Lajmet

Takohet grupi punues për Institutin për krime të kryera gjatë luftës

Published

on

Është mbajtur takimi i parë i grupit punues për Institutin për krime të kryera gjatë luftës.

Me këtë rast, kryeministri i Republikës së Kosovë, Albin Kurti tha se analiza e kryer në mandatin e tij të parë si kryeministër ka hap rrugë që tashmë të punohet direkt në krijimin e koncept dokumentit për institutin. Ai ka theksor se emërimi i këtij instituti duhet të nënkuptojë të gjitha krimet e kryera gjatë luftës në Kosovë dhe se ky institut duhet të themelohet me ligj.

I pari i ekzekutivit theksoi se ky instituti duhet të ketë linjën e vetë buxhetore, strategjinë dhe ekspertë të fushës.

“Ky është momenti i fundit për neve, ne nuk e kemi luksin të gabojmë kësaj radhe, nuk kemi mundësi të eksperimentojmë dhe të dëshmojmë në ekspertimet tona për këtë arsye duhet bashkuar forcat të gjithë, sepse qëllimi është i përbashkët dhe ka të bëjë me institucionalizim dhe mbrojtjen dhe ruajtjen e kujtesës kolektive që do na nevojitet edhe për të ardhmen. Paqja kërkon drejtësi dhe rehabilitim në Kosovë, nuk ka ndodhur asnjëra e viktimat e luftës i meriton ë të dyjat”, tha Kurti.

Ministrja e Dritësisë, Albulena Haxhiu tha se sot po nis puna në krijimin e instituti për krimet e kryera gjatë luftës, i cili do ndihmojë në krijimin e një kujtese kolektive.

Ajo tha se iniciative të tilla ka pasur edhe më herët por ka munguar vullneti politik.

Haxhiu tha se tashmë me rishikim të buxhetit do ndahen mjete edhe për shtimin e katër prokurorive në prokurorinë speciale në departamentin për krime lufte, derisa tha se çdo dëshmi që kanë organizata e qytetarë do t’i adresohet institutit.

Aktualitet

I dyshuari për krime lufte, Ramadan Morina, del para Gjykatës Themelore në Prishtinë

Published

on

Ramadan Morina, i dyshuar për krime lufte kundër popullsisë civile, doli para Gjykatës Themelore në Prishtinë, ku pritet t’i caktohet masa e paraburgimit.

Arrestimi i tij u njoftua këtë javë nga Prokuroria Speciale dhe Policia e Kosovës.

Morina dyshohet se gjatë periudhës 29-31 mars 1999, në bashkëkryerje me pjesëtarë të forcave policore dhe ushtarake serbe, ka marrë pjesë në masakrën e 34 civilëve shqiptarë në fshatin Burim, Komuna e Malishevës.

Ai po jetonte në Serbi dhe ishte me profesion taksist.

“Gjatë hetimeve janë siguruar prova materiale, përfshirë dëshmi të dëshmitarëve okularë dhe të mbijetuarve”, thuhet në njoftimin e Prokurorisë Speciale.

Continue Reading

Aktualitet

Përditësohen të dhënat në pikat kufitare

Published

on

Janë përditësuar të dhënat mbi fluksin në kufi, nga Qendra Kombëtare për Menaxhim Kufitar, ku sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra.

Pritjet më të gjata raportohen në pikat kufitare në Merdarë dhe Kullë ku pritjet për të hyrë në Kosovë shkojnë deri në 10 minuta, kurse në pikat tjera kufitare raportohen pritje nga 3 deri në 5 minuta.

Përditësimi i të dhënavë të fundit është në ora 07:14 të mëngjesit.

Continue Reading

Lajmet

​VAR mund të vendosë për kartonët e verdhë dhe goditjet nga këndi në të ardhmen

Published

on

Howard Webb thotë se fushëveprimi i ndihmësit të videos në Premier Ligë mund të zgjerohet në të ardhmen për të përfshirë vendimet për kartonët e verdhë dhe dhënien e goditjeve nga këndi.

Shefi i gjyqtarëve thotë se ligjvënësit e lojës, Bordi Ndërkombëtar i Shoqatës së Futbollit (IFAB), po shqyrtojnë mënyrën se si funksionon VAR dhe ai është i hapur për diskutime rreth përdorimeve të tjera.

VAR, i cili ka vepruar në Premier Ligë që nga sezoni 2019-2020, aktualisht mund të ndërhyjë vetëm në ato që perceptohen si vendime që ndryshojnë ndeshjen – gola, kartonë të kuq direkt, penallti dhe identitet i gabuar.

“VAR ka qenë në fuqi për shtatë vjet dhe ka mbetur pothuajse i njëjtë. Nëse loja, ose njerëzit e përfshirë, na thonë se përdorimi më i madh do të ishte më i mirë për lojën, atëherë sigurisht që do të isha i hapur – por duhet të mendojmë me kujdes për pasojat, efektet e valëzuara,” tha Webb për BBC Sport.

Webb beson se abuzimi i gjyqtarëve në të gjitha nivelet e lojës është më i keq se kurrë dhe thotë se po ofrohet më shumë mbështetje për të mbështetur gjyqtarët.

Në janar, policia nisi një hetim pasi Michael Oliver mori kërcënime me vdekje në internet. Në shtator, Anthony Taylor u shkarkua përkohësisht nga detyra e gjyqtarit pasi u abuzua në mediat sociale.

Continue Reading

Aktualitet

​Mbështetësit e Vuçiq sulmojnë protestuesit në Serbi

Published

on

Në Serbi protestuesit serbë janë ndeshur me policinë pasi që ata po vazhdojnë me protesta në disa qytete në Serbi pas sulmit të djeshëm nga mbështetësit e Partisë Progresive Serbe (SNS) ndaj demonstruesve në Vërbas dhe Baçka Pallankë.

Tubimet u organizuan nga “Studentët në bllokadë”, të cilët u bënë thirrje qytetarëve të dalin në rrugë dhe të protestojnë para ambienteve të partisë së Vuçiq dhe departamenteve të policisë.

Situata u përshkallëzua në Novi Sad kur piroteknikë u qëlluan drejt qytetarëve nga drejtimi i ambienteve të SNS.

Tubimet më të mëdha po zhvillohen në Beograd, Novi Sad, Nish, Kragujevc dhe qytete të tjera, duke përfshirë Suboticën, Shabacin, Leskovcin, Somborin, Pançevën dhe Valevën.

Prokuroria ka urdhëruar identifikimin dhe ndjekjen penale të personave që kanë sulmuar policinë. Ministri i Brendshëm i Serbisë, Ivica Daçiç, ka konfirmuar plagosjen e “shumë qytetarëve” dhe të paktën gjashtë policëve.

Dje në Vërbas, mbështetësit e Aleksandar Vuçiq sulmuan protestuesit me fishekzjarrë, gurë, shishe dhe çelësa dhe një sulm i ngjashëm ndodhi edhe në Baçka Pallankë.

Protestat në Serbi kanë shpërthyer pas shembjes së tendës hekurudhore më 1 nëntor 2024 në Novi Sad, ku mbetën të vdekur 16 persona.

Continue Reading

Të kërkuara