Aktualitet

Sulmuesi që shpërtheu bombën në Liverpool e kishte planifikuar sulmin për të paktën 7 muaj

Sulmuesi thuhet se vuante nga sëmundje mendore.

Published

on

Burri që vdiq në një sulm me bombë në Liverpool të dielën e kishte planifikuar shpërthimin për të paktën shtatë muaj, kështu tha policia, përcjell UBT News.

Emad Al Swealmeen, 32 vjeç, i lindur në Irak, i cili kishte vite që ishte konvertuar në fenë e krishterë, mori me qira një pronë në qytet në prill dhe kishte bërë “blerje të rëndësishme” për bombën e tij “të paktën” që nga ajo kohë, tha Russ Jackson.

Pajisja e improvizuar shpërtheu në pjesën e pasme të një taksie jashtë një spitali të Liverpool-it, pak çaste përpara se Britania të shënonte të Dielën e Përkujtimit.

Ai mbeti i vdekur, ndërsa shoferi i taksisë u arratis shpejtë me lëndime të lehta pasi thuhet se mbylli Al Swealmeen brenda veturës, transmeton UBT News.

“Tani kemi gjurmuar një të afërm të Al Swealmeen, i cili na ka informuar se ai ka lindur në Irak”, tha Jackson.

Sulmuesi vuante nga sëmundje mendore që “do të jetë pjesë e hetimit dhe do të marrë pak kohë për t’u kuptuar plotësisht”, tha Jackson.

Gazeta Times raportoi se pajisja e improvizuar përmbante TATP – i njëjti eksploziv i favorizuar nga grupi i ashtuquajturi Shteti Islamik që u përdor në sulmet e Parisit të vitit 2015 dhe bombardimin në Manchester Arena në 2017.

Shpërthimi ishte sulmi i dytë i frymëzuar nga terrori në Britani në muajin e fundit, pasi një deputet britanik u godit me thikë për vdekje teksa takonte votuesit në Anglinë juglindore në tetor./UBTNews/

Aktualitet

Qelaj: Partneriteti me aleatët i nevojshëm për fuqizimin e të drejtave të njeriut

Published

on

Për nder të përvjetorit të 25-të të themelimit të institucionit të Avokatit të Popullit u organizua një takim me partnerët ndërkombëtarë nga vetë avokati i popullit.

Avokati i Popullit, Naim Qelaj, shprehu nevojën që partneriteti me aleatët të fuqizohet dhe të vazhdojë edhe më tej në drejtim të respektimit të të drejtave të njeriut.

Ai përmendi edhe sfidat që kohëve të fundit janë përballur, ndër të tjera edhe me mungesën e konstituimit të Kuvendit të Kosovës.

Pjesë e kësaj tryeze ishte edhe shefi i Zyrës së Bashkimit Evropian në Kosovë, Aivo Orav, i cili tha se institucioni i Avokati të Popullit shënon arritje të mëdha në drejtim të respektimit të drejtave të njeriut dhe barazinë në Kosovë.

“Ruajtja e pavarësisë së këtij institucioni do të thotë rritje e besimit publik”, tha Orav./S.K/KP/

 

Continue Reading

Aktualitet

Arrestohen dy persona të dyshuar për posedim të armës dhe deklarim të rremë

Published

on

Policia e Kosovës njofton se dje në Pejë ka ndaluar dy persona tё dyshuar dhe ka arrestuar derisa ishte nё pikё kontrolli në rrugën “Maja e zezё-Peklenё’.

Ata njoftuan se gjatё kontrollit fizik tek njёri nga personat e dyshuar ёshtё gjetur dhe është sekuestruar: njё armё pistoletё, njё karikator i armёs, katёr fishekё

Sipas Policisë, gjatё intervistimit i dyshuari ёshtё prezantuar rrejshëm me identitet tjetёr, pastaj ёshtё verifikuar dhe vërtetuar nga hetuesit dhe i njëjti ka deklaruar rrejshёm.

“Pas intervistimit të personave tё dyshuar me urdhёr tё prokurorit tё Shtetit tё dyshuarit janё ndaluar pёr 48 orё”, thuhet në njoftim./S.K/KP/

Continue Reading

Aktualitet

28 vjet nga protestat studentore në Prishtinë

Published

on

Sot mbushen 28 vjet nga protestat e Lëvizjes Studentore të 1 tetorit 1997, koha kur studentët e Universitetit Paralel asokohe të Prishtinës, protestuan për të drejtat e tyre, dhe për të drejtat e njeriut kosovar në Kosovën e atëhershme.

Ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta.

Lëvizja Studentore e 1997 e drejtuar nga Bujar Dugolli, Milot Cakaj, Muhamet Mavraj, Driton Lajçi, Hajrullah Koliqi, Fetah Jagxhiu, Ahmet Gecaj dhe Albin Kurti, e përkrahur dhe nga rektori i Universitetit të Prishtinës, Ejup Statovci, si dhe nga disa profesorë, i pati dhënë fund politikës paqësore të popullit shqiptar ndaj regjimit serb.

Përpos masave të dhunshme që regjimi kishte vendosur vite më parë në universitet, dëboi studentë e profesorë nga universiteti dhe imponoi plan-programin serb për mësim.

Këto protesta konsiderohen si një ndër aktet më të rëndësishme të asaj kohe, mirëpo të shpërndarë protestën paqësore, policia serbe përdori dhunë ndaj studentëve dhe profesorëve. /S.K/KP/KultPlus/

Continue Reading

Aktualitet

​Aksident i rënë në Besi, lëndohet motoçiklisti

Published

on

Një aksident i rëndë trafiku ka ndodhur mbrëmë në fshatin Besi të Prishtinës, ku si pasojë ngasësi i motoçikletës ka pësuar lëndime të rënda trupore.

Në aksident kanë qenë të përfshirë një automjet dhe një motoçiklistë, teksa janë parë qytetarët janë mbledhur për t’ia dhënë ndihmën e parë.

Nga Policia e Kosovës ende nuk ka njoftim zyrtar./S.K/KP/

Continue Reading

Të kërkuara