Lajmet

Kusari-Lila për shtrenjtimin e rrymës: Po presim propozimin final të ZRrE

Ajo thotë se në takimin e 18 marsit presin qasje konstruktive.

Published

3 years ago

on

Për shkak të disa udhëtimeve të deputetëve të Kuvendit të Kosovës gjatë kësaj jave nuk do të mbahet asnjë seancë plenare, kështu ka bërë të ditur shefja e grupit parlamentar të Lëvizjes Vetëvendosje, Mimoza Kusari-Lila e cila komentoi edhe pritshmëritë për takimin e 18 marsit në Ohër në kuadër të dialogut Kosovë-Serbi.

Për paralajmërimin e ZRRE-së për shtrenjtim të tarifave të energjisë elektrike për 14% nga prilli, ajo tha se ditët e në vijim pritet të shihet propozimi final për modelin e tarifave.

“Këtë javë nuk do të ketë seanca plenare, arsyeja është se janë dy delegacione të Kuvendit në udhëtime njëri që veçse tash ka udhëtuar për Tajvan në Forumin për Demokraci me mbështetje të NDI në një pjesëmarrje të vendeve nga gjithë rajoni. E gjithashtu ka të bëjë me Komisionin parlamentar për Stabilizim-Associm në të cilin komisioni parlamentar nga Kosova dhe Komisioni Parlamentar nga Parlamenti Evropian takohen bashkë një herë në vit në Strasburg që do të ndodh midis datave 15 dhe 16 mars, dhe tjetri ndodh në Prishtinë që do të ndodh në nëntor”, tha ajo.

Kusari-Lila thotë se në takimin e 18 marsit presin qasje konstruktive, derisa theksoi se sa i përket planit të veprimit ende nuk është konfirmuar ai final.

“Ajo çka ne presim është qasje konstruktive edhe pse në këtë rast mund të flasim vetëm për njërën palë për palën e Kosovës, përderisa ka deklarata dekurajuese nga presidenti serb, megjithatë a do të ketë sukses apo jo takimi i 18 marsit në Ohër mbetet të shihet në ditën e takimit. Sa i përket përmbajtjes kjo është punë në proces nuk ka ende finale të konfirmuar sa i përket planit të veprimit ajo është në mes të palëve dhe natyrisht me ndërmjetësin evropian, Lajçak, por parimisht në bazë të planit të konfirmuar apo të miratuar në parim por jo të nënshkruar nga të dy palët do të rrjedh edhe ky plan i veprimit apo në bazë të atij plani do të dakordohet për plan veprimi nëse do të arrihet dakordim”, tha ajo.

Lidhur me paralajmërimin e Zyrës së Rregullatorit të Energjisë (ZRrE) për shtrenjtim të energjisë elektrike për 14%, deputetja e LVV-së tha se në ditët e në vijim pritet të shihet propozimi final për modelin e tarifave.

Derisa theksoi se Qeverisë së Kosovës i mbetet të gjejë se cila është forma për ta ulur ndikimin negativ të këtyre tarifave për qytetarët e Kosovës.

“I njëjti propozim ka qenë edhe vitin e kaluar, flasim për dëgjime vjetore që janë të rregullta të ZRrE që bëhet me kërkesën e operatorëve të cilët veprojnë në treg në sektorin e energjisë, pastaj do të varet nga modalitetet e gjetjes së zgjidhjeve për mbulimin e kostove nga ana e subvencioneve të qeverisë. Edhe vitin e kaluar ka qenë propozimi i ZRrE për shtrenjtim të energjisë elektrike, pastaj qeveria ka propozuar subvencionimin i cili ka përfshirë… mbetet të shihet tashmë në ditët në vijim se cili do të jetë propozimi final për modelin e tarifave të energjisë elektrike, dhe prapë po them mbetet në trajtim nga ana e qeverisë se cila është forma dhe mënyra më e mirë për të ulur ndikimin negativ që mund të ketë tek familjet kosovare, në veçanti të atyre me të hyra më të vogla”, tha Kusari-Lila.

Lidhur me ecurinë e Ligjit për liritë fetare për të cilin nevojitet edhe prezenca dhe vota e deputetëve të Listës Serbe, deputetja e LVV-së, Mimoza Kusari-Lila tha se ende nuk kanë ndonjë konfirmim final se ata do të kthehen për të marr pjesë në seanca.

“Deputetët e ardhur në radhës pas dorëheqjes së deputetëve të parë të Listës Serbe nuk kanë ardhur asnjëherë në Kuvend, ne nuk kemi kontakt me ta dhe nuk kanë marr pjesë as në grupe punuese. Kanë qenë përfaqësuesit e shteteve të QUINT-it që kanë mbajtur kontakte me ta apo që kanë kërkuar pjesëmarrjen e tyre, megjithatë nëse ka kërkesa të vazhdueshme për bashkësitë fetare atëherë duhet të jetë në interes të gjithë deputetëve pa dallim pjesëmarrja dhe votimi në këtë seancë në ditën kur është projektligji për liritë fetare në lexim të parë…ende nuk kemi një konfirmim final apo ndonjë indikacion se ata do të kthehen në seancë“, u shpreh ajo.

Related Topics:
Continue Reading

Lajmet

Islam Selmani i artë, medalja e 7-të për Kosovën

Published

36 minutes ago

on

September 1, 2026

By

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Continue Reading

Lajmet

“Ku-Fest” nis edicionin e tretë në Kumanovë, sjell teatrin shqiptar dhe artistë nga rajoni

Published

1 hour ago

on

September 1, 2026

By

Edicioni i tretë i Festivalit Ballkanik të Teatrit “Ku-Fest” ka nisur në Kumanovë, duke sjellë në skenë një program të pasur artistik dhe teatrin shqiptar.

Pas ceremonisë së hapjes, publiku ka ndjekur shfaqjen “Rinoqerontët” të Eugène Ionesco-s, me regji të Vasil Vasilev dhe në interpretim të Teatrit Shqiptar – Shkup. Shfaqja ka shënuar hapjen zyrtare të programit teatror të festivalit.

Mbrëmja ka vijuar me muzikë live nga “Nezafete Shala dhe Melodia e Vjetër”, duke krijuar atmosferë festive për të pranishmit.

Programi i “Ku-Fest” vazhdon sonte, më 1 shtator, me shfaqjen “Vetmi në perëndim” të Martin McDonagh, në produksion të S.H.E. Kulturës – Abdulla Krashnica dhe Teatrit të Qytetit – Preshevë, me regji të Afeida Boriqit.

Festivali synon të krijojë një hapësirë të përbashkët për teatrot dhe artistët e rajonit, përmes shfaqjeve dhe aktiviteteve që promovojnë kulturën, artin dhe bashkëpunimin ndërkufitar./A.K/

Continue Reading

Lajmet

Nis vitin e ri shkollor UBT International Smart Schools

Published

1 hour ago

on

September 1, 2026

By

Në Parkun Shkencor, Inovativ dhe Teknologjik të UBT-së në Lipjan është shënuar zyrtarisht fillimi i vitit të ri shkollor 2026/27 për UBT International Smart Schools. Në ceremoninë morën pjesë nxënës, prindër, themeluesi i UBT-së, Prof. Dr. Edmond Hajrizi dhe stafi arsimor, duke konfirmua përkushtimi për një arsim modern të mbështetur në akreditimin e marrë nga Cambridge International Education.

Gjatë fjalës së tij, Presidenti dhe Themeluesi i UBT-së, Prof. Dr. Edmond Hajrizi, nënvisualizoi vizionin e UBT International Smart Schools për formimin e krijuesve të së ardhmes.

“UBT International Smart Schools bazohen në një vizion të qartë: vendosjen e nxënësit në qendër dhe lidhjen e dijes me praktikën, teknologjinë e inovacionin. Akreditimi nga Cambridge është sa njohje ndërkombëtare, aq edhe përgjegjësi për të ruajtur cilësinë. Në këtë epokë të inteligjencës artificiale e robotikës, synimi ynë është që nxënësit të mos jenë thjesht përdorues të teknologjisë, por krijuesit e së ardhmes”, u shpreh Hajrizi.

Përmes qasjes në infrastrukturën e UBT Smart City, nxënësit do të kenë në dispozicion laboratorë të avancuar me fokus të veçantë te inteligjenca artificiale, programimi, robotika dhe teknologjitë digjitale. Po ashtu, rëndësi do t’i kushtohet zhvillimit fizik përmes fuqizimit të Akademisë dhe Klubit Sportiv të shkollës.

Zëvendësdrejtoresha Shqipe Agushi u shpreh se objektivi kryesor mbetet zbulimi dhe zhvillimi i talentit të secilit nxënës përmes mjediseve inovative. Me këtë model arsimor multidisiplinar, UBT International Smart Schools hyn në vitin e ri shkollor me synimin e qartë për të përgatitur gjeneratat e reja me aftësitë e nevojshme për tregun global.

Continue Reading

Lajmet

Çeku viziton SBAShK-un me rastin e fillimit të vitit të ri shkollor

Published

1 hour ago

on

September 1, 2026

By

Ministri në detyrë i Arsimit dhe Shkencës, Hajrulla Çeku, së bashku me zëvendësministrin në detyrë, Përparim Kryeziu, ka vizituar SBAShK-un me rastin e fillimit të vitit të ri shkollor 2026/2027.

Ata janë pritur nga kryetari i SBAShK-ut, Rrahman Jasharaj, nënkryetarja Vjollca Shala dhe sekretari i përgjithshëm Ymer Ymeri.

Gjatë takimit është diskutuar për përgatitjet për fillimin e vitit të ri shkollor, rolin e mësimdhënësve, bashkëpunimin ndërmjet institucioneve dhe përfaqësuesve të komunitetit arsimor, si dhe për synimin e përbashkët për rritjen e cilësisë së arsimit në Kosovë.

Ministri Çeku ka uruar një vit të mbarë shkollor për mësimdhënësit dhe nxënësit, ndërsa ka falënderuar përfaqësuesit e SBAShK-ut për mikpritjen dhe bashkëpunimin.

Kryetari i SBAShK-ut, Rrahman Jasharaj, ka vlerësuar vizitën e zyrtarëve të MASh-it dhe ka shprehur mbështetjen e sindikatës për Strategjinë e Arsimit 2035+, të cilën e ka cilësuar si dokument të rëndësishëm për zhvillimin e arsimit gjatë dekadës së ardhshme./A.K/

Continue Reading

Të kërkuara