Lajmet

Sveçla: Po shqyrtojmë alternativat për akomodimin e afganëve, përjashtohet Qendra e Studentëve

Publikuar

3 vjet më parë

më

Autoritetet në Prishtinë po bisedojnë me partnerët për të parë se cilat janë alternativat më të mira për akomodimin e shtetasve afganë, të cilët janë të rrezikuar nga talibanët.

Kështu deklaroi të mërkurën, ministri i Punëve të Brendshme, Xhelal Sveçla, i cili tha se Kosova ka kapacitete “jashtëzakonisht të vogla” për t’u marrë me situata të tilla të jashtëzakonshme.

Megjithatë, Sveçla nuk dha detaje se sa afganë do të vijnë në Kosovë dhe kur pritet ardhja e tyre.

“Ne jemi në koordinim të vazhdueshëm me Shtetet e Bashkuara të Amerikës, përkatësisht me Departamentin amerikan të Shtetit dhe me Ambasadën amerikane këtu dhe me përfaqësuesit e NATO-s, në mënyrë që atë që e kemi deklaruar në vazhdimësi se aleate dhe partnere strategjike i kemi Shtetet e Bashkuara të Amerikës dhe NATO-n, të jemi pjesë e lehtësimit të kësaj situate jashtëzakonisht të rëndë për shtetasit afganë, posaçërisht për një grup që njihet si grup i të rrezikuar”, tha Sveçla gjatë një konference për media.

Ai tha se ka pak gjasa që afganët, që pritet të vijnë në Kosovë, të strehohen përkohësisht në Qendrën e Studentëve në Prishtinë, ashtu siç kishin raportuar disa media lokale.

“Kemi bërë planet operative, në mënyrë që i gjithë ky proces të organizohet në mënyrë sa më të mirë të mundshme. Ka disa alternativa të ndryshme, qoftë për strehim qoftë edhe për mënyrën e pritjes dhe transportimit të tyre nëpër vendet ku ata do të akomodohen”, tha Sveçla.

Ministri Sveçla tha se Qeveria e Kosovës ka marrë vendimet e duhura për t’iu mundësuar qëndrim të përkohshëm shtetasve afganë të cilët kanë bashkëpunuar me SHBA-në dhe NATO-n.

Afganët, tha Sveçla, do të qëndrojnë përkohësisht në Kosovë, derisa të përfundojnë procedurat për qëndrim afatgjatë në SHBA apo në vende të treta.

Javën e kaluar, Qeveria e Kosovës tha se Shtetet e Bashkuara do të mbulojnë të gjitha shpenzimet për strehimin e shtetasve afganë që kanë bashkëpunuar me amerikanët.

Përveç Kosovës, edhe Shqipëria dhe Maqedonia e Veriut janë shprehur të gatshme të strehojnë afganët.

Mijëra afganë dhe shtetas të huaj po evakuohen nga Afganistani, pasi më 15 gusht, militantët talibanë morën kontrollin e Kabulit.

Trupat e Shteteve të Bashkuara, që së bashku me aleatët e tjerë po ndihmojnë në evakuim nga aeroporti i Kabulit, pritet të tërhiqen nga Afganistani deri më 31 gusht./REL/

Etiketa
Vazhdo të lexosh

Lajmet

​Kërkohet paraburgim ndaj të dyshuarit për ngacmim të vazhdueshëm seksual

Publikuar

9 orë më parë

më

10 Maj, 2024

nga

Prokuroria Themelore në Gjakovë ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh ndaj të pandehurit me inicialet A.D.

Sipas kërkesës së Prokurorisë, ekziston dyshimi i bazuar se i pandehuri nga muaji dhjetor i vitit 2023 e deri me datën 08 maj 2024, në Gjakovë, e ka ngacmuar seksualisht në vazhdimësi një të mitur.

“Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet A.D., nga muaji Dhjetor i vitit 2023 e deri me dt.08.05.2024, në Gjakovë, e ngacmon seksualisht në vazhdimësi personin e dobët të dëmtuarën/e mitur, në formë të sjelljes së padëshiruar verbale dhe jo verbale të natyrës seksuale me qellim të cenimit të dinjitetit, në atë mënyre që pasi që i pandehuri dhe e dëmtuara/e mitur ishin njoftuar përmes rrjeteve sociale, i dërgon mesazhe të natyrës seksuale, me të cilat veprime të dëmtuarës ia cenon dinjitetin dhe tek e njëjta krijon një mjedis i cili objektivisht është frikësues, degradues dhe poshtërues”, thuhet në njoftimin e prokurorisë.

Tutje sipas njoftimit me këto veprime formohet dyshimi i bazuar se i pandehuri ka kryer veprën penale, ngacmim seksual në vazhdimësi.

Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

9 orë më parë

më

10 Maj, 2024

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Kulturë, Lifestyle

Izraeli rezervon vendin në finale të Eurovisionit

Publikuar

10 orë më parë

më

10 Maj, 2024

nga

Izraeli është kualifikuar në finalen e madhe të Eurovisionit të kësaj fundjave, duke sfiduar mijëra protestues që marshonin në vendin nikoqir të Eurovisionit, Suedi, për luftën në Gaza.

Këngëtarja Eden Golan performoi këngën e saj “Hurricane” në gjysmëfinalen e dytë të së enjtes para 9 mijë shikuesve në Malmo Arena dhe rezervoi vendin e saj në finale falë votave të shikuesve./UBTNews/

Vazhdo të lexosh

Lajmet

Gjermania dënon protestat e dhunshme ndaj UNRWA-s

Publikuar

10 orë më parë

më

10 Maj, 2024

nga

Ministria e Jashtme gjermane ka dënuar protestat e dhunshme ndaj agjencisë së OKB-së për refugjatët palestinezë në Jerusalemin Lindor.

“Izraeli duhet të ofrojë mbrojtje ndaj objekteve të OKB-së dhe personelit. OKB-ja duhet t’i shërbejë mandatit të rëndësishëm në Gaza, Bregun Perëndimor dhe Jerusalemin lindor”, shkroi Ministria në platformën “X”.

UNRWA mbylli të enjten selinë e saj në Jerusalemin Lindor pasi izraelitët i vunë zjarrin zonave në skaj të kompleksit të saj.

Philippe Lazzarini, kreu i UNRWA, tha se ky ishte incidenti i dytë i dhunshëm në më pak se një javë./UBTNews/

Vazhdo të lexosh

Të kërkuara