Sport

Superliga e Kosovës, Prishtina pret në shtëpi Dukagjinin

Kjo do të jetë ndeshja e parë e Prishtinës në krye me trajnerin e ri, Abdulah Ibrakoviq.

Published

5 years ago

November 19, 2021

Betim Gashi

Superliga e Kosovës rikthehet sot pas futbollit në nivel kombëtaresh, ku në kuadër të xhiros së 14 të sezonit të ri kampioni aktual Prishtina pret në shtëpi, në stadiumin “Fadil Vokrri” skuadrën e Dukagjinit.

Në xhiron e fundit të zhvilluar, Prishtina barazoi me rezultat 1:1 me Gjilanin, kurse skuadra e Dukagjinit e mposhti si vendase me rezultat minimal 1:0 Feronikelin.

Pas 13 xhirove, “Plisat” gjenden në vendin e gjashtë në tabelë me gjithsej 17 pikë, tre sosh më shumë se kundërshtari i sotëm Dukagjini që zë vendin e tetë.

Ndeshja e fundit mes Prishtinës dhe Dukagjinit daton në shtator të këtij viti, ku kampioni aktual i Superligës e mposhti si mysafirë Dukagjinin me rezultat të ngushtë 2:1.

Po ashtu, kjo do të jetë ndeshja e parë e Prishtinës në krye me trajnerin e ri, Abdulah Ibrakoviq, ku ky i fundit e zëvendëson të shkarkuarin Zekirija Ramadani.

Related Topics:Superliga e Kosoves xhiro

Up Next

Trajneri i ri i Kosovës zbulohet në janar

Don't Miss

Rikthehen sfidat e “Top 5” të ligave evropianeve

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

8 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

1 day ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

1 day ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L