Lajmet

Tajvani dënon Rusinë për dërgimin e trupave në rajonet e kontrolluara nga rebelët në Ukrainë

Tajvani ka vëzhguar nga afër situatën e Ukrainës.

Published

4 years ago

on

Presidenti i Tajvanit dënoi Rusinë për urdhërimin e trupave në rajonet e kontrolluara nga rebelët në Ukrainë dhe pretendoi se kriza po përdorej për të dëmtuar moralin në ishull, i cili ka qenë prej kohësh nën kërcënimin e një pushtimi kinez, përcjell UBT News.

Tajvani ka vëzhguar nga afër situatën e Ukrainës, teksa Kina pretendon sovranitetin mbi ishullin dhe është zotuar ta pushtojë atë një ditë – me forcë nëse është e nevojshme.

Pekini ka rritur presionin ushtarak, diplomatik dhe ekonomik ndaj Tajvanit që kur presidentja Tsai Ing-wen erdhi në pushtet në vitin 2016, pasi ajo kundërshton qëndrimin se ishulli është territor kinez.

“Qeveria jonë dënon shkeljen e sovranitetit të Ukrainës nga Rusia… dhe u kërkon të gjitha palëve që të vazhdojnë t’i zgjidhin mosmarrëveshjet në mënyrë paqësore dhe racionale”, tha Tsai.

Ajo i përshkroi Tajvanin dhe Ukrainën si “thelbësisht të ndryshme për sa i përket gjeostrategjisë, mjedisit gjeografik dhe rëndësisë së zinxhirëve të furnizimit ndërkombëtar”.

“Megjithatë, përballë forcave të jashtme që përpiqen të manipulojnë situatën në Ukrainë dhe të ndikojnë në moralin e shoqërinë së Tajvanit”, duke shtuar se të gjitha njësitë qeveritare duhet të jenë më vigjilente, transmeton UBT News.

Ministria e Mbrojtjes e Tajvanit tha vitin e kaluar se Kina ka nisur një fushatë dezinformimi që synon të pushtojë ishullin “pa luftë”.

Tsai të mërkurën u tha gjithashtu njësive të sigurisë kombëtare dhe ushtarake që të qëndrojnë vigjilente dhe të rrisin mbikëqyrjen e aktiviteteve ushtarake rreth Tajvanit.

Tremujori i fundit i vitit 2021 pa një rritje masive të inkursioneve nga avionët luftarakë kinezë në zonën e identifikimit të mbrojtjes ajrore të Tajvanit.

Vitin e kaluar, Tajvani regjistroi 969 inkursione të tilla, sipas një baze të dhënash të përpiluar nga AFP – më shumë se dyfishi i afërsisht 380 në 2020.

Pekini ka ndjekur një linjë të kujdesshme në Ukrainë, por gjithashtu ka ofruar mbështetje në rritje për presidentin rus Vladimir Putin.

Të dy fuqitë nënshkruan një deklaratë të përbashkët këtë muaj, duke rënë dakord për qëllime të shumta të politikës së jashtme, duke përfshirë mos zgjerimin e mëtejshëm të NATO-s dhe se Tajvani është një “pjesë e patjetërsueshme e Kinës”./UBTNews/

Related Topics:
Continue Reading

Lajmet

Esmeralda Kazia shpallet “Cybersecurity Woman of the World 2026”, shqiptarja e parë që merr këtë çmim

Published

29 minutes ago

on

July 31, 2026

By

Shqipëria ka shënuar një arritje të rëndësishme në fushën e sigurisë kibernetike, pasi Esmeralda Kazia është shpallur “Cybersecurity Woman of the World 2026”.

Kazia është shqiptarja e parë që fiton këtë titull prestigjioz, i cili vlerëson lidershipin, vizionin dhe kontributin në zhvillimin e sigurisë kibernetike në nivel ndërkombëtar.

Çmimi iu dorëzua gjatë ceremonisë së organizuar nga United Cybersecurity Alliance në Austri dhe Lihtenshtajn, ku morën pjesë përfaqësues të institucioneve shtetërore, organizatave ndërkombëtare, universiteteve, kompanive dhe ekspertë të sigurisë kibernetike nga më shumë se 30 vende.

Pas marrjes së çmimit, Kazia në një intervistë për transmetuesin publik austriak ORF theksoi rëndësinë e sigurisë kibernetike për mbrojtjen e institucioneve dhe besimit publik.

“Siguria kibernetike nuk ka të bëjë vetëm me mbrojtjen e teknologjisë, por me mbrojtjen e besimit”, u shpreh ajo.

Gjatë këtij edicioni janë zhvilluar edhe diskutime për mundësinë që ceremonia “Cybersecurity Woman of the World 2027” të organizohet në Shqipëri. Nëse realizohet, vendi pritet të mirëpresë ekspertë, institucione dhe përfaqësues ndërkombëtarë të fushës së sigurisë kibernetike.

Duke komentuar vlerësimin, Kazia tha se ky titull përfaqëson një përgjegjësi për të vazhduar punën në forcimin e sigurisë kibernetike dhe mbrojtjen e infrastrukturave kritike.

Esmeralda Kazia aktualisht është Drejtoreshë Ekzekutive e Teknologjisë për Teknologjinë Operacionale, Sistemet e Kontrollit Industrial dhe Automatizimin në Korporatën Elektroenergjetike Shqiptare (KESH). Më herët ajo ka udhëhequr operacionet kombëtare të monitorimit dhe reagimit ndaj incidenteve kibernetike në Autoritetin Kombëtar për Sigurinë Kibernetike.

Me mbi 13 vite përvojë në sigurinë kibernetike, transformimin digjital dhe mbrojtjen e infrastrukturave kritike, Kazia ka përfaqësuar Shqipërinë në forume ndërkombëtare si NATO, OSBE dhe iniciativa globale kundër sulmeve kibernetike. Ajo është gjithashtu pedagoge universitare dhe kërkuese shkencore, me fokus në inteligjencën artificiale dhe ekosistemet digjitale./Albinfo.ch//A.K/

Continue Reading

Lajmet

Sean “Diddy” Combs do të lirohet nga burgu më herët, data caktohet për janar 2028

Published

31 minutes ago

on

July 31, 2026

By

Reperi amerikan Sean “Diddy” Combs pritet të lirohet nga burgu më herët sesa ishte planifikuar fillimisht, pavarësisht një incidenti të fundit ku raportohet se u përfshi në një përleshje me një të burgosur tjetër.

Sipas të dhënave më të fundit të Byrosë Federale të Burgjeve, lirimi i Combs është caktuar për 24 janar 2028. Fillimisht, data e lirimit ishte parashikuar për maj të vitit 2028, por ajo është ndryshuar disa herë gjatë muajve të fundit.

Combs, 56 vjeç, u shpall i pafajshëm për akuzat më të rënda, përfshirë trafikimin e qenieve njerëzore dhe reketimin, por u dënua për organizim të prostitucionit.

Shkurtimi i dënimit lidhet me zbatimin e ligjit amerikan “FIRST STEP Act”, i cili u mundëson disa të dënuarve përfitime për lirime më të hershme.

Ndryshimi i fundit i datës së lirimit vjen vetëm një javë pasi reperi raportohet se u përfshi në një përleshje fizike me një të burgosur tjetër në burgun federal Fort Dix në New Jersey. Sipas raportimeve, konflikti nisi pas një përplasjeje verbale dhe më pas kaloi në përleshje fizike, derisa ndërhynë rojet e burgut.

Pas incidentit, Combs raportohet se është vendosur përkohësisht në izolim, megjithëse autoritetet e burgut nuk kanë konfirmuar detaje për ngjarjen.

Byroja Federale e Burgjeve ka deklaruar se, për arsye sigurie dhe privatësie, nuk komenton kushtet e qëndrimit të të burgosurve apo arsyet e ndryshimit të datave të lirimit./A.K/

Continue Reading

Lajmet

Haxhiu takon sot krerët e partive, në fokus seanca konstituive

Published

41 minutes ago

on

July 31, 2026

By

Sot është paraparë të mbahet mbledhja e përbashkët e kryetares së Kuvendit, Albulena Haxhiu, me kryetarët e subjekteve politike.

Kjo mbledhje vjen në kuadër të përgatitjeve për Seancën konstituive të Legjislaturës XI të Kuvendit të Republikës së Kosovës.

Takimi pritet të mbahet në ambientet e Kuvendit me fillim nga ora 11:00./A.K/

Continue Reading

Lajmet

Seancë gjyqësore për 21 të akuzuar për krime lufte në Prishtinë

Published

42 minutes ago

on

July 31, 2026

By

Sot në Gjykatën Themelore në Prishtinë pritet të mbahet seanca gjyqësore ndaj 21 personave të akuzuar për krime lufte kundër popullsisë civile.

Seanca është caktuar të nisë në ora 10:00, ndërsa të akuzuarit përballen me akuzën për veprën penale “Krime lufte kundër popullsisë civile”.

Në këtë rast janë të akuzuar: Zllatomir Peshiq, Mlladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavleviq, Bogolub Janiçqviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Kërsman Jellliq, Lubisha Stojimiroviq, Bozhidar Deliq, Radojko Stefanoviq, Dragan Zhivanoviq, Milosh Gjoshan, Lubinko Cvetiq, Bozhidar Filiq dhe Milovan Kovaçeviq.

Procesi gjyqësor lidhet me hetimet për krime të kryera gjatë luftës në Kosovë./A.K/

Continue Reading

Të kërkuara