Lajmet

Talibanët në Zvicër për të kërkuar ndihma

Sot, 23 milionë afganë rrezikojnë të përballen me kequshqyerje.

Published

on

Një delegacion i talibanëve pritet të takohet me pjesëtarë të Kryqit të Kuq, zyrtarë evropianë dhe zviceranë në Gjenevë, për të biseduar për ndihma, në kohën e përkeqësimit të situatës humanitare në Afganistan.

Konferenca shënon herën e dytë që përfaqësuesit e Qeverisë së udhëhequr nga talibanët në Afganistan, marrin pjesë në negociata humanitare, nikoqire e të cilave është një shtet evropian.

Ministria e Jashtme zvicerane ka insistuar se prezenca e këtij delegacioni në Zvicër nuk nënkupton njohjen e Qeverisë së udhëhequr nga talibanët.

Kjo Qeveri ka dërguar muajin e kaluar një delegacion prej 15-anëtarësh në Olso për negociata të ngjashme me diplomatë perëndimorë.

Ndihma ndërkombëtare pothuajse është ndalur tërësisht, pavarësisht përkeqësimit të situatës humanitare në Afganistan, prej kur talibanët kanë ardhur në pushtet në muajin gusht të vitit të kaluar.

Thirrja e Gjenevës, fondacion që punon për të mbrojtur civilët gjatë konfliktit, është nikoqire e konferencës me dyer të mbyllura.

Zyrtarë të konferencës kanë thënë se gjatë takimeve synohet të garantohen ndihma humanitare për Afganistanin.

“Ky shtet është duke u përballur me emergjencë komplekse për shkak të konflikteve të armatosura, COVID-19, pasojave socio-ekonomike, dhe motit ekstrem”, ka thënë organizata joqeveritare.

“Sot, 23 milionë afganë rrezikojnë të përballen me kequshqyerje dhe 97 për qind e popullsisë jeton në nivelin e varfërisë”.

Thirrja e Gjenevës ka thënë se gjatë konferencës do të ndërmjetësohet diskutimi drejt përputhjes me “normat humanitare”, ndonëse nuk është përmendur trajtimi i grave dhe vajzave gjatë udhëheqësisë së grupit të talibanëve.

Organizata ka ftuar talibanët në konferencë “për të diskutuar statusin e ndihmës humanitare, mbrojtjen e civilëve, kujdesin shëndetësor, minat tokësore dhe mjetet tjera shpërthyese që kanë mbetur pas luftës”.

Përfaqësues të Agjencisë zvicerane për Zhvillim dhe Bashkëpunimin, ata të Departamentit për Paqe dhe të Drejta të Njeriut në kuadër të Ministrisë së Jashtme të Zvicrës dhe zyrtarë të Departamentit për Azi dhe Paqësor në po atë Ministri, pritet të takohen me delegacionin në konferencë, ka raportuar agjencia e lajmeve AFP.

Komiteti Ndërkombëtar i Kryqit të Kuq ka thënë po ashtu se do të zhvillojë bisedime me delegacionin.

Në takimin e zhvilluar më 26 janar, komuniteti ndërkombëtar ka lidhur ndihmën humanitare me respektim të të drejtave të njeriut nga ana e talibanëve, kryesisht ato të vajzave, grave dhe minoritetit etnik.

Asnjë shtet nuk e ka njohur Qeverinë e udhëhequr nga talibanët, kryesisht për shkak të mungesës së vëmendjes në këto çështje.

Amir Khan Muttaqi, ministri i Jashtëm i talibanëve dhe lideri i delegacionit që ka qenë në Olso, ka thënë javën e kaluar për agjencinë e lajmeve AFP, se grupi duket se po afrohet drejt njohjes ndërkombëtare.

“Ne jemi duke iu afruar atij qëllimi”, ka thënë ai, duke i bërë thirrje Uashingtonit që të zhbllokojë 9.5 miliardë dollarë të aseteve të Bankës Qendrore të Afganistanit, me qëllim të lehtësimit të krizës humanitare.

Afganistani është varur tejet shumë nga fondet ndërkombëtare në 20 vjetët e fundit, pasi tri të katërtat e gjithë buxhetit për shpenzime publike, janë siguruar nga ndihmat.

Talibanët kanë pretenduar fitore më 15 gusht të vitit të kaluar, pasi kanë marrë kontrollin e kryeqytetit, Kabulit.

Në atë periudhë, forcat ndërkombëtare, të udhëhequra nga Shtetet e Bashkuara i kanë dhënë fund prezencës gati 20-vjeçare në këtë shtet.

Continue Reading

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara