ndryshimeve, pasi tregu amerikan ka qenë një burim i rëndësishëm eksporti për to. Për shembull, Bangladeshi eksporton mallra të veshjeve në SHBA në vlerën e 8.4 miliardë dollarëve, dhe tarifa e re prej 37% mund të ketë pasoja të rënda.
Analistët dhe ekonomistët janë të shqetësuar për ndikimin afatgjatë të këtyre tarifave në ekonominë globale. Sipas Frank Lavin, ish-nënsekretar për tregtinë ndërkombëtare në Departamentin e Tregtisë së SHBA, Azia ka të ngjarë të ndjejë barrën më të madhe të këtij zhvillimi, pasi eksportet e saj drejt SHBA janë shumë më të mëdha se ato drejt tregjeve të tjera.
Në përgjigje të këtyre tarifave, Kina ka shpallur gjithashtu masat e saj kundër, duke thelluar pasigurinë në tregjet globale të aksioneve. Tregjet e aksioneve amerikane gjithashtu kanë regjistruar rënie të ndjeshme, me S&P 500 që ra gati 6%.
Goldman Sachs dhe JPMorgan kanë rishikuar parashikimet e tyre për recesionin, duke e rritur mundësinë e një rënieje ekonomike në SHBA në 45% dhe 60% respektivisht. Tregjet globale të aksioneve kanë humbur triliona dollarë që kur Trump njoftoi vendosjen e tarifave të reja, dhe kjo është parë si një faktor që do të vazhdojë të ndikojë negativisht në ekonomitë aziatike dhe globale në periudhën afatshkurtër dhe afatgjatë.
Bota
Komisioni i BE-së fillon konsultimin për rregullat e sigurisë kibernetike
Published
39 minutes agoon
April 11, 2025By
UBTnews
Komisioni Evropian filloi të premten të mbledhë të dhëna për të ndihmuar në rishikimin e rregullave kibernetike të bllokut, të cilat datojnë në vitin 2019, në përputhje me përpjekjet për të thjeshtuar rregullat ekzistuese.
Rishikimi i Aktit të Sigurisë Kibernetike (CSA) do të fokusohet në mandatin e agjencisë kibernetike të BE-së ENISA (The European Union Agency for Cybersecurity), si dhe në Kornizën Evropiane të Çertifikimit të Sigurisë Kibernetike dhe adresimin e sfidave të sigurisë së zinxhirit të furnizimit të TIK-ut, thuhet në deklaratën e Komisionit.
CSA i dha ENISA-s, e cila ka rreth 100 anëtarë staf, një mandat për të mbikëqyrur zbatimin e rregullave të sigurisë kibernetike në mbarë BE-në. Por një nga detyrat e saj, hartimi i një certifikimi vullnetar të sigurisë kibernetike për shërbimet cloud (EUCS), nuk ka avancuar ndjeshëm që nga viti 2019.
EUCS synohet të përdoret nga kompanitë për të demonstruar se zgjidhjet e certifikuara të TIK-ut kanë nivelin e duhur të mbrojtjes së sigurisë kibernetike për tregun e BE-së, por ajo u kthye në një betejë politike mbi kërkesat e sovranitetit. Ka pasur thirrje për ta bërë sistemin të detyrueshëm sipas CSA-së së re.
Henna Virkkunen, Komisionerja e BE-së për teknologjinë, tha se do të kryejë të ashtuquajturin Kontroll Dixhital të Fitnesit këtë vit, i cili do të vlerësojë nëse të gjitha rregullat ekzistuese të teknologjisë janë të rënda për kompanitë dhe do të identifikojë fushat për thjeshtim.
Konsultimi vjen disa javë pasi Virkkunen tha se ajo dëshiron që shtetet anëtare të miratojnë rregullat e sigurisë 5G për të mbrojtur rrjetet nga kërcënimet dhe rreziqet kibernetike. Në vitin 2020, shtetet anëtare ranë dakord të aplikojnë kufizime për furnizuesit që konsiderohen si me rrezik të lartë – si Huawei dhe ZTE i Kinës – duke përfshirë përjashtimet e nevojshme, pas shqetësimeve të sigurisë, por vetëm një numër i kufizuar vendesh kanë ndërmarrë hapa konkretë për të ndaluar kompanitë.
Palët e interesuara, duke përfshirë autoritetet kompetente të shteteve anëtare, autoritetet e sigurisë kibernetike, industrinë dhe shoqatat tregtare mund të japin komente për konsultimin deri më 20 qershor.
Bota
Lavrov: Rusia i propozoi SHBA-së heqjen e sanksioneve ndaj linjës ajrore Aeroflot
Published
3 hours agoon
April 11, 2025By
UBTnews
Rusia i propozoi Shteteve të Bashkuara të heqin sanksionet kundër linjës ajrore ruse Aeroflot, tha sot ministri i Jashtëm rus Sergei Lavrov.
“Ne e bëmë një propozim të tillë para takimit të lartpërmendur në Riad më shumë se një muaj më parë. Amerikanët e pranuan atë. Deri më tani nuk kemi parë asnjë hap reciprok”, tha ai.
Lavrov vuri në dukje se rivendosja e trafikut ajror midis dy vendeve duhet të jetë pasojë e heqjes së sanksioneve ndaj Aeroflot, raporton RIA Novosti.
Ai vuri në dukje se ekspertët rusë e kujtuan këtë propozim gjatë raundit të dytë të konsultimeve me SHBA në Stamboll të enjten.
“Të jem i sinqertë, nuk kam pasur mundësi të kontaktoj ende. Ndoshta ka pasur zhvillime, por ende nuk dimë për to. Por do të punojmë, sepse ky është një rikthim në normalitet”, tha ai.
Raundi i dytë i negociatave ruso-amerikane për rivendosjen e ndërsjellë të punës së plotë të misioneve diplomatike u mbajt në Stamboll më herët të mërkurën.
Sipas fjalëve të ambasadorit rus në Uashington, Aleksandër Darçiev, bisedimet u zhvilluan në një atmosferë pozitive dhe u mundësuan vendeve të bëjnë përparim në zgjidhjen e normalizimit të punës së ambasadave.
Bota
Kremlini konfirmon mbërritjen e të dërguarit presidencial amerikan në Rusi
Published
3 hours agoon
April 11, 2025By
UBTnews
Zëdhënësi i Kremlinit, Dmitry Peskov, ka bërë të ditur se i dërguari presidencial i SHBA-së, Steve Witkoff, ka mbërritur në Rusi për bisedime.
Duke folur në një konferencë për media në Moskë, Peskov nuk e konfirmoi ose mohoi atë nëse Witkoff do të takohet me presidentin rus, Vladimir Putin, por u zotua se do të njoftojë publikun nëse një takim i tillë ndodh.
“Po, e konfirmoj, ai vërtet ka mbërritur“, tha Peskov.
Më herët, mediat amerikane raportuan për vizitën e Witkoff-it në Rusi, duke sugjeruar se është planifikuar që ai të ketë një takim të tretë ballë për ballë me presidentin Putin.
Shërbimi i gjurmimit të fluturimeve ‘FlightRadar24’ tregoi aeroplanin e Witkoff-it duke u ulur në Shën Petersburg mëngjesin e sotëm.
Ardhja e të dërguarit amerikan në Rusi vjen një ditë pas përfundimit të raundit të dytë të bisedimeve ruso-amerikane për normalizimin e marrëdhënieve diplomatike në Istanbul.
Bota
SHBA-ja e godet me sanksione të reja “flotën në hije” të Iranit
Published
4 hours agoon
April 11, 2025By
UBTnews
Shtetet e Bashkuara kanë vendosur sanksione të reja ndaj “flotës në hije” të Iranit. Sanksionet godasin një individ dhe grupe me seli në Indi dhe Emiratet e Bashkuara Arabe, anijet e të cilëve kanë transportuar naftë iraniane.
Departamenti amerikan i Thesarit tha se shtetasi indian me bazë në Emirate, Jugwinder Singh Brar, është sanksionuar. Sipas Thesarit, ai ka kompani transportuese me një flotë prej pothuajse 30 anijesh.
“Anijet e tij janë përfshirë në transportin e rrezikshëm nga anija në anije të naftës iraniane në ujërat pranë Irakut, Iranit, Emirateve të Bashkuara Arabe dhe Gjirit të Omanit”, tha Thesari përmes një deklarate.
Sanksionet po ashtu kanë shënjestruar dy entitete nga Emiratet dhe dy nga India që kanë në pronësi dhe operojnë me anijet e Brarit dhe që kanë transportuar naftë iraniane në emër të Kompanisë Kombëtare iraniane të Naftës dhe të ushtrisë iraniane, tha Thesari amerikan.
“Regjimi iranian mbështetet në rrjetin e tij të transportuesve dhe ndërmjetësve sikurse Brar dhe kompanitë e tij, për të mundësuar shitjen e naftës dhe për të financuar aktivitetin e tij destabilizues”, tha sekretari i Thesarit, Scott Bessent.
Thesari tha se SHBA-ja mbetet e përqendruar në pengimin e të “gjitha elementeve të eksportit të naftës iraniane”, veçmas të atyre që përftojnë nga kjo tregti.
Presidenti i Shteteve të Bashkuara, Donald Trump, ka thënë se synon që të sjellë në zero eksportet e naftës së papërpunuar të Iranit. Shteti i tij ka shënjestruar edhe më herët njerëz dhe kompani që lehtësojnë shitjen e milionave fuqi të naftës iraniane.
Ekonomia e Iranit varet shumë nga të ardhurat e naftës dhe siç ka deklaruar Departamenti amerikan i Shtetit më 6 shkurt, këto të ardhura përdoren për të financuar “grupe terroriste dhe rrjetin e bashkëpunëtorëve”, duke iu referuar rrjetit rajonal të Iranit të përbërë nga grupe të armatosura që e kundërshtojnë Izraelin dhe SHBA-në.
Në bazë të marrëveshjes bërthamore, të arritur më 2015 mes Iranit dhe fuqive botërore, u hoqën sanksionet amerikane duke i mundësuar Iranit që të shesë naftë. Trumpi u tërhoq nga marrëveshja më 2018 dhe rivendosi sanksione që ulën eksportet në rreth 400.000 fuçi në ditë.
Më pas, Irani rriti eksportet përmes shmangies së sanksioneve. “Flota në hije” e cisternave të Iranit ka qenë thelbësore në aftësitë e Teheranit për të shmangur sanksionet dhe për të transportuar fshehurazi naftë.
Kjo përfshin dërgesat nga anija në anije, përmes ndërmjetësve, transaksioneve të fshehura financiare dhe ribrendimin e naftës duke ia fshehur origjinën iraniane e duke e bërë që të duket se vjen nga një shtet tjetër.
Këto metoda i kanë lejuar Iranit që të vazhdojë dërgesat e naftës dhe të krijojë të ardhura pavarësisht sanksioneve./REL/

Zyrtare: Amerika e Jugut propozon zgjerimin e Kupës së Botës 2030 në 64 skuadra

Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore

Zyrtare: Çmimi i rrymës rritet për 16 për qind

Komisioni i BE-së fillon konsultimin për rregullat e sigurisë kibernetike

Ed Sheeran mbështetës i pandashëm i Swift: Sekretet e miqësisë së tyre të fortë

Krasniqi: S’kemi marrë ftesë nga Kurti, me partitë e tjera kemi komunikim të vazhdueshëm

Osmani: Turqia mbetet partnere e rëndësishme e Kosovës

Ambasadori finlandez, Matti Nissinen, mbajti ligjëratën e dytë në UBT për zgjerimin e Bashkimit Evropian: “Një moment i ri për Evropën”

Osmani takon Erdogan: Turqia mbetet partnere e rëndësishme e Kosovës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë