Bota

Sulmi raketor ndaj Ukrainës, Zelensky thirrje Rusisë për armëpushim ajror dhe detar

Published

on

Presidenti ukrainas Volodymyr Zelensky bëri thirrje për një armëpushim ajror dhe detar të premten pasi Rusia bombardoi infrastrukturën energjetike të Ukrainës gjatë natës.

Duke shkruar në Telegram, ai përsëriti se duhet të ketë “heshtje” në detet dhe qiejt mbi Ukrainë.

Hapat e parë drejt paqes reale duhet të përfshijnë detyrimin e burimit të vetëm të kësaj lufte, Rusisë, që të ndalojë sulme të tilla kundër jetës”, tha udhëheqësi ukrainas.

Rusia shënjestroi infrastrukturën energjetike të Ukrainës gjatë natës në një sulm me raketa dhe dron në shkallë të gjerë, thanë zyrtarët ukrainas të premten.

Të paktën 10 persona, përfshirë një fëmijë, u plagosën, thanë autoritetet.

Ministri i Energjisë Herman Halushchenko e përshkroi sulmin si “masiv” në një postim në Facebook.

Rusia po përpiqet të dëmtojë ukrainasit e zakonshëm duke goditur objektet e prodhimit të energjisë dhe gazit, pa braktisur qëllimin e saj për të na lënë pa dritë dhe ngrohje dhe duke shkaktuar dëmin më të madh për qytetarët e zakonshëm,” tha Halushchenko.

Në përgjigje, zëdhënësi i Kremlinit Dmitry Peskov tha të premten se furnizimet me energji ishin një objektiv legjitim në luftë, pasi ato ishin të lidhura me “kompleksin industrial ushtarak dhe prodhimin e armëve” të Ukrainës.

Ai fillimisht sugjeroi hapat fillestarë për ndalimin e luftës – duke përfshirë ndalimin e gjuajtjes së raketave, dronëve dhe bombave ndaj energjisë dhe infrastrukturës tjetër civile – të martën. Zelensky ka propozuar gjithashtu ndërprerjen e operacioneve luftarake në Detin e Zi për të lejuar transportin e sigurt.

Propozimet e Zelensky përmbajnë elemente të atyre të sugjeruara nga presidenti francez Emmanuel Macron gjatë samitit të liderëve të javës së kaluar në Londër.

Në një intervistë me gazetën Le Figaro, Macron propozoi një armëpushim katër-javor në “ajër, det dhe në infrastrukturën energjetike” që nuk do të mbulonte luftimet përgjatë vijës së frontit në lindje, pasi kjo do të ishte komplekse për t’u “monitoruar”.

Atëherë mund të fillojnë negociatat e vërteta të paqes,” tha Barrot.

Rusia nuk ka komentuar publikisht propozimet franceze për paqe.

Gjithashtu të martën, udhëheqësi ukrainas njoftoi se ishte gati të punonte nën “udhëheqjen e fortë” të Presidentit të SHBA Donald Trump për të arritur paqen e qëndrueshme, duke sinjalizuar një kthesë nga momenti kur ai u largua nga Shtëpia e Bardhë pas një grindjeje midis të dyve javën e kaluar.

SHBA ndërpreu përkohësisht ndihmën ushtarake dhe inteligjencën për Ukrainën këtë javë pas debatit publik, megjithëse zyrtarët sugjeruan se pauza e fundit do të hiqej nëse Ukraina do të kthehej shpejt në tryezën e bisedimeve.

Zelensky është përballur me presionin e fortë të SHBA-së për të bërë lëshime përpara çdo bisedimi të paqes, ndërkohë që ai ka kërkuar garanci për sigurinë për Kievin.

Bota

​Trump kërcënon Apple me tarifa

Published

on

By

Presidenti amerikan Donald Trump ka thënë se Apple duhet të prodhojë iPhone-t e saj në Shtetet e Bashkuara të Amerikës ose do të përballet me tarifë 25 për qind.

Kam informuar Tim Cook të Apple shumë kohë më parë se pres që iPhone-ët të shiten në Shtetet e Bashkuara të Amerikës dhe të prodhohen në SHBA, jo në Indi apo kudo tjetër. Nëse nuk është kështu, Apple do të duhet të paguajë një tarifë prej të paktën 25% për Shtetet e Bashkuara,” shkroi Trump në Truth Social, raporton KosovaPress.

Gjatë vizitës së tij në Lindjen e Mesme javën e kaluar, Trump shprehu pakënaqësinë me planin e Apple për të prodhuar iPhone në objektet e reja të ndërtuara në Indi.

Apple ka punuar për të diversifikuar prodhimin vitet e fundit dhe disa prodhime të iPhone tashmë janë zhvendosur në Indi.

Kryeshefi i kompanisë Tim Cook tha gjatë një telefonate me investitorët në fillim të muajit se ai pret që “shumica e iPhone-ve të shitur në SHBA do të kenë Indinë vend të origjinës”.

Cook shtoi se Apple pret kosto doganore deri në 900 milionë dollarë këtë tremujor.

Muajin e kaluar, Trump vendosi të përjashtojë pajisjet elektronike nga tarifat e rënda që vendosi për mallrat kineze, gjë që ishte një fitore e madhe për Apple dhe kompanitë e tjera amerikane të teknologjisë.

Tim Cook takoi Trump të martën në Shtëpinë e Bardhë, konfirmoi një zyrtar i administratës për CNN, por nuk zbuloi detaje.

Continue Reading

Bota

Presidentja e Sllovenisë akuza Izraelit për gjenocid në Gaza

Published

on

By

Presidentja e Sllovenisë, Natasa Pirc Musar, ka bërë një deklaratë të fortë në Parlamentin Evropian, duke e cilësuar ofensivën e Izraelit në Gaza si “gjenocid”. Në fjalimin e saj të mbajtur gjatë vizitës së parë zyrtare në Bruksel, ajo shprehu shqetësim të thellë për situatën humanitare në Lindjen e Mesme dhe kritikoi heshtjen e bashkësisë ndërkombëtare.

Ky është gjenocid,” deklaroi Pirc Musar. “Unë do të guxoj ta them këtë këtu dhe sot, në Parlamentin Evropian. Ne jemi dëshmitarë të gjenocidit. Po e shohim, po e shikojmë dhe po heshtim.

Presidentja sllovene dënoi qartë veprimet izraelite në Gaza, ku, sipas saj, që nga fillimi i marsit deri në këtë javë, Izraeli ka bllokuar ndihmën humanitare, duke thelluar tragjedinë humanitare. Ajo theksoi se, ndonëse shtetet anëtare të BE-së kanë qëndrime të ndryshme për konfliktin, asnjë vend nuk duhet të harrojë detyrimet që rrjedhin nga ligji ndërkombëtar humanitar.

Konflikti në Lindjen e Mesme ishte ndër temat kryesore të takimeve të saj me presidentin e Këshillit Evropian, Charles Michel, dhe presidenten e Komisionit Evropian, Ursula von der Leyen. Të dy liderët, sipas Pirc Musar, e siguruan se Bashkimi Evropian do të angazhohet më fuqishëm në nismat për paqe dhe stabilitet në rajon.

Një tjetër çështje qendrore e vizitës së presidentes sllovene në Bruksel ishte zgjerimi i BE-së. Ajo e quajti këtë proces një “domosdoshmëri gjeopolitike dhe detyrim moral”, duke theksuar nevojën për përshpejtimin e integrimit të Ballkanit Perëndimor, Ukrainës dhe Moldavisë.

Pas takimit me komisioneren për zgjerimin, Marta Kos, Pirc Musar tha se ndajnë të njëjtin vizion për zgjerimin si një investim strategjik në paqe, stabilitet dhe të ardhme të përbashkët evropiane.

Deklaratat e saj në Bruksel pritet të nxisin debat në rrafshin diplomatik, sidomos për tonin e saj të hapur dhe akuzat e drejtpërdrejta ndaj Izraelit, një vend tradicionalisht i mbështetur nga disa shtete anëtare të BE-së. Ndërkohë, Pirc Musar ka theksuar nevojën për një Evropë më të bashkuar, më të ndjeshme ndaj të drejtave të njeriut dhe më aktive në skenën ndërkombëtare.

Continue Reading

Bota

Lavrov: Vatikani i papërshtatshëm për bisedimet e paqes

Published

on

By

Ministri i Jashtëm rus, Sergei Lavrov nuk e sheh Vatikanin si një vend të përshtatshëm për negociata të reja për t’i dhënë fund luftës së Moskës kundër Ukrainës. Lavrov tha se opsioni i Vatikanit nuk ishte realist për Moskën.

Imagjinoni Vatikanin si një vend për negociata. Është disi e pahijshme kur vendet ortodokse diskutojnë çështje në një platformë katolike që kanë të bëjnë me eliminimin e shkaqeve të konfliktit”, tha Lavrov.

Presidenti amerikan, Donald Trump ka sugjeruar Vatikanin si vendin e negociatave – pas një bisede telefonike me presidentin rus Vladimir Putin.

Lavrov tha se kishte “spekulime” rreth asaj se kur dhe ku mund të organizohej një takim i ri i përfaqësuesve nga Rusia dhe Ukraina.

Ministri i Jashtëm, Lavrov akuzoi Kievin se kërkon të shkatërrojë Kishën Ortodokse të Ukrainës.

Mendoj se nuk do të ishte shumë e këndshme për Vatikanin të priste delegacione nga dy vende ortodokse në këto rrethana”, tha ai./atsh

Continue Reading

Bota

Trump rekomandon tarifa prej 50% për importet e BE-së duke filluar nga 1 qershori

Published

on

By

Presidenti i SHBA-së, Donald Trump ka rekomanduar që eksportet nga Bashkimi Evropian në Shtetet e Bashkuara të Amerikës – t’i nënshtrohen një tarife prej 50%, sipas një postimi në “Truth Social”.

Blloku, i cili u formua me qëllimin kryesor për të përfituar nga Shtetet e Bashkuara të Amerikës në TREGTI, ka qenë shumë i vështirë për t’u trajtuar”, tha Trump duke kritikuar BE-në.

Barrierat e tyre të fuqishme Tregtare, Taksat e TVSH-së, Gjobat qesharake të Korporatave, Barrierat Tregtare Jo-Monetare, Manipulimet Monetare, paditë e padrejta dhe të pajustifikuara kundër Kompanive Amerikane dhe më shumë”, tha presidenti amerikan duke përshkruar një listë të gjatë ankesash.

Presidenti Trump tha se bisedimet tregtare me Brukselin “nuk po shkonin gjëkundi” dhe se për këtë arsye ai kërkonte një tarifë të drejtpërdrejtë prej 50% për të gjitha importet e BE-së – duke filluar nga 1 qershori.

Trump – siç ka bërë në postime të tjera – rreth politikave të tij të diskutueshme tregtare, u kujtoi lexuesve se nuk ka tarifë nëse një produkt prodhohet në SHBA./atsh

Continue Reading

Të kërkuara