Lajmet

​Sveçla: Inteligjenca artificiale mjet i fuqishëm në luftimin e terrorizmit

Published

2 years ago

on

Inteligjenca artificiale është një mjet i fuqishëm në luftimin e terrorizmit dhe krijimin e një bote më të sigurt, por nuk duhet injorohet fakti që ky mjet përdoret edhe nga organizatat terroriste për qëllimet dashakeqe. Kështu u tha në debatin e organizuar nga Qendra Amerikane për Luftimin e Ekstremizmit dhe Terrorizmit (AÇET) me temën “Roli i Inteligjencës Artificiale (IA) në Luftën Kundër Terrorizmit dhe Sigurinë Kombëtare”.

Ministër i Punëve të Brendshme, Xhelal Sveçla theksoi se Kosova viteve të fundit është përballur me numër të madh të rasteve terroriste, ndërsa shtoi se si ministri kanë zhvilluar strategjitë që parashohin kapacitetet për luftimin e terrorizmit.

Ministri, Sveçla theksoi se inteligjenca artificiale është një mjet i fuqishëm në luftimin e terrorizmit. Por, ai shtoi se nuk duhet të injorohet fakti që ky mjet përdoret edhe nga organizatat terroriste për qëllimet dashakeqe.

“Roli i inteligjencës artificiale në luftimin e terrorizmit bëhet jetik, ne tashmë kemi pranuar se inteligjenca artificiale është një mjet i fuqishëm në luftimin e terrorizmit në shumë dimensione. Fillimisht neve na ofron mundësinë të menaxhojmë të dhëna që janë jashtëzakonisht të mëdha dhe të punojmë në mënyrë më efikase dhe efektive. Inteligjenca artificiale mund të bëjë në mënyrë automatike detyrat e vazhdueshme duke hequr barrën nga zyrtarët tanë dhe sigurisht duke gjurmuar të gjithë terroristët në një mjedis të tillë, dhe të gjitha këto shkathtësi mund të jenë jetike në mbrojtjen e qytetarëve tanë nga sulmet kibernertike…. Ne mendojmë që inteligjenca artificiale mund të ndihmoj hetimet financiare që t’i identifikojmë transaksionet e dyshimta dhe mund të japim indikacione për financimin e terrorizmit… Nuk mund ta injorojmë faktin që organizatat terroriste janë duke e shfrytëzuar inteligjencën artificiale për qëllimet dashakeqe për të krijuar dezinformata dhe për të bërë identitete sintetike për të sulmuar me sulme kibernetike”, tha ai.

Dwaine Lee, zëvendëspresident në Qendrën Amerikane për Luftimin e Ekstremizmit dhe Terrorizmit u shpreh se inteligjenca artificiale mund të ketë ndikim pozitiv në zbulimin e terrorizmit.

Duke theksuar se ky mjet mund të përdoret edhe nga vetë terroristët, Lee deklaroi se duhet parë se si inteligjenca artificiale mund të përdoret për të mbajtur vendin e sigurt.

“Inteligjenca artificiale me të vërtetë mund të ketë ndikim pozitiv në zbulimin dhe prapësimin e terrorizmit, por gjithashtu është edhe e pritshme se edhe terroristët e përdorin po ashtu për radikalizimin dhe shënjestrimin e njerëzve të caktuar. Prandaj, detyra jonë dhe diskutimi i sotshëm është që të kemi një debat të frytshëm një bashkëbisedim të frytshëm në atë se si mund ta përdorim si mjet të ri që më së miri ta mbajnë Kosovën dhe këtë regjion dhe synimi unë ta kemi krejt botën një vend të sigurt për ne”, theksoi ai.

Drejtor i Departamentit për Siguri dhe Siguri Publike në OSBE, Edward Anderson këshilloi se inteligjenca artificiale duhet të përdoret me një ekuilibër. Sipas tij ky mjet duhet të përdoret për të mirë dhe sundim të ligjit.

“Të kemi një zingjir të ruajtjes dhe një zingjir të intervenimit dhe Kosova po bëhet një vend historik se sa herë kur po kthehem këtu po merrni shumë gjëra për sipër në një kohë të shkurtër do të thotë gjithmonë duke përdorur më të mirën e sundimit të ligjit. Duhet ta pranoj se duhet të ketë një përcaktim për ta bërë këtë….Mos e përdorni inteligjencën artificiale për gjithçka, por vetëm kur është e rëndësishme duhet të ketë një ekuilibër të tillë, dhe kur flasim për intervenimet kundër terrorizmit është çështje që nga përvoja ime jam i frustruar duhet të punojmë shumë shpejt me ata kundërshtarët tanë ta kapim hapim dhe besoj që edhe në Kosovë është e njëjta”, deklaroi Anderson.

Related Topics:
Continue Reading

Sport

Ndeshje interesante në Ligën e Konferencës në futboll

Published

1 hour ago

on

October 23, 2026

By

Ndeshjet e radhës në Ligën e Konferencë në futboll sollën futboll të mirë dhe rezultate mjaft interesante.

Ekipi i Shqipërisë, Egnatia barazoi me Aarhus 1:1. Ekipi zviceran Thun u mund në fushën e vet nga Hajduku i Splitit, me rezultat  0-1. Ron Raçi ishte në bankën rezervë te kroatët.

Lugano e Zvicrës mundi Getafen e Spanjës me rezultat 5:2. Tre gola për ekipin zviceran i shënuan shqiptarë, dy Albian Ajeti e një Uran Bislimi.

Kwto ishin rezultatet e plota:

Kairat Almaty 1-5 Panathinaikos;

Iberia Tbilisi 1-1 Mjällby;

Nordsjælland 2-2 CSKA Sofia;

Crvena Zvezda 2-2 Copenhagen;

Jablonec 0-0 Brighton;

Kauno Žalgiris 1-4 Brann;

Getafe 2-5 Lugano;

Inter Escaldes 1-3 Universitatea Craiova;

Pafos 1-1 Riga;

Trabzonspor 2-0 Hearts;

Ajax 2-0 Atalanta;

Aarhus 1-1 Egnatia;

Monaco 3-0 Freiburg;

Midtjylland 0-1 Sint-Truidense;

Thun 0-1 Hajduk Split;

Borac 2-0 KuPS Kuopio;

Lincoln Red Imps 1-4 Twente;

Braga 2-0 Gent.

Continue Reading

Sport

Befasi të mëdha në ndeshjet e Europa Ligës

Published

1 hour ago

on

October 23, 2026

By

Mbrëmjen e së enjtes janë zhvilluar ndeshjet e radhës në kuadër të Europa Ligës në futboll.

Skuadrat Italian, Milan e Juventus nuk u ndanë mirë. E para u mund bindshëm nga angleze Bournemouth 3-0, ndërsa e dyta u ndal në barazim në stadiumin e saj, me Rennes.

Sunderlandi i Granit Xhakës u ndal në barazim ndaj Lech Poznań, 1-1, ndërsa Hoffenheimi i Avdullahut e Asllanit mundi bindshëm Lyonin francez, 3:0.

 

Këto ishin rezultatet:

Ararat-Armenia 0-4 AZ Alkmaar;

Ferencváros 4-1 Torreense;

GNK Dinamo 2-4 N.E.C. Nijmegen;

Juventus 2-2 Rennes;

Lech Poznań 1-1 Sunderland;

OFI Crete 0-2 Leverkusen;

Union SG 4-0 Hapoel Beer-Sheva;

Sturm Graz 1-0 Marseille;

Bournemouth 3-0 Milan;

Beşiktaş 2-2 Crystal Palace;

Celtic 1-2 Celta;

Viktoria Plzeň 1-2 Levski Sofia;

Jagiellonia 0-3 Anderlecht;

Lillestrøm 0-6 Real Sociedad;

Celje 2-2 Salzburg;

Olympiacos 1-0 Sparta Praha;

Omonia 1-4 Benfica;

Hoffenheim 3-0 Lyon.

Continue Reading

Vendi

Gala Mbramja e EOQ Congress 2026 bashkon liderët evropianë të cilësisë në shënimin e tri jubileve

Published

1 hour ago

on

October 23, 2026

By

Në kuadër të EOQ Congress 2026, në Kosovë u mbajt gala mbramja, e cila shënoi tri përvjetorë të rëndësishëm: 70-vjetorin e European Organization for Quality (EOQ), 25-vjetorin e UBT-së dhe 20-vjetorin e Quality Kosova. Mbrëmja mblodhi përfaqësues të komunitetit ndërkombëtar të cilësisë, liderë akademikë dhe partnerë institucionalë, duke vënë në pah rëndësinë e bashkëpunimit, inovacionit dhe zhvillimit të kulturës së cilësisë. 

Fjalën e rastit e mbajti fillimisht Prof. Dr. Edmond Hajrizi, Rektor i UBT-së, President i Quality Kosova dhe Zëvendëspresident i EOQ-së, i cili theksoi rëndësinë e rrugëtimit 25-vjeçar të UBT-së dhe kontributin 20-vjeçar të Quality Kosova në zhvillimin e sistemeve të cilësisë, krijimin e vlerës dhe ndërtimin e së ardhmes.

Më pas, të pranishmëve iu drejtua Prof. Dr. Paulo Sampaio, President i European Organization for Quality (EOQ), i cili vuri në pah rëndësinë e shënimit të 70-vjetorit të organizatës dhe rolin e saj në zhvillimin e komunitetit global të cilësisë.

Programi festiv vijoi me një performancë të valleve tradicionale shqiptare, duke sjellë para të ftuarve kulturën, traditat dhe identitetin e Kosovës. Kjo pjesë i dha mbrëmjes një dimension të veçantë kulturor, duke ndërthurur rëndësinë e bashkëpunimit ndërkombëtar me pasurinë e trashëgimisë kulturore vendore.

Një nga momentet e rëndësishme të mbrëmjes ishte ndarja e çmimeve dhe mirënjohjeve për liderët evropianë të cilësisë, si dhe vlerësimi i partnerëve strategjikë të UBT-së dhe EOQ-së për kontributin e tyre në avancimin e cilësisë dhe forcimin e bashkëpunimit institucional.

Continue Reading

Lajmet

Vazhdojnë punimet e Kongresit të 67-të të EOQ-së në UBT: Rektori Hajrizi prezanton vizionin strategjik për të ardhmen e cilësisë

Published

2 hours ago

on

October 23, 2026

By

Punimet e ditës së dytë të Kongresit të 67-të të Organizatës Evropiane për Cilësi (EOQ), që po mbahet për herë të parë në Kosovë, kanë nisur me prezantimin kryesor të Prof. Dr. Edmond Hajrizit, themelues dhe Rektor i UBT-së, President i Quality Kosova dhe Zëvendëspresident i EOQ-së.

Rektori Hajrizi po sjell në vëmendje një perspektivë strategjike mbi të ardhmen e cilësisë, duke e trajtuar atë përtej standardeve tradicionale dhe certifikimit, si një element thelbësor për zhvillimin e sistemeve moderne, inovacionin dhe transformimin institucional.

Në një kohë kur Inteligjenca Artificiale dhe teknologjitë e reja po ndryshojnë mënyrën se si funksionojnë organizatat dhe institucionet, prezantimi i Rektorit Hajrizi vë në pah rëndësinë e ndërlidhjes së teknologjisë me besimin, përgjegjësinë dhe vlerat njerëzore, si parakushte për një zhvillim të qëndrueshëm.

Përmes këtij prezantimi, Kongresi i 67-të i EOQ-së vazhdon të krijojë hapësirë për shkëmbimin e ideve dhe përvojave ndërkombëtare, duke vendosur në qendër sfidat dhe mundësitë që përcaktojnë të ardhmen e cilësisë në epokën e Inteligjencës Artificiale.

Kongresi po mbahet në Parkun Shkencor, Inovativ dhe Teknologjik të UBT-së, duke bashkuar ekspertë vendorë dhe ndërkombëtarë për të diskutuar mbi cilësinë, inovacionin, qëndrueshmërinë dhe besimin në një botë gjithnjë e më të digjitalizuar.

Continue Reading

Të kërkuara