

Lajmet
Tahiri: I tmerrshëm propozimi i pushtetit për krijimin e komisionit për hetimin e dhunës
“Sikur ky komision hetimor të propozohej nga grupet opozitare parlamentare do të ishte më se e arsyeshme”, tha ai,
Published
3 years agoon
By
UBT newsPropozimin e mazhorancës për themelimin e një Komisioni Hetimor për hetimin e dhunës në familje dhe dhunës ndaj gruas po konsiderohet i tmerrshëm nga Partia Demokratike e Kosovës dhe tregues se qeveria e Kosovës në dy vjetët e fundit ka dështuar në shumë hallka.
Shefi i Grupit Parlamentar të Partisë Demokratike të Kosovës, Abelard Tahiri tha sot se kur të vijë puna që pushteti të propozojë komisione hetimore duhet të shkarkohet ministri i Punëve të Brendshme, por edhe ajo e Drejtësisë.
Tahiri tha se krijimi i këtij komisioni është i mirëseardhur se si parti opozitare do të angazhohen në këtë proces.
“Sikur ky komision hetimor të propozohej nga grupet opozitare parlamentare do të ishte më se e arsyeshme, mirëpo të propozojë komision hetimor parlamentar mazhoranca-pushteti për hetimin e dhunës në familje dhe dhunës ndaj gruas vërtet është e tmerrshme. Duke qenë se kanë të gjitha institucionet, mekanizmat, institucionet në dorë për hetimin dhe për ndjekjen e këtij fenomeni jashtëzakonisht të dëmshëm për shoqërinë tonë dhe me u çu sot dhe me themelua sot komision hetimor partia në pushtet tregon se kjo qeverisje tash e dy vite vërtet ka pësuar dhe ka dështuar në shumë hallka. Kjo i bie që në radhë të parë kur të vije puna me krijua komision hetimor pushteti, atëherë së paku dy ministrat që lidhen me fushën e sundimit të ligjit, ministri i Punëve të Brendshme dhe ajo e Drejtësisë duhet me dhënë dorëheqje”, tha ai.
Deputeti i PDK-së, Abelard Tahiri u shpreh se nuk do të dërgojnë komente në ZRrE për paralajmërimin për shtrenjtim të tarifës së energjisë elektrike, teksa tha se këtë vendim do ta kundërshtojnë me rrugë gjyqësore.
“Ne besoj që do ta ndjekim rrugën e njëjtë kjo është farsë e pakuptimtë, ne edhe në Komisioni Hetimor për energji e kemi parë se çfarë koordinimi ka LVV me ZRrE këta janë një, një trup është dhe me iu dërguar komente është fyerje e inteligjencës sonë më së pari me iu dërgua atyre njerëzve, të cilët janë veç një instrument i Lëvizjes Vetëvendosje edhe Albin Kurtit, prandaj nuk dërgojmë komente të tilla, mirëpo do ta kundërshtojmë në proces gjyqësor këtë ngritje të energjisë elektrike, sepse është i dëmshëm dhe është e pabazuar kjo kërkesë që tashmë po e trajton ZRrE”, tha Tahiri.
Tahiri edhe njëherë e përsëriti qëndrimin e PDK-së për marrëveshjen e dakorduar mes palës serbe dhe asaj kosovare në kuadër të dialogut Kosovës-Serbi.
Ai theksoi se kjo marrëveshje më e dëmshme deri më tani në kuadër të negociatave dhe me të po merret një obligim ndërkombëtar për krijim të një institucion për vetmenaxhim të serbëve.
“Lajçak nuk ka thënë asgjë më shumë pos asaj që ka thënë edhe në medie, dhe ne kemi qëndrim të qartë karshi kësaj marrëveshje, konsiderojmë se Albin Kurti i ka sjell Kosovës pas 2 vitesh negociata e dialog komplet jo transparent i ka sjell Kosovës marrëveshje jashtëzakonisht të dëmshme të pamjaftueshme për ambiciet tona.Ne punua dhe kemi pas angazhim si PDK që kjo marrëveshje të jetë finale dhe të mos kthehemi prapë në tryezën e diskutimeve me Serbinë. Dhe çka po ndodh tash po e hapim një proces të ri të dialogut, pra vetë institucionet e Kosovës po e kontestojnë shtetësinë tonë…çështja është neni 7, çështja autonomia që ne po e marrim si obligim ndërkombëtar me e themelua…me marrëveshje ne po marrin obligim ndërkombëtar me themelua një institucion që është vet menaxhim i serbëve dhe pastaj do të na prezantohet qysh ka me qenë ai vetmenaxhim“, u shpreh ai.
Aktualitet
Nga farmakologjia te nanoteknologjia – UBT hap thirrjen për pjesëmarrje në Konferencën e 14-të Ndërkombëtare
Published
10 hours agoon
September 21, 2025By
Driton Iseni
UBT ka kënaqësinë të ftojë studiues, profesionistë, akademikë dhe studentë nga mbarë bota që të marrin pjesë në Konferencën Ndërkombëtare për Shkencat Farmaceutike dhe Natyrore (IC-PNS 2025), e cila do të mbahet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.
Ky edicion synon të shërbejë si një platformë unike shkencore për shkëmbimin e njohurive, prezantimin e kërkimeve më të fundit dhe diskutimin e ideve inovative në fushën e shkencave farmaceutike dhe natyrore.
Qëllimi dhe objektivat
Konferenca ka për synim të nxisë bashkëpunimin dhe shkëmbimin e përvojave mes studiuesve të rinj, doktorantëve, akademikëve, ekspertëve të fushës dhe profesionistëve të industrisë. Përmes këtij forumi ndërkombëtar do të trajtohen sfida dhe zhvillime të reja në farmaci, shkencat natyrore dhe ndikimin e tyre në shëndetin publik, teknologjinë dhe zhvillimin e qëndrueshëm.
Fushat dhe temat e konferencës
Temat e konferencës janë të gjera dhe ndërdisiplinore, duke përfshirë:
- Farmaci dhe farmakologji;
- Farmakognozi & fitokimi;
- Bioteknologji farmaceutike;
- Kimi farmaceutike dhe kimia medicinale;
- Farmaci klinike dhe shëndeti publik;
- Farmakogjenomikë dhe farmacovigjilencë;
- Sisteme të reja të shpërndarjes së barnave dhe nanoteknologji;
- Biokimi, kimi organike, fizike dhe analitike;
- Biologji, bioteknologji, biologi molekulare dhe toksikologji;
- Shkencat e ushqimit dhe nutricionit;
- Shkenca mjedisore dhe biofizikë;
- Ekonomia e barnave dhe digjitalizimi në shëndetësi;
- Kërkime në onkologji dhe gjenetikë.
Ky spektër i gjerë tematik krijon hapësirë për diskutim multidisiplinar dhe bashkëpunim mes kërkuesve dhe praktikuesve.
Afatet e rëndësishme
Dorëzimi i abstrakteve: 10 tetor 2025
Njoftimi për pranim: 17 tetor 2025
Afati i hershëm i regjistrimit: 17 tetor 2025
Afati i vonuar i regjistrimit: 20 tetor 2025
Dorëzimi i punimeve të plota: 14 nëntor 2025
Vlerësimi shkencor (peer review): 17 tetor 2025
Udhëzime për autorët
Të gjitha materialet e dorëzuara duhet të jenë origjinale dhe të papublikuara më parë. Punimet që nuk janë në përputhje me kriteret e formatimit nuk do të merren parasysh. Gjatësia maksimale e punimit është 6 faqe. Udhëzimet e plota mbi standardet e pranimit dhe formatimin mund të gjenden në faqen zyrtare të konferencës: Konferenca e UBT-së
Aktualitet
Arti dhe Media Digjitale në fokus – UBT mbledh studiues e profesionistë nga mbarë bota
Published
1 day agoon
September 20, 2025By
Driton Iseni
UBT ka kënaqësinë të ftojë studiues, profesionistë dhe krijues nga fusha të ndryshme për të marrë pjesë në Konferencën e 14-të Ndërkombëtare për Artin dhe Median Digjitale, e cila këtë vit zhvillohet në kuadër të Konferencës Ndërkombëtare të UBT-së për Biznes, Teknologji dhe Inovacion. Ky edicion vjen me fokus të veçantë mbi “Qëndrueshmërinë dhe Reziliencën”, si dy shtylla kryesore të zhvillimit në epokën digjitale.
Konferenca do të jetë një platformë e rëndësishme për shkëmbimin e dijeve dhe përvojave mes akademikëve, studentëve të programeve pasuniversitare, kandidatëve të doktoraturës, studiuesve të rinj dhe ekspertëve të industrisë. Synimi është të krijohet një hapësirë bashkëpunimi ku diskutohen tendencat më të reja dhe sfidat që lidhen me ndërthurjen e artit dhe teknologjisë.
Fushat që do të trajtohen:
- Konferenca mbulon një spektër të gjerë temash, përfshirë:
- Sfidat e artit dhe medias digjitale në epokën moderne;
- Përdorimi i teknologjisë kreative në art dhe media digjitale;
- Teknologjitë e reja që po transformojnë artin;
- Performanca artistike në kohën e artit digjital;
- Ndikimi i artit digjital në kulturën bashkëkohore;
- E ardhmja e galerive dhe muzeve;
- Ndikimi i teknologjisë në art dhe edukim;
- Shprehjet kreative dhe interaktive;
- Ndërveprimi njeri-kompjuter.
Datat kryesore të konferencës:
Dorëzimi i abstrakteve: 10 tetor 2025
Njoftimi për pranimin: 17 tetor 2025
Rishikimi shkencor (peer review): 17 tetor 2025
Regjistrimi i hershëm: 17 tetor 2025
Regjistrimi i vonuar: 20 tetor 2025
Dorëzimi i punimeve të plota: 14 nëntor 2025
Udhëzime për aplikim:
Punimet e paraqitura duhet të jenë origjinale, të papublikuara më parë dhe jo në proces shqyrtimi në konferenca apo revista të tjera. Tekstet duhet të jenë deri në 6 faqe dhe të përmbushin standardet e pranuara të konferencës. Punimet që nuk përmbushin kriteret e formatimit nuk do të merren në shqyrtim.
Për më shumë informacion mbi kriteret e aplikimit dhe procesin e regjistrimit, pjesëmarrësit ftohen të vizitojnë faqen zyrtare të konferencës në webfaqen e UBT-së: Konferenca e UBT-së
Kjo konferencë pritet të shndërrohet në një ngjarje unike ku arti, teknologjia dhe inovacioni takohen për të ndërtuar një të ardhme më kreative, më të qëndrueshme dhe më gjithëpërfshirëse.
Aktualitet
UBT hap thirrjen për pjesëmarrje në Konferencën Ndërkombëtare mbi Artet Performuese 2025
Published
2 days agoon
September 19, 2025By
Driton Iseni
UBT ka hapur thirrjen për pjesëmarrje në Konferencën e 14-të Ndërkombëtare për Arte Performuese, e cila organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion, me fokus të veçantë këtë vit tek Qëndrueshmëria dhe Rezilienca.
Ky aktivitet shkencor ndërkombëtar është i rishikuar nga ekspertë akademikë (peer reviewed) dhe ka për synim të sjellë së bashku studiues, praktikues, doktorantë, studentë pasuniversitarë, si dhe profesionistë të industrisë për të shkëmbyer njohuri, përvoja dhe qasje të reja në fushën e artit performues.
Datat e rëndësishme:
- Dorëzimi i abstrakteve: 10 tetor 2025
- Njoftimi i pranimit: 17 tetor 2025
- Rishikimi nga ekspertët: 17 tetor 2025
- Afati i hershëm i regjistrimit: 17 tetor 2025
- Afati i vonshëm i regjistrimit: 20 tetor 2025
- Dorëzimi i punimeve të plota: 14 nëntor 2025
Fushat që mbulon konferenca përfshijnë, por nuk kufizohen vetëm tek:
- Zhvillimi i teatrit pas luftës në Kosovë
- Roli i muzikës në ndërtimin e karakterit skenik
- Përgatitja psikologjike e aktorit në interpretimin e roleve
- Përgatitja fizike dhe rëndësia e saj për zhvillimin e aktorit
- Kinematografia para dhe pas luftës në Kosovë dhe trajtimi i temave të luftës
- Ndikimi i maskave greke në krijimin e maskave të teatrit modern
- Audicionet, monologët dhe përzgjedhja e tyre
- Teatri për fëmijë dhe të rinj
- Teatri si terapi për fëmijë dhe të rritur
- Inteligjenca Artificiale (AI) në aktrim
Konferenca synon të nxisë dialogun ndërdisiplinar dhe të krijojë një platformë unike për të diskutuar sfidat dhe prirjet e reja në artet performuese, duke i lidhur ato me zhvillimet globale në teknologji dhe shoqëri.
Punimet e paraqitura duhet të jenë origjinale, të papublikuara më parë dhe jo në proces shqyrtimi në ndonjë konferencë tjetër. Gjatësia maksimale e punimit është 6 faqe, sipas standardeve të specifikuara në faqen zyrtare të konferencës.
Për më shumë detaje dhe aplikim, vizitoni: KONFERENCA E UBT-së
Aktualitet
Von Der Leyen: Rusia e ka treguar plotësisht përbuzjen ndaj diplomacisë dhe ligjit
Published
3 days agoon
September 19, 2025By
UBT News
Presidentja e Komisionit Evropian, Ursula von der Leyen, në deklaratën e saj tha se Rusia e ka treguar plotësisht përbuzjen ndaj diplomacisë dhe ligjit ndërkombëtar gjatë muajit të fundit, duke kritikuar sulmet më të mëdha me dronë dhe raketa ndaj Ukrainës.
Ajo veçoi sulmet ruse në Kiev që goditën zyrën e BE-së në kryeqytet, si dhe shkeljet me dronë rusë në Poloni dhe Rumani.
“Këto nuk janë veprimet e dikujt që dëshiron paqe”.
Paketa e 19-të e sanksioneve vjen si përgjigje ndaj kësaj përshkallëzimi nga Putini, shpjegoi Von Der Leyen duke paraqitur elementët kryesorë të asaj që propozohet.
Ajo tha se BE-ja do të kërkojë të shkurtojë të ardhurat e Rusisë nga lëndët djegëse fosile, duke ndaluar importin e LNG-së ruse në tregjet evropiane.
118 anije shtesë nga “flota hije” ruse do të shtohen në listën e sanksioneve, që tani arrin në 560 anije.
Ajo shtoi se kompanitë kryesore të tregtimit të energjisë Rosneft dhe Gazpromneft tani do të jenë nën ndalim të plotë transaksionesh, dhe kompani të tjera do t’i nënshtrohen ngrirjes së aseteve.
“Në tre vjet, të ardhurat e Rusisë nga nafta në Evropë kanë rënë me 90%. Ne tani po e mbyllim këtë kapitull përgjithmonë. Ne po forcojmë luftën tonë kundër shmangies së sanksioneve. Ndërsa taktikat e shmangies bëhen më të sofistikuara, sanksionet tona do të përshtaten për të qëndruar përpara. Për herë të parë, masat tona kufizuese do të godasin platformat e kriptovalutave dhe do të ndalojnë transaksionet në kriptovaluta. Ne po listojmë banka të huaja të lidhura me sistemet alternative të pagesave të Rusisë. Dhe po kufizojmë transaksionet me entitete në zonat ekonomike speciale”, tha Von Der Leyen.
Paketa do të shtojë kufizime të reja direkte të eksportit për artikujt dhe teknologjitë e përdorura në fushëbetejë, duke ndikuar në 45 kompani në Rusi dhe në vende të treta./S.K/KP/

Nga farmakologjia te nanoteknologjia – UBT hap thirrjen për pjesëmarrje në Konferencën e 14-të Ndërkombëtare

Arti dhe Media Digjitale në fokus – UBT mbledh studiues e profesionistë nga mbarë bota

UBT hap thirrjen për pjesëmarrje në Konferencën Ndërkombëtare mbi Artet Performuese 2025

Von Der Leyen: Rusia e ka treguar plotësisht përbuzjen ndaj diplomacisë dhe ligjit

Komanda e Forcave Tokësore realizoi garën “Ujku Garues 2025”

Caktohet stadiumi ku do të luhet ndeshja Barcelona-PSG

Zhegrova kthehet fuqishëm në Juventus ndaj Borussia Dortmundit

Qeveria bart 904 mijë euro për subvencionet e efikasitetit të energjisë

Edhe një aktakuzë në mungesë për krime lufte
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26