Kronikë e zezë

​Tare: Inzaghi ndër më të mirët në botë

Ai ka theksuar se Interi ka shumë cilësi, por duhet pasur parasysh që nga tani e tutje ka shumë ndeshje për t’u zhvilluar.

Published

2 years ago

on

Igli Tare e konsideron trajnerin e Interit, Simone Inzaghin si njërin nga më të mirë në botë, derisa skuadrën e tij e sheh si favorite për ta tituar titullin e kampionit në Itali, edhe pse sipas tij kjo nuk do të jetë e lehtë.

“Interi mbetet skuadra që duhet mposhtur sepse bëri transferime të rëndësishme dhe është i fortë, por gjithçka do të vendoset në mars. “Nerazzurrët” tani do të kenë kundërshtarë të ashpër si Fiorentina, Juve, Roma dhe Atalanta, plus Atletico në Ligën e Kampionëve”, theksoi ai.

Ai ka theksuar se Interi ka shumë cilësi, por duhet pasur parasysh që nga tani e tutje ka shumë ndeshje për t’u zhvilluar.

“Për sa i përket alternativave cilësore, Interi nuk ka kundërshtar, por ky avantazh, të paktën në Serinë A, përfundon nëse luan çdo tre ditë dhe pastaj janë çerekfinalet e Ligës së Kampionëve”, deklaroi ai.

Madje, ish-drejtori i Lazios ka thënë se Interin e sheh ndër skuadrat favorite edhe në Ligën e Kampionëve.

“E shoh Interin në mesin e favoritëve, së bashku me Bayernin dhe Cityn. Simone është një nga teknikët më të mirë në botë dhe di të menaxhojë angazhimin e dyfishtë javor. Konfirmimi u dha në Superkupë: kishin ekipin më të fortë dhe sollën në shtëpi trofeun. Tani atij i mungon Scudetto për të kurorëzuar karrierën e tij, por ai tashmë kishte fituar kupa me Lazion dhe ishte kualifikuar në Ligën e Kampionëve”, tha Tare në fund.

Related Topics:
Continue Reading

Vendi

Vdes një grua në Dragash pas shpërthimit të bombolës së gazit

Published

1 day ago

on

October 10, 2025

By

Një grua ka humbur jetën në Dragash, si pasojë e shpërthimit të një bombole gazi në shtëpinë e viktimës.

Sipas Policisë, vdekjen e viktimës e ka konstatuar mjeku, derisa trupi i saj është dërguar në IML për obduksion.

“Raportohet se viktima femër kosovare ka mbetur pa shenja jete, dyshohet si pasojë e shpërthimit të një bombole gazi në dhomën e shtëpisë ku kishte qenë duke qëndruar. Njësitet policore dhe ekipi mjekësor kanë dalë në vendin e ngjarjes dhe nga mjeku është konstatuar vdekja e viktimës. Lidhur me rastin është informuar prokurori me urdhrin e të cilit trupi i pajetë i viktimës është dërguar në IML për obduksion”, thuhet në njoftimin e PK-së./S.K/EO/PK/

Continue Reading

Lajmet

​Parandalohet një rast kontrabande në Morinë, arrestohen dy persona

Published

1 day ago

on

October 10, 2025

By

Policia e Shtetit ka arrestuar shtetasit F. M. (52) dhe B.L. (55) pasi gjatë kontrollit në automjetet e tyre në Morinë janë gjetur mallra kontrabandë në vlerë mbi gjysmë milionë euro.

Gjatë operacionit Tarifa, në dalje të Shqipërisë, shërbimet e Policisë Kufitare Morinë kaluan në vijë të dytë për kontroll të detajuar, automjetin furgon me drejtues shtetasin B. L. dhe automjetin tip “Volkswagen”, me drejtues shtetasin F. M.

Gjatë kontrollit në automjetin me drejtues shtetasin F. M., u gjetën 1006 kuti me medikamente mjekësore të ndryshme, disa arka me 41.000 tableta dhe 2.194 telefona mobilë, ndërsa gjatë kontrollit në furgonin me drejtues shtetasin B. L., u gjetën 62 thasë me duhan, me peshë 930 kg.

Mallrat me vlerë rreth 54 milionë e 350 mijë lekë (562 mijë euro), u sekuestruan në cilësinë e provës materiale bashkë me dy automjetet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./S.K/KP/

Continue Reading

Vendi

Arrestohet një person në Prizren, dyshohet se sulmoi fizikisht një shtetase gjermane

Published

2 days ago

on

October 9, 2025

By

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

“Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Lajmet

Gjendet pa shenja jete një person në Prishtinë

Published

2 days ago

on

October 9, 2025

By

Policia e Kosovës ka njoftuar se është gjetur një person mashkull kosovar pa shenja jete në Prishtinë.

Pas konstatimit të vdekjes, trupi i viktimës është dërguar në IML për obduksion.

Në raportin e policisë thuhet se rasti është duke u hetuar edhe më tej.

“Prishtinë 08.10.2025 – 20:10. Raportohet se viktima mashkull kosovar, është gjetur pa shenja jete. Trupi i pa jetë i viktimës është dërguar në IML për obduksion. Rasti është duke u hetuar“, thuhet në raportin e Policisë së Kosovës./S.K/KP/PK/

Continue Reading

Të kërkuara