Kronika e zezë

Sulmohet me granatë shtëpia e kryesuesit të Bordit të “Trepçës”

Nga ky shpërthim janë shkaktuar dëme të konsiderueshme materiale.

Published

1 year ago

August 31, 2023

UBT news

Një granatë dore është hedhur sot (e enjte) në orët e para të mëngjesit në oborrin e shtëpisë së kryesuesit të Bordit të kompanisë publike “Trepça”, Bahri Hyseni. Nga ky shpërthim janë shkaktuar dëme të konsiderueshme materiale.

Hyseni është i shokuar nga ky sulm, pasi që thekson se nuk ka ndonjë problem me askënd.

Sipas tij, ky akt, të cilin e quajti tinëzar, mund të jetë si rrjedhojë e angazhimit të tij në pozitën e kryesuesit të Bordit të “Trepçës”.

“Ne jemi të shqetësuar për faktin se unë personalisht nuk kam asnjë problem me askënd, dhe kujtoj se ushtroj me integritet secilën detyrë që kam, sepse kjo mund të rrjedhë nga angazhimet tona që kemi, por ne vazhdojmë punën tonë. Kjo është e papritur, ka ndodhur në befasi, është tinëzare, nuk është burrërore aspak… Nuk ka pasur asnjë kërcënim, nga ka ardhur nuk e di, të shohim’, ka thënë Hyseni.

Në anën tjetër, Hilmi Prekazi, zëdhënës i policisë për rajonin e Mitrovicës së Jugut, theksoi se si pasojë e shpërthimit janë dëmtuar dy automjete dhe një pjesë e shtëpisë.

Prekazi shtoi se deri tani nuk ka të arrestuar dhe rasti është iniciuar si ‘shkaktim i rrezikut të përgjithshëm’, ndërsa hetimet janë në vazhdim.

“Rreth orës 07:43 minuta një ankues ka njoftuar policinë se dy automjete pronë e tij janë të dëmtuara. Policia ka shkuar në vendin e ngjarjes dhe ka vërejtur se përveç automjeteve, edhe një pjesë e shtëpisë ishte dëmtuar… Dyshohet se kemi të bëjmë me një mjet shpërthyes. Është njoftuar prokurori i rastit dhe është iniciuar rasti ‘shkaktim i rrezikut të përgjithshëm’, ndërsa hetimet vazhdojnë në drejtim të kësaj vepre penale”, theksoi Prekazi.

Për këtë shpërthim, ka reaguar edhe ndërmarrja “Trepça” duke theksuar se nga ky sulm shpërthim ka dëme të konsiderueshme materiale.

“Ndërmarrja Trepça Sh.a njofton se mbrëmë gjatë mesnatës u sulmua me granatë dore Kryesuesi i Bordit Mbikëqyrës të Ndërmarrjes Trepça Sh.A Bahri Hyseni. Për këtë incident është njoftuar Policia e Kosovës që janë duke u marrë me rastin. Nga ky shpërthim ka dëme të konsiderueshme materiale”, thuhet në njoftim.

Related Topics:ndërmarrja “Trepça”

Up Next

Furnizimi me tekste shkollore, Nagavci thotë se është bërë pagesa për grupin e parë të aplikuesve

Don't Miss

Vrasje në Malishevë, katër persona shoqërohen në stacion policor

Kronika e zezë

Arrestohen tre persona për fajde në Prizren

Published

3 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

3 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

3 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

3 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.